Қазақстан Республикасы Денсаулық сақтау министрлігінің
кейбір мәселелері туралы

 

 

Қазақстан Республикасының Үкіметі ҚАУЛЫ ЕТЕДІ:

1. Қазақстан Республикасы Денсаулық сақтау министрлігінің «Республикалық психикалық денсаулық ғылыми-практикалық орталығы» және «Қазақ дерматология және инфекциялық аурулар ғылыми орталығы» шаруашылық жүргізу құқығындағы республикалық мемлекеттік кәсіпорындар заңнамада белгіленген тәртіппен қайта құру жолымен оның жарғылық капиталына мемлекеттің жүз пайыз қатысуымен «Республикалық психикалық денсаулық ғылыми-практикалық орталығы» (бұдан әрі – «РПДҒПО» ЖШС) және «Қазақ дерматология және инфекциялық аурулар ғылыми орталығы» (бұдан әрі – «ҚДИАҒО» ЖШС) жауапкершілігі шектеулі серіктестері болып қайта ұйымдастырылсын.
2. «РПДҒПО» ЖШС және «ҚДИАҒО» ЖШС қызметінің негізгі нысанасы денсаулық сақтау саласындағы қызметті жүзеге асыру болып белгіленсін.
3. Қазақстан Республикасы Қаржы министрлігінің Мемлекеттік мүлік және жекешелендіру комитеті (бұдан әрі – Комитет) Қазақстан Республикасы Денсаулық сақтау министрлігімен (бұдан әрі – Министрлік) бірлесіп заңнамада белгіленген тәртіппен:

1) «РПДҒПО» ЖШС және «ҚДИАҒО» ЖШС жарғыларын бекітуді және оларды Қазақстан Республикасының әділет органдарында мемлекеттік тіркеуді;

3) «РПДҒПО» ЖШС және «ҚДИАҒО» ЖШС мемлекеттік қатысу үлестеріне иелік ету және оны пайдалану құқығын Қазақстан Республикасы Денсаулық сақтау министрлігіне беруді;

4) осы тармақатан туындайтын өзге де шараларды қабылдауды қамтамасыз етсін.

4. Комитет Министрлікпен бірлесіп, осы қаулының 1 және 3 тармақтарында көрсетілген іс-шаралар орындалғаннан кейін заңнамада белгіленген тәртіппен «РПДҒПО» ЖШС және «ҚДИАҒО» ЖШС мемлекеттік қатысу үлестерін «С.Ж. Асфендияров атындағы Қазақ ұлттық медицина университеті» коммерциялық емес акционерлік қоғамының акцияларының төлеуге берілсін.
5. Қазақстан Республикасы Үкіметінің кейбір шешімдеріне мынадай өзгерістер енгізілсін:

1) «Базалық қаржыландыру субъектілері болып табылатын ұйымдардың тізбесін бекіту туралы» Қазақстан Республикасы Үкіметінің 2011 жылғы
13 мамырдағы № 511 қаулысында (Қазақстан Республикасының ПҮАЖ-ы,
2011 ж., №38, 461-құжат):

көрсетілген қаулымен бекітілген базалық қаржыландыру субъектілері болып табылатын ұйымдардың тізбесінде:

«Қазақстан Республикасының Денсаулық сақтау министрлігі» деген бөлімде:

реттік нөмірі 132-жолы мынадай редакцияда жазылсын:

«

132.	«Қазақ дерматология және инфекциялық аурулар ғылыми орталығы» жауапкершілігі шектеулі серіктестігі

»;

2) «Қазақстан Республикасы Денсаулық сақтау және Ұлттық экономика министрлiктерінің кейбiр мәселелерi туралы» Қазақстан Республикасы Үкіметінің 2017 жылғы 17 наурыздағы № 71 қаулысына (Қазақстан Республикасының нормативтік құқықтық актілерінің Эталондық бақылау банкінде 2017 жылғы 22 ақпанда электрондық түрде жарияланған) мынадай өзгеріс енгізілсін:

Қазақстан Республикасы Үкіметінің көрсетілген қаулысымен бекітілген Қазақстан Республикасы Денсаулық сақтау министрлігі туралы ережеде:

Қазақстан Республикасы Денсаулық сақтау министрлігінің және оның ведомстволарының қарамағындағы мемлекеттік мекемелердің тiзбесiнде:

«1. Шаруашылық жүргізу құқығындағы мемлекеттік кәсіпорындар» деген бөлімде:

реттік нөмірі 14 және 17-жолдары алып тасталсын.

6. Осы қаулы қол қойылған күнінен бастап қолданысқа енгізіледі.

 

 

Қазақстан Республикасының

Премьер-Министрі                                                                     А. Мамин

 

Дата публикации

19 июня 2020