Алаяқтар, абайлаңыздар !
Қазіргі таңда қоршаған ортамызда «Алаяқтық» жасайтындар көбеюде. Алаяқтық - яғни бөтеннің мүлкін жымқыру немесе алдау немесе сенімді теріс пайдалану жолымен бөтен мүлiкке құқықты иемдену болып табылады.
Соңғы уақытта алаяқтық деректері компьютерлік технологиялар мен әлеуметтік желілерді қолдана отырып, жүзеге асырылуда. Сондықтан, интернет құрылғысы арқылы алаяқтық жасау кеңінен белең алуда.
Солардың бірі ғаламтор арқылы жасалатын онлайн алаяқтық. Олар өз әдістерін жүзеге асыру мақсатында пайдаланушыларды алдау үшін жалған сайттарды қолданады. Сатылымға шығарылған тауарларды арзан бағаға беру үшін қаражаттың бір бөлігін алдын-ала аударуын өтініп, тиісті қаражат аударылған соң байланысқан ұялы телефондарын өшіріп, хабарсыз кетеді.
Сондай-ақ, қоңырау шалу немесе СМС-хабарландыру арқылы ұялы операторлардың абоненттеріне белгісіз тұлға қоңырау шалып және белгілі компанияның қызметкері ретінде өзін таныстырып, абоненттен ақшалай аударымдар жүйесі бойынша ақшалай қаражатты аудару арқылы алаяқтың шотына толықтыруға бағытталған бірқатар әрекеттерді орындауды сұрайды. Алаяқтық әдістері мұнымен ғана шектелмейді.
Сондықтан, белгісіз тұлғаларға ақшалай аударымдарды жүзеге асырмауға немесе тауарлар мен қызметтерге, оларды алғанға дейін төлем жүргізбеуге, аударымның бақылау нөмірін немесе аударым туралы қандай да болмасын ақпаратты Сіз жеке басын куаландырған, алушыны қоспағанда ешкімге хабарламай, нарықтық бағадан маңызды төмен бағалар немесе сатушыға тым пайдасыз шарттар бойынша автомобиль, электрондық және өзге де техниканы сату немесе қызметтерді көрсету туралы хабарландырулар күмән тудырса мұқият тексергеніңіз жөн.
Ойыл ауданының прокуратурасы