«Ядролық қондырғылар мен көму пункттерін орналастыру алаңын таңдау қағидаларын бекіту туралы» Қазақстан Республикасы Үкіметінің 2016 жылғы 24 мамырдағы № 301 қаулысына өзгерістер енгізу туралы» Қазақстан Республикасы Үкіметі қаулысының жобасы

Хабарлама

«Ядролық қондырғылар мен көму пункттерін орналастыру алаңын таңдау қағидаларын бекіту туралы» Қазақстан Республикасы Үкіметінің 2016 жылғы 24 мамырдағы № 301 қаулысына өзгерістер енгізу туралы» Қазақстан Республикасы Үкіметі қаулысының жобасын Министрліктің ресми интернет-ресурсында және «Ашық НҚА» интернет-порталында орналастырылғанын хабарлайды.

«Атом энергиясын пайдалану туралы» Қазақстан Республикасы Заңы 5-бабының 2)-тармақшасына сәйкес Қазақстан Үкіметі ядролық қондырғыларды және көму пункттерін салу ауданы, олардың құрылысы және құрылысын болғызбау туралы шешімдер қабылдайды. Бұл ретте ядролық қондырғылар мен көму пункттерін салу ауданы туралы шешім қабылданғаннан кейін ядролық қондырғыны салу алдында құрылыс үшін алаң таңдалады.

Ядролық қондырғылар мен көму пункттерін орналастыру алаңын таңдаудың қолданыстағы қағидалар (бұдан әрі – Қағида) болжамды құрылыс өңіріне тән сыртқы әсерлерге және қауіп-қатер түрлеріне (табиғи және техногендік) қойылатын талаптарды, қоршаған ортаға, экономикалық және әлеуметтік-экономикалық факторларға, халықтың денсаулығы мен қауіпсіздігін қамтамасыз етуге қойылатын талаптарды ескере отырып, Ядролық қондырғыларды және көму пункттерін (бұдан әрі – ЯҚКП) орналастыру алаңын таңдау тәртібін, сонымен қатар алаңды бағалау процесінде қолданылатын ақпаратты дайындау және құжаттау рәсімін белгілейді.

Қолданыстағы қағида 2016 жылы бекітілген, қазіргі уақытқа дейін өзгерістер мен толықтырулар енгізілмеген. Қаулы жобасын қабылдау ядролық қондырғылар мен көму пункттерін орналастыру алаңын таңдау қағидаларын өзектендіруге мүмкіндік береді.

            Ядролық қондырғылар мен көму пункттерін орналастыру алаңын таңдау қағидаларының жаңа редакциясын бекіту ядролық қондырғылар мен көму пункттерін салу кезінде алаңды сайлауға қойылатын талаптарды күшейтуге мүмкіндік береді, бұл өз кезегінде халықтың қауіпсіздігін қамтамасыз етуге алып келеді.

Қағида мәтініндегі өзгерістер Атом энергиясы жөніндегі халықаралық агенттіктің (АЭХА) қауіпсіздік жөніндегі нормалары мен ұсынымдарына негізделген және дамыған елдердің ядролық және радиациялық қауіпсіздік саласындағы нормативтік құжаттарды әзірлеу саласындағы жинақталған тәжірибесін де, оларды қолдану тәжірибесін де көрсетеді.

Қағидалардың жаңа редакциясы уәкілетті органға, жобалық, құрылыс және пайдаланушы ұйымдарға атом энергиясын пайдалану объектілеріне қойылатын талаптарды неғұрлым нақты тексеруге және қамтамасыз етуге мүмкіндік беретін қауіпсіздікті қамтамасыз етудің бұрын ескі редакцияда қабылданған жалпы критерийлерін егжей-тегжейлі қамтиды.

Осыған байланысты Министрлік аталған жобаны талқылауға шақырады
(сілтемелер: https://legalacts.egov.kz/npa/view?id=15320819­­­­­).