Міндетті әлеуметтік медициналық сақтандыруды жетілдіру және талдау департаменті туралы ереже

Қазақстан Республикасы

Денсаулық сақтау министрінің

 2025 жылғы «24» маусымдағы № 406

бұйрығына 15-қосымша

 

Міндетті әлеуметтік медициналық сақтандыруды жетілдіру және талдау департаменті туралы ереже

 

1-тарау. Жалпы ережелер

 

1. Міндетті әлеуметтік медициналық сақтандыруды жетілдіру және талдау департаменті (бұдан әрі – Департамент) Қазақстан Республикасы Денсаулық сақтау министрлігінің (бұдан әрі – Министрлік) құрылымдық бөлімшесі болып табылады.
2. Департамент өз қызметінде Қазақстан Республикасының Конституциясын, заңдарын, Қазақстан Республикасының Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
3. Департаменттің құрылымын Қазақстан Республикасы Денсаулық сақтау министрі, штат санын Министрліктің аппарат басшысы Қазақстан Республикасының заңнамасында белгіленген тәртіппен бекітеді.
4. Департамент:

1) Міндетті әлеуметтік медициналық сақтандыруды жетілдіру және дамыту басқармасынан;

2) Медициналық қызметтерге ақы төлеу әдістерін және тарифтерді қалыптастыруды  жетілдіру басқармасынан;

• Міндетті әлеуметтік медициналық сақтандыруды мониторингтеу және талдау басқармасынан тұрады.

 

2-тарау. Департаменттің мақсаттары, құқықтары мен міндеттері

 

5. Мақсаттары:

• міндетті әлеуметтік медициналық сақтандыру (бұдан әрі – МӘМС) жүйесін жетілдіру және дамыту жөніндегі жұмысты үйлестіру;
• тегін медициналық көмектің кепілдік берілген көлемі (бұдан әрі – ТМККК) шеңберінде және МӘМС жүйесінде көрсетілетін қызметтерге ақы төлеу және медициналық көрсетілетін қызметтерге тариф белгілеу әдістерін жетілдіру;
• ТМККК шеңберінде және МӘМС жүйесінде көрсетілетін медициналық қызметтерге мониторинг және талдау жүргізу.

          Функциялары:

1) медициналық сақтандыру, тариф белгілеу, болжау, жоспарлау, медициналық қызметтер тиімділігінің мониторингі жүйелерінің жұмыс істеуінің халықаралық тәжірибесін зерделейді, жинақтайды және оларды жетілдіру жөнінде ұсыныстар қалыптастырады;

2) МӘМС жүйесін дамыту саясатын айқындауға қатысады;

3) белгіленген құзырет шеңберінде құқықтық актілерге құқықтық мониторинг жүргізеді және МӘМС мәселелері бойынша заңнаманы жетілдіру бойынша ұсыныстар әзірлейді;

4) МӘМС жүйесі мәселелері бойынша Министрліктің құрылымдық бөлімшелері мен ведомстволарының жұмысын үйлестіруді жүзеге асырады;

5) «Әлеуметтік медициналық сақтандыру қоры» КеАҚ-мен (бұдан әрі – ӘлМСҚ) облыстардың, республикалық маңызы бар қалалардың денсаулық сақтау басқармаларымен және МӘМС жүйесінің басқа да қатысушыларымен Департаменттің құзыретіне кіретін мәселелер бойынша іс-қимыл жасайды;

6) аударымдарды және (немесе) жарналарды есептеу (ұстап қалу) және аудару тәртібі мен мерзімдерін әзірлейді және айқындайды;

7) МӘМС мәселелері бойынша ақпараттық-түсіндіру жұмысын өткізуді үйлестіреді және оған қатысады;

8) бақылау функцияларын қамтамасыз ету үшін ӘлМСҚ-тың қаржылық және өзге де есептілікті ұсыну тізбесін, нысандарын, мерзімдерін әзірлейді;

9) ӘлМСҚ-тың даму бағыттарын, қызметінің негізгі көрсеткіштерін келісуге қатысады;

10) нормативтік құқықтық актілерді әзірлейді, соның ішінде мемлекеттік көрсетілетін қызмет көрсету мәселелері бойынша және құзыреті шегінде мемлекеттік көрсетілетін қызмет көрсету мәселелері бойынша мониторингті жүзеге асырады;

11) Департаменттің құзыреті шегінде денсаулық сақтау саласындағы бағдармаларды, Қазақстан Республикасы Үкіметінің заң жобалау жұмыстарының жоспарларын, Министрліктің Стратегиялық және Операциялық жоспарларын әзірлеуге және іске асыруға қатысады;

12) Департамент құзыреті шегінде Еуразиялық экономикалық кеңес, Тәуелсіз Мемлекеттер Достастығы және басқа да халықаралық ұйымдар шеңберінде денсаулық сақтау саласындағы еларалық нормативтік құқықтық актілерді әзірлеуге қатысады;

13) құзыреті шегінде Министрліктің ведомстволық бағынысты ұйымдарының қызметін үйлестіреді;

14) ТМККК шеңберінде және (немесе) МӘМС жүйесінде көрсетілетін медициналық қызметтерге тарифтерді қалыптастыру қағидалары мен әдістемесін, сондай-ақ тарифтер мөлшерін әзірлейді және жетілдіреді;

15) ТМККК шеңберінде және (немесе) МӘМС жүйесінде денсаулық сақтау субъектілерінің көрсетілетін қызметтеріне ақы төлеу қағидаларын әзірлейді және жетілдіреді;

16) МӘМС жүйесінде медициналық көрсетілетін қызметтерді тұтынушыларды есепке алуды жүргізу және медициналық көмек алуға құқықтар беру қағидаларын әзірлейді және жетілдіреді;

17) ТМККК шеңберінде және (немесе) МӘМС жүйесінде денсаулық сақтау субъектілерінен медициналық қызметтерді сатып алу шарты талаптарының орындалу мониторингін жүргізу қағидаларын әзірлейді және жетілдіреді;

18) Департаменттің құзыретіне кіретін мәселелер бойынша жеке және заңды тұлғалардың өтініштерін қарайды;

19) ТМККК шеңберінде және МӘМС жүйесінде медициналық көрсетілетін қызметтерді басымдықпен қаржыландыруды қамтамасыз ету бөлігінде бағдарламалық құжаттардың орындалуына мониторинг жүргізу;

20) Қазақстан Республикасының заңнамасына сәйкес өзге де функцияларды жүзеге асырады.

 

7. Құқықтары:

1) Министрліктің ведомстволарынан және құрылымдық бөлімшелерінен өз міндеттерін орындау үшін қажетті құжаттар мен мәліметтерді сұратуға;

2) Департаменттің құзыретіне жатқызылған мәселелер бойынша мемлекеттік органдармен және өзге де ұйымдармен өзара іс-қимылды жүзеге асыруға;

3) жұмыс топтарын, басқа да консультативтік-кеңесші органдарды құру жөніндегі құқықтық актілерді әзірлеуге және нормативтік құқықтық актілер мен басқа да құжаттардың жобаларын дайындау үшін Министрліктің құрылымдық бөлімшелері басшыларының келісімімен олардың қызметкерлерін тартуға;

4) Департаменттің құзыреті шегінде халықаралық ұйымдармен және консультанттармен өзара іс-қимыл жасауға;

5) Департаменттің құзыретіне кіретін мәселелер бойынша және  ведомстволық бағынысты ұйымдардың аумақтық денсаулық сақтау ұйымдарының басшыларымен өзара іс-қимыл жасауға;

6) өз құзыреті және берілген өкілеттіліктер шегінде мемлекеттік органдарда, халықаралық және қоғамдық ұйымдарда, конференцияларда, семинарларда, дөңгелек үстелдерде  Министрліктің мүдделерін білдіруге; 

7)   денсаулық сақтау саласындағы ақпараттық жүйелерден мәліметтер алуға;

8) Қазақстан Республикасының заңнамасына сәйкес өзге де құқықтары бар.

 

8. Міндеттері:

1) оның құзыретіне кіретін мәселелер бойынша шешімдер қабылдауға;

2) Мемлекет басшысы, Президент Әкімшілігі мен Қазақстан Республикасы Үкіметінің тапсырмаларын, заң жобалау жұмыстары жоспарының уақтылы және сапалы орындалуын қамтамасыз етуге;

3) Департаменттің алдына қойылған міндеттерді орындауға;

4) қызметін жүзеге асыру кезінде Қазақстан Республикасының қолданыстағы заңнамасын сақтауға;

5) Министрліктің құқықтық актілерінде және Министрліктің басшылығының тапсырмаларында көзделген өзге де міндеттерді жүзеге асыруға міндетті. 

3 - тарау. Департаменттің қызметін ұйымдастыру

 

9. Департаменттің Қазақстан Республикасының заңнамалық актілеріне, Президентінің актілеріне және Қазақстан Республикасының өзге де нормативтік құқықтық актілеріне сәйкес өз міндеттерін іске асыру үшін қажетті құқықтары мен міндеттері болады.
10. Департаментті Қазақстан Республикасының заңнамасында белгіленген тәртіппен лауазымға тағайындалатын және лауазымнан босатылатын директор басқарады.
11. Департамент директорының бір орынбасары бар.
12. Директор Департамент қызметін жалпы басқаруды жүзеге асырады, оған жүктелген міндеттердің орындалуына және өз өкілеттіктерін жүзеге асыруына дербес жауапты болады.
13. Директор Министрліктің басшылығына Департаменттің құрылымы мен штат саны жөнінде ұсыныстар береді.
14. Департаменттің құзыретіне кіретін мәселелер бойынша Департамент атынан басқа құрылымдық бөлімшелерге жіберілетін құжаттарға Департамент директоры, ал ол болмаған жағдайда – оны алмастыратын адам қол қояды.

Дата публикации

29 июля 2025