Республикалық мүлікті «Turar Healthcare» коммерциялық емес акционерлік қоғамының акцияларын төлеуге беру туралы
«Мемлекеттік мүлік туралы» 2011 жылғы 1 наурыздағы Қазақстан Республикасының Заңы 114-бабының 1-тармағына сәйкес Қазақстан Республикасының Үкіметі ҚАУЛЫ ЕТЕДІ:
- Қазақстан Республикасы Денсаулық сақтау министрлігінің теңгеріміндегі Нұр-Сұлтан қаласы, Керей, Жәнібек хандар көшесі, 3 мекенжайы бойынша орналасқан, кадастрлық нөмірі 21:320:097:986:3/М, жалпы алаңы 28 шаршы метр ғимарат (М литері - өте беріс) «Turar Healthcare» коммерциялық емес акционерлік қоғамының акцияларын төлеуге берілсін.
- Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасы Денсаулық сақтау министрлігімен бірлесіп Қазақстан Республикасының заңнамасында белгіленген тәртіппен осы қаулыдан туындайтын шараларды қабылдасын.
- Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі А. Мамин