Жалдау, сату және сенімгерлік басқару бөлімі

Негізгі мақсаттары, функциялары, құқықтары мен міндеттері

 

Мақсаттары:

Стратегиялық маңызды болып табылмайтын облыстық мемлекеттік коммуналдық мүлік объектілерін жеке меншікке беруді (иеліктен шығаруды) ұйымдастыру:

- жекешелендіру;

- жекешелендірудің алдын ала кезеңі;

- шағын кәсіпкерлік субъектілеріне өндірістік қызметті ұйымдастыру және халыққа қызмет көрсету саласын дамыту үшін пайдаланылмайтын мемлекеттік меншік объектілерін мүліктік жалдауға (жалға алуға) және сенімгерлік басқаруға беру, кейіннен меншікке өтеусіз беру.

 

Құқықтары мен міндеттері:

1) Барлық меншік нысанындағы және ведомстволық бағыныстағы ұйымдардан бөлімнің құзыретіне кіретін мәселелер бойынша ақпарат сұратуға және алуға;

2) Өз өкілеттіктері шегінде бөлімнің қызметіне қатысты мәселелер бойынша шешімдерді қарауға және қабылдауға қатысуға, оларды тиісті органдар мен лауазымды адамдардың орындауын талап етуге;

3) Басқарманың құрылымдық бөлімшелерінің басшыларымен және мамандарымен өзара іс-қимылды жүзеге асыруға, өзінің лауазымдық міндеттерін орындау үшін қажетті ақпарат пен құжаттарды сұратуға және алуға;

4) Бюджет қаражаты есебінен қайта даярлауға және біліктілігін арттыруға;

5) Екі лауазымдық айлықақы мөлшерінде сауықтыру үшін жәрдемақы төлей отырып, ұзақтығы күнтізбелік отыз күн ақылы жыл сайынғы демалысқа;

6) Мемлекеттік орган басшысының келісімі бойынша жалақысы сақталмайтын демалысқа;

7) Лауазымдық міндеттерін үлгілі орындағаны, мінсіз мемлекеттік қызметі, аса маңызды және күрделі тапсырмаларды орындағаны үшін және жұмыстағы басқа да жетістіктері үшін материалдық сыйақыға және көтермелеудің өзге де нысандарына;

8) Еңбек тәртібі мен ішкі тәртіпті сақтау;

9) Басқарма басшылығының тапсырмалары мен өкімдерін уақтылы және дәл орындау;

10) Мемлекеттік қызмет туралы қолданыстағы заңнаманың талаптарын сақтау;

11) Қызметтік әдеп және моральдық сипат нормаларын сақтау;

12) Қазақстан Республикасының Мемлекеттік қызмет туралы қолданыстағы заңнамасында көзделген өзге де құқықтар мен міндеттер.

 

Функциялар:

1) Алматы облысы әкімдігінің жекешелендіруге жататын объектілердің тізбесі (қосымша тізбесі), жекешелендірудің алдын ала кезеңі, шағын кәсіпкерлік субъектілеріне объектілерді беру туралы қаулыларының жобаларын әзірлеу;

2) Иеліктен шығарылатын объектілерге құжаттарды жинау, ресімдеу, дайындау және ұсынылған құжаттардың дұрыстығы мен толықтығын бақылау;

3) Жекешелендірілетін объектілерді бағалауды ұйымдастыру;

4) Кезекті аукциондар мен тендерлерге объектілерді қалыптастыру және мемлекеттік және орыс тілдерінде баспасөзде ақпараттық хабарламаларды жариялау;

5) Аукциондар мен тендерлерді дайындау және өткізу;

6) Мемлекеттік коммуналдық мүліктің меншігіне өтеусіз беру құқығымен сатып алу құқығымен сату, сенімгерлік басқаруға беру құжаттарын ресімдеу (сатып алу-сату шарттары, сенімгерлік басқару шарттары, объектілерді қабылдау-беру актілері);

7) Жекешелендірілген объектілерге ақы төлеуді бақылауды жүзеге асыру;

8) Веб-порталда жекешелендірілетін және жекешелендірілген коммуналдық меншік объектілері туралы ақпаратты орналастыру;

9) Жекешелендіруден кейінгі бақылау және сатып алу-сату және сенімгерлік басқару шарттары талаптарының орындалуын бақылау;

10) Облыстық мемлекеттік коммуналдық мүлік объектілерін сатып алу құқығынсыз сенімгерлік басқаруға беру процесін ұйымдастыру;

11) Объектілерді сатып алу-сату және сенімгерлік басқаруға беру шарттарының талаптарының орындалуын орындарға барып тексеруді ұйымдастыру және жүзеге асыру;

12) Сатып алу-сату және сенімгерлік басқару шарттарына сәйкес сатып алушылар мен сенімгерлік басқарушылардың (сенімгерлердің) есебін жинау және талдау;

13) Мемлекеттік коммуналдық мүлікті басқару жөніндегі бағдарламаларды әзірлеуге және іске асыруға қатысу;

14) Жекешелендіру рәсіміне ұқсас тәртіппен объектілерді сатып алу құқығынсыз сенімгерлік басқаруға беру жөніндегі жұмысты жүзеге асыру;

15) Сауда-саттықты ұйымдастыру және өткізу, объектілерді сенімгерлік басқаруға беру үшін тұрақты жұмыс істейтін комиссиялар құру жөніндегі жұмысты жүргізу;

16) Құрылған комиссияларға және мемлекеттік органның өзге де комиссияларына қатысу;

17) Аудандардың, облыс қалаларының жергілікті атқарушы органдарының мемлекеттік коммуналдық мүлік объектілерін иеліктен шығару және сенімгерлік басқаруға беру мәселелері жөніндегі жұмысын үйлестіру;

18) Коммуналдық мүлікті иеліктен шығару және сенімгерлік басқаруға беру мәселелері бойынша жергілікті атқарушы органдарға қажетті ақпаратты уақтылы жеткізу;

19) Сенімгерлік басқаруға берілген және сатылған коммуналдық меншік объектілерінің тізілімін жүргізу;

20)  Облыс әкімдігі, қаржы басқармасының басшылығы үшін ақпараттық-талдамалық материалдар дайындау;

21)  Облыстың мемлекеттік коммуналдық мүлкін жалға беру бойынша жұмыс жүргізу;

22)  Мемлекеттік коммуналдық мүлікті жалға беру бойынша тендер өткізу туралы хабарламаны дайындау және жариялау;

23) Мемлекеттік коммуналдық мүлікті жалға беруге өтінімдерді қабылдау;

24) Мемлекеттік коммуналдық мүлікті жалға беру бойынша тендер өткізу;

25) Мемлекеттік коммуналдық мүлікті жалдау шарттарын жасасу;

26) Мемлекеттік коммуналдық мүлікке Жалға берілген мониторингті жүргізу;

27) Веб-порталда мүліктік жалдауға (жалға алуға) берілетін объектілер туралы ақпаратты орналастыру;

28) Облыстың мемлекеттік коммуналдық мүлкін өтеусіз пайдалануға беру жөніндегі жұмысты жүргізу;

29) Мемлекеттік коммуналдық мүлікті өтеусіз пайдалануға беруге өтініштерді қабылдау;

30) Мемлекеттік коммуналдық мүлікті өтеусіз пайдалану шарттарын жасасу;

31) Өз құзыреті шегінде облыстық коммуналдық мүлікті басқару саласындағы нормативтік құқықтық актілердің жобаларын әзірлеуге;

32) Талап-арыз жұмысына қатысу, Бөлімнің құзыретіне жататын құқықтық мәселелер бойынша қорытындылар дайындау;

33) Заңды және жеке тұлғалардың бұл туралы ресми сұрау салуы жағдайында өз құзыреті шегінде және заңнама шеңберінде қажетті материалдар мен ақпаратты ұсынуға міндетті;

34) Жеке және заңды тұлғалардың сұрауларына уақтылы және білікті жауап беруге құқылы;

35) Жоғары тұрған органдар тапсырмаларының уақтылы және сапалы орындалуын қамтамасыз етеді;

36) Басқарма басшысы өз құзыреті шегінде заңнамаға сәйкес қойған жұмыстарды және басқа да міндеттерді орындайды.