Мектепке дейінгі тәрбие мен оқыту

Облыс бойынша 33,5 мыңнан астам баланы қамтыған 548 мектепке дейінгі ұйым қызмет етеді, оның ішінде 383-і мемлекеттік, 165-і жеке меншік.

      Мемлекеттік  мектепке дейінгі ұйымдар қатарында 147 балабақша, 62 «мектеп-балабақша кешені», 174 шағын орталық болса,  жеке 163 балабақша,  2 жеке шағын орталық жұмыс жасайды.

Мектепке дейінгі білім берудің сапалы көрсеткіші 3 жастан 6 жасқа дейінгі балаларды мектепке дейінгі ұйымдардың қызметтерімен қамтудың жоғары пайызы болып табылады-100%.

2 жастан 6 жасқа дейінгі балаларды мектепке дейінгі тәрбие және оқытумен қамту көрсеткіші –91% .

2024 жылы 3633 орынға арналған 49 мектепке дейінгі білім беру ұйымы ашылды (оның ішінде 3510 орынға 414 жеке ұйым). 

ҚР Білім Министрінің 2022 жылғы 27 тамыздағы №381 бұйрығына сәйкес мектепке дейінгі тәрбие мен оқытуға мемлекеттік білім беру тапсырысы меншік нысанына және ведомстволық бағыныстылығына, түрлеріне қарамастан орналастырылады.

 Мектепке дейінгі ұйымдарда 4 277 педагог, қызмет атқарады, оның ішінде 2866 - директор, әдіскер, тәрбиешілер болса, 1279 басқа мамандар.

Жалпы орта білім

 Облыс бойынша 374 жалпы білім беретін мектеп жұмыс істейді, оның ішінде 358 күндізгі мемлекеттік, кешкі– 2, арнайы– 3, жеке - 11.

Жалпы білім беретін мектептердің жалпы санынан 249 мемлекеттік тілде, 11 орыс тілінде, 114 аралас тілде оқиды.

Мектеп оқушыларының контингенті барлығы 124 979 құрайды, оның ішінде мемлекеттік – 122147, кешкі-142, жеке – 2 166, арнайы – 524 оқушы.

Облыста 206 шағын жинақталған мектеп қызмет етеді, бұл жалпы мектептер санынан 56% құрайды, 19 тірек мектеп (ресурстық орталық) жұмыс істейді. Оқушылар саны азайып, желі нормативіне сәйкес келмеуіне байланысты 4 бастауыш мектеп, 1 кешкі мектеп жабылды.

9 сыныпты 10540 оқушы, 11-сыныпты 6411 оқушы аяқтады, оның ішінде 230 түлек "Алтын белгі" төсбелгі иегерлері.

Облыс бойынша білім беру ұйымдарына 67 елді-мекендерден 51 мектепке 4985 оқушыға күнделікті тасымал ұйымдастырылуда. 65 бірлік автокөлік тасымалды қамтамасыз етеді. Облыс бойынша 52 интернат жұмыс жасайды, оның ішінде 36-і (67%) типтік, 16-і (33%) бейімделген, ондағы бала саны 1922. 

Халықаралық олимпиадалар мен ғылыми жобалар конкурсына облыстан 8 оқушы қатысып, 4-і жүлделі орынға ие болды.  

Жалпы білім беретін пәндер бойынша республикалық олимпиаданың қорытынды кезеңінде 24 жеңімпаз анықталды, оның ішінде  3 алтын, 4 күміс, 17 қола, ол 34% құрайды (2022-2023  оқу жылында І орын – 1, ІІ орын – 5; ІІІ орын – 19. Барлығы 25 орын, ол 40%  құрады).

Қоғамдық-гуманитарлық бағыттағы жалпы білім беретін пәндер бойынша Республикалық олимпиаданың қорытынды кезеңінде көрсеткен үздік нәтижелері үшін Батыс Қазақстан облысының командасына ІІІ дәрежелі "Ең үздік олимпиадалық команда -2024" атағы берілді.

Республикалық олимпиаданың республикалық кезеңінде оқушылары жүлделі орындарға ие болған облысымыздың 6 мектебі (Дарынды балаларға арналған мамандандырылған "Білім-Инновация" мектеп-лицей-интернаты, дарынды балаларға арналған Абай атындағы мамандандырылған мектеп-гимназия интернаты, дарынды балаларға арналған С.Сейфуллин атындағы №11 облыстық мамандандырылған мектеп-интернаты, Орал қаласы №35 мектеп-лицейі, А.Тайманов атындағы №34 мектеп-гимназиясы, Ақжайық ауданы Абай атындағы мектеп-гимназиясы) республика бойынша «100 Үздік мектеп» қатарына енді

Ауыл мектептерінің оқушылары үшін жалпы білім беретін пәндер бойынша республикалық олимпиаданың кезеңінде 2024-2025  оқу жылында жаратылыстану-математикалық және қоғамдық-гуманитарлық бағыттар бойынша Батыс Қазақстан облысы «Үздік олимпиадалық команда-2024» ІІІ дәрежелі дипломдарымен марапатталды. Ауыл мектептерінің оқушыларына арналған жалпы білім беретін пәндер бойынша республикалық олимпиадада көрсеткен үздік нәтижелері үшін Тасқала ауданы «Сәулет» мектеп-лицейіне «Ең үздік ауыл мектебі-2024» атағы берілді (2023 жылы 28 оқушы  анықталды, 8 алтын, 8 күміс, 12 қола. Жаратылыстану-математика мен қоғамдық-гуманитарлық бағыттары бойынша «Ең үздік олимпиадалық команда» аталымы бойынша ІІІ дәрежелі дипломмен марапатталды. Ақжайық ауданы, Абай атындағы мектеп-гимназиясының 10 сынып оқушысы Зайдуллина Арунаға қазақ тілі мен әдебиеті пәні бойынша «Үздік ауыл мектебінің оқушысы» атағы берілді)