Қазақстан Республикасы Қаржы министрінің 2014 жылғы 31 қазандағы №470 "Жергілікті бюджеттердің жобаларын әзірлеу ережесін бекіту туралы" бұйрығына енгізілген өзгерістерге сәйкес Орал қаласы әкімдігі халық қатысу бюджетін іске асыру туралы келесі жұмысты жүргізді.

Орал қаласы әкімдігінің 2021 жылғы 4 ақпандағы №253 қаулысымен Сараптамалық кеңес құрылды және осы Кеңестің қызмет тәртібі анықталды. Кеңес құрамына мәслихат депутаттары, қала жұртшылығының өкілдері және уәкілетті мемлекеттік органдар кірді.

2021 жылға Орал қаласының тұрғын үй-коммуналдық шаруашылығы, жолаушылар көлігі және автомобиль жолдары бөліміне 018 "Абаттандыру және көгалдандыру" бюджеттік бағдарламасы бойынша Халықтық қатысу бюджеті шеңберіндегі іс-шараларды іске асыруға 39 000 мың теңге сомасында (жылдық шығыс көлемінің кемінде 1%) қаражат көзделген.

Халықтық қатысу бюджеті шеңберінде мынадай іс-шаралар іске асырылатын болады:

Іске асыруға ұсынылатын жобалар:

• аумақты көгалдандыру;
• тротуарларды жайластыру;
• тротуарларды, пандустарды, арықтарды салу және жөндеу;
• жалпы пайдалану орындарын құру, жөндеу және жарықтандыру; (саябақтар, скверлер, жаяу жүргіншілер аймақтары және өзге де объектілер);
• бордюрларды, брусчаткаларды, тіреуіш қабырғаларды жөндеу;
• қоқыс тастайтын жерлерді жою.
• шағын сәулет нысандарын орнату және жөндеу (мүсіндер, субұрқақтар, барельефтер, гүлдерге арналған құмыралар, павильондар, күркелер, орындықтар, урналар, балалардың ойындары мен ересек тұрғындардың демалуына арналған жабдықтар мен конструкциялар);
• аула аумақтарында және жалпы пайдалану орындарында спорттық (жаттығу алаңдарын, футбол, баскетбол, волейбол алаңдарын), балалар ойын алаңдарын орнату, жөндеу және жарықтандыру.

2021 жылғы 20 сәуірде Орал қаласы әкімдігінің ресми интернет-ресурсы арқылы жүзеге асырылатын Орал қаласының тұрғындарынан жобалық ұсыныстарды қабылдау рәсімі басталды. Жобалық ұсыныстар ағымдағы жылдың 9 мамырына дейін қабылданды.

"Халықтық қатысу бюджеті" жобасының барлық кезеңдері 2021 жылғы 15 маусымда аяқталды.

Халық қатысатын бюджет