«Atamnyn Amanaty» қоғамдық бірлестігі Екінші дүниежүзілік соғыста хабар-ошарсыз кеткен боздақтарды іздеумен айналысатын бірден бір үкіметтік емес ұйым. Бес жылдан бергі кезеңде ұйымның ресми сайтына майдангер ұрпақтарынан 10 мыңға жуық өтініш келіп түсіп, барлығы 4000-нан астам қазақстандық жауынгердің жерленген орындары мен аты-жөндері анықталып, 19 отандасымыздың сүйегі туған жеріне әкелініп, әскери құрметпен жерленген.