Ақтөбе облысының
ауылдық округтер әкімдерін
сайлау қорытындылары туралы – 13.07.2025
Ағымдағы жылдың 13 шілдеде 8 ауданда (Әйтеке би, Қобда, Мәртөк, Ойыл, Темір, Хромтау, Шалқар, Ырғыз) 19 ауылдық округтер мен 1 ауыл әкімінің сайлауы өтті: 18 – өкілеттілік мерзімінің аяқталуына байланысты, 2 – өкілеттіліктер мерзімінен бұрын тоқтатылуына байланысты.
Оған 8 аумақтық және 35 учаскелік сайлау комиссиялары жұмылдырылды.
20 сайлау округі бойынша 65 кандидат ұсынылды: 19 (229%) «AMANAT» партиясынан, 46 (71%) өзін-өзі ұсыну.
56 (86,3%) - мемлекеттік қызметшілер, 5 (7,7%) - бюджеттік сала қызметкерлері, 2 (3%) – коммерциялық құрылымдардың қызметкерлері, 2 (3%) – уақытша жұмыссыз.
Тіркеуге дейін 2 кандидат мемлекеттік қызмет заңнамасының талаптарына сәйкес келмеуіне байланысты тіркеуден бас тартылды, 1 кандидат құжаттардың толық топтамасын ұсынбағандықтан, тіркеуден бас тартылды. 1 кандидат өз еркімен арыз жазып, кандидатурасын қайтарып алды.
Бюллетеньдер дайындалғаннан кейін тіркелген 1 кандидат өз еркімен кандидатурасын алып тастау туралы өтініш берді.
Сайлауға 60 кандидат қатысты.
Сайланған әкімдер: 15 - мемлекеттік қызметшілері, 3 - бюджеттік сала қызметкерлері, 2 - коммерциялық құрылымдардың қызметкерлері.
19 – «АМАNАТ» саяси партиясынан ұсынылды, 1 - өзін – өзі ұсынушылыр.
Сайланған әкімдердің орташа жасы 46 жаста, ең кішісі 31 жаста, ең үлкені 60 жаста.
Ауылдық округ әкімдерін сайлау қорытындылары туралы хабарлар аудандық сайлау комиссияларының интернет-парақшаларында орналастырылған.