Өңірдің мәдениетін, кәсіби өнерін, ұлттық тарихи мәдени мұрасын дамыту мен нығайтуда облыс тұрғындарына барлығы 480, оның ішінде 472 мемлекеттік мәдениет ұйымдары қызмет көрсетуде. Олар: 236 кітапхана, 197 клубтық мекеме, 19 музей, 1 планетарий, 2 театр, филармония және тағы басқа мекемелер.
2022 жыл 23 217 шара өткізіліп, оған 2 624 234 көрермен қамтылды. Оның ішінде 10 589 мәдени көпшілік шара.
Облыста мәдени брендке айналған «Бақытты бала-2022» IV ашық балалар вокалдық фестиваль-байқауы, «Құрмет» орденінің иегері Б.Оралұлы атындағы «Елім менің» халықаралық ән байқауы, ҚР еңбек сіңірген қайраткері М.Әйтімовтің республикалық «Дауыс» вокалистер байқауы, V халықаралық «Balausa» экспериментальды спектакльдер фестивалі, «Ассалаумағалейкум» VI Халықаралық қуыршақ театрлар фестивалі, «Ақжелең» республикалық күйшілер байқауы, «Толғау да толғау сөздер бар...» жыршылар байқауы, «Жан серігім домбыра» республикалық дәстүрлі әншілер байқауы, Жұбановтар әуені» хор музыкасы фестивалі, «Классика» түрлі аспапта ойнаушы жасөсіпірімдер байқауы, алғаш рет Т.Ахтанов атындағы балалар мен жасөспірімдер шығармашылығына арналған І республикалық үздік драматургия байқауы өткізіліп келеді. .
2022 жылы «Әдебиет. Рух. Қоғам» республикалық әдеби форумы, Тама Есет батыр Көкіұлының 355 жылдығына арналған «Еркіндік қыраны, қалықта!» атты республикалық ақындар айтысы, Қ.Мұханбетқалиұлының 80 жылдығына арналған «Тар кезең» тарихи драмасының премьерасы, «Жармола жәрмеңкесі – 2022», «Көкжар» жәрмеңкесі, «Еуразия тарихы мен мәдениеті аясындағы Арал-Каспий аймағы» ІІІ Халықаралық ғылыми форум-конференциясы көлемді шаралар ұйымдастырылды.
Облыста өскелең жастардың шығармашылық қуатын арттыратын 100 мектепті қамтыған «Kids book-2022» кітап фестивалі, «Ымырттағы кітапхана» мәдени-әлеуметтік жобасы, «Kitaptime» мәдени көпшілік жобасы, «Музей түні – 2022» мәдени шарасы, «Текемет арт» жастар еркін платформасы, сондай-ақ Ақтөбе қаласында алғаш бастау алған жоба «Music Fest Open Air» ашық аспан астындағы шараларды атап кетуге болады. Ашылғанына бір жыл болып отырған «Ер Едіге» жыр мектебі қаламыздың төрт жерінде 40-тан астам баланы ақысыз түрде жырға баулып келеді. Биылдыққа жыр мектебінің шәкірттері екі рет есеп беру концертін өткізді.