Қазақстан Республикасының Республика күніне орай Қостанай облысы бойынша Қылмыстық-атқару жүйесі департаментінде Еңбек және жауынгерлік даңқ музейінің салтанатты ашылуы өтті.
Қазақстан Республикасының Республика күніне орай Қостанай облысы бойынша Қылмыстық-атқару жүйесі департаментінде Еңбек және жауынгерлік даңқ музейінің салтанатты ашылуы өтті.
Іс-шараға жергілікті атқарушы органдардың өкілдері, ардагерлер және қылмыстық-атқару жүйесінің қызметкерлері қатысты. Кездесу барысында Конституцияның ел өміріндегі маңыздылығы, сондай-ақ құқық қорғау органдарының заңдылық пен құқықтық тәртіпті қамтамасыз етудегі рөлі атап өтілді.
Музей экспозициясында соғыс ардагерлері мен қылмыстық-атқару жүйесі ардагерлеріне арналған тарихи материалдар, фотосуреттер, мекемелердің макеттері, сондай-ақ өткен жылдардағы және қазіргі кезеңдегі қызметтік киім үлгілері ұсынылған. Бұл жәдігерлер қылмыстық-атқару жүйесінің қалыптасу және даму тарихын бейнелеп, келушілерге әр кезеңдегі қызмет ерекшеліктерімен және аға буын өкілдерінің қосқан үлесімен танысуға мүмкіндік береді.
Музейдің ашылуы тарихи мұраны сақтау, ардагерлердің есімдерін ұлықтау және жас қызметкерлерге патриоттық тәрбие беру жолындағы маңызды қадам болды. Музей қызметтік дәстүрлер сабақтастығын қамтамасыз етуге және жас қызметкерлердің кәсіби мақтаныш сезімін нығайтуға бағытталған.