ҚАРАТӨБЕ АУДАНЫНЫҢ ҚОСКӨЛ АУЫЛДЫҚ ОКРУГІ ӘКІМІНЕ КАНДИДАТТАРДЫ ТІРКЕУ ҚОРЫТЫНДЫСЫ ТУРАЛЫ
ҚАРАТӨБЕ АУДАНЫНЫҢ АУМАҚТЫҚ САЙЛАУ КОМИССИЯСЫНЫҢ ХАБАРЛАМАСЫ
Қазақстан Республикасының «Қазақстан Республикасындағы сайлау туралы» Конституциялық заңының 14 бабының 8-1) тармақшасына және 113-5 бабына сәйкес 2026 жылғы 26 сәуір күні жергілікті уақытпен сағат 18:00-де Қоскөл ауылдық округі әкіміне кандидаттарды тіркеу кезеңі аяқталатынын хабарлайды:
Қаратөбе ауданы Қоскөл сайлау округі бойынша барлығы 3 кандидат ұсынылды. Кандидаттардың 1-уін «AMANAT» партиясы» қоғамдық бірлестігінің Қаратөбе аудандық филиалы ұсынды, 2-уі өзін - өзі ұсыну тәртібімен ұсынылды.
Қазақстан Республикасының «Қазақстан Республикасындағы сайлау туралы» Конституциялық заңының 113-5-бабының 9-тармағына сәйкес кандидаттарды тіркеу туралы ресми ақпарат 2026 жылғы 28 сәуірдегі №18 аудандық «Қаратөбе өңірі» қоғамдық – саяси газетінде жарияланатын болады.
Қаратөбе ауданының аумақтық сайлау комиссиясы