Меню
Нұрлыбаев Қайрат Есқабылұлы 1973 жылы Атырау облысы Қызылқоға ауданы Мұқыр селосында дүниеге келген. Ұлты – қазақ. Білімі - жоғары, Батыс Қазақстан Ауыл шаруашылығы институтын инженер-механик және Х.Досмұхамедов атындағы Атырау мемлекеттік университетін экономика мамандықтары бойынша бітірген.
Қайрат Есқабылұлы еңбек жолын 1990 жылы «Гурьев» асыл тұқымды қаракөл қой заводының құрылыс цехында жұмысшы болып бастап, кейін 1996 жылға дейін Ақтобе облысы Хобда аудандық мәслихатының аға референті болып жұмыс жасады.
1996 жылы «Мұқыр» АҚ орталық жылу қазанының жөндеуші-технигі.
1999 жылы Атырау облысы Қызылқоға ауданы Мұқыр ауылдық округі әкімі аппаратының бас маманы лауазымынан мемлекеттік қызметтегі еңбек жолын бастап, кейін 2003 жылға дейін аталған округ әкімінің орынбасары, округ әкімі, Қызылқоға аудандық коммуналдық меншік, құрылыс, көріктендіру және тұрғын үй-коммуналдық шаруашылығы бөлімінің меңгерушісі лауазымдарында қызмет атқарды.
2003 – 2008 жылдары аралығында Атырау облысы Құрманғазы ауданы Шортанбай селолық округінің әкімі, аудандық ішкі саясат және әлеуметтік сала бөлімінің меңгерушісі, ішкі саясат бөлімінің меңгершісі, жер қатынастары бөлімінің меңгерушісі, ішкі саясат бөлімінің бас маманы, Мақаш ауылдық округінің әкімі қызметтерінде болды.
2008 - 2012 жылдары – Атырау облысы Индер ауданы әкімі аппаратының басшысы,2012 - 2019 жылдары – Индер ауданы әкімінің орынбасары.
2019 - 2021 жылдары Атырау облысы Ауыл шаруашылығы басқармасының басшысы қызметін атқарды.
01.2021 жылдан бастап бүгінгі күнге дейін Атырау облысы әкімінің орынбасары болып жұмыс істеген.