«Қазақстан Республикасындағы сайлау туралы» Қазақстан Республикасы Конституциялық Заңының 113-1-бабына сәйкес Ақтөбе облысындағы 3 ауданның аумақтық сайлау комиссиялары 3 ауылдық округ әкімдерін сайлауды 2022 жылғы 15 мамырға тағайындады:
1) Сарат ауылдық округінде.
1) Сарықобда ауылдық округінде.
1) Бестау ауылдық округінде.
Бүгін 2022 жылғы 15 сәуірде аудандардың аумақтық сайлау комиссияларының отырыстарында облыстың 3 ауданында 3 ауылдық округ әкімдерін сайлау тағайындалды.
Әкімдерді сайлау бойынша сайлау округтері құрылды.
2022 жылдың 15 мамырына тағайындалған ауылдық округтер әкімдерінің сайлауын дайындау мен өткізу жөніндегі негізгі іс-шаралардың Күнтізбелік жоспарлары бекітілді.
Ауылдық округ әкіміне кандидаттар ұсыну 2022 жылғы 16 сәуірден басталады.
Сайлау туралы ақпарат тиісті аудандық аумақтық сайлау комиссияларының интернет-беттерінде орналастырылады.