ҚР ДСМ бас трансплантологы, А.Н. Сызғанов атындағы Ұлттық ғылыми хирургия орталығы басқарма төрағасы Болатбек Баймаханов трансплантаттаудың барлық кезеңі қалай өтетінін жан-жақты түсіндіріп, оның заманауи медицинадағы ең күрделі әрі жоғары технологиялық үдерістердің бірі екенін атап өтті.
Оның айтуынша, ағзаны трансплантаттау ондаған маманның бір мезгілде үйлесімді жұмысын, күрделі логистиканы, жоғары технологиялық медициналық жабдықтарды және халықаралық хаттамалардың қатаң сақталуын талап етеді.