ОБЛЫСТЫҚ ЖҰМЫСПЕН ҚАМТУ ЖӘНЕ ӘЛЕУМЕТТІК БАҒДАРЛАМАЛАР ОРГАНДАРЫНЫҢ 2025 ЖЫЛЫ  АТҚАРҒАН  ЖҰМЫСТАРЫ

Жұмыспен қамту

Жұмыспен қамту яғни, халықтың  тұрмыс жағдайын жақсарту мен жұмыссыздық деңгейін төмендету мақсатында облыста «ҚР еңбек нарығын дамытудың 2024-2029 жылдарға арналған тұжырымдамасы» бағдарламасының іске асырылуы оң әсерін тигізуде.                  

2025 жылы  халықты жұмыспен қамту мақсатында 57 674 жұмыссыз азаматтар жұмыспен қамтудың белсенді шараларымен қамтылды. 

Атап айтқанда:

-іске асырылып жатқан ұлттық жобалар шеңберінде 3 499 адам орналастырылды ;

- жұмыс берушілер ұсынған бос жұмыс орындарына 22 107 адам;

-"10 мың тұрғынға 100 жұмыс орны" бастамасымен 18 322 жұмысқа орналасты;

- субсидияланатын жұмыс орындарына  12 183 адам жолданды;

- Жаңа бизнес-идеяларға арналған мемлекеттік грант  567 адамға берілді;

- «Дипломмен ауылға» жобасымен – 349 адам жіберілді;

- «Ауыл аманаты» жобасы бойынша несие алғандар – 647 адам.   

Әлеуметтік көмек

Құрамында  15 481  адамы бар  2 885 кедейлік шегінен төмен тұратын аз қамтылған отбасына 1 574,6  млн.теңге көлемінде  Мемлекеттік атаулы әлеуметтік көмек төленді.

Атаулы әлеуметтік көмек алушы отбасыларының 1 жастан 6 жасқа дейінгі 4 703 баласына 216,4 млн.теңгеге ақшалай төлем (әр балаға 1,5 АЕК 5898 теңге мөлшерінде) төленді.

Тұрғын үй көмегі 129 отбасына  3,0 млн.теңгеге тағайындалды.

Жергiлiктi өкiлді органдарының шешiмдерiне сәйкес мұқтаж азаматтардың жекелеген санаттарына біржолғы қосымша әлеуметтік көмек 2024 жылы  34 322 адамға  3,2 млрд.теңгеге көрсетілді.

Мүгедектігі бар адамдармен жұмыс

Мүгедектігі бар адамдарды әлеуметтік қолдау - басты міндеттердің бірі. Бүгінгі таңда өңірде 31 794  мүгедектігі бар азаматтар тұрады, оның ішінде  5 833 – і балалар.  

 (1 топ – 3601,  2 топ –10537,  3 топ – 11823).

Әлеуметтік қызметтер порталында мүгедектігі бар адамдар қызметтің 55 түрін алуда, 2025  жылы  28 133  адамды қамту талап етіліп, оның 27 522 адамы (97,8 %) техникалық оңалту құралдарымен және қызметтерімен қамтамасыз етілді.

2026 жылға  міндеттер:

- облыста 33 мыңнан астам адамды жұмыспен қамтудың шараларына тарту;

- 14 мыңнан астам  жаңа  жұмыс  орындарын  ашу;

-  жұмыссыздықты 4,7% деңгейінен асырмау;

-  атаулы әлеуметтік көмекті 18,0 мың адамға көрсету;

- 22 мыңнан астам мүгедектігі бар адамдарға жеке аббилитациялау және оңалту бағдарламаларына сәйкес оңалтудың техникалық жабдықтарымен қамтамасыз ету;