Қазақстан Республикасының Қаржылық мониторинг агенттігі жанындағы Қоғамдық кеңестің резервтік тізімін қалыптастыру жөніндегі жұмыс тобының құрамын іріктеу бойынша конкурс туралы ХАБАРЛАНДЫРУ

Құрметті азаматтар және коммерциялық емес ұйымдардың өкілдері!
          «Қоғамдық кеңестер туралы» Қазақстан Республикасының 2015 жылғы 2-қарашадағы Заңының 8-бабына және Қоғамдық кеңес туралы Үлгілік ережеге (АҚДМ 2021 жылғы 26 ақпандағы №69 бұйрығымен бекітілген) сәйкес Қазақстан Республикасының Қаржылық мониторинг агенттігі (бұдан әрі-Агенттік) әрі қарай Агенттік жанындағы Қоғамдық кеңестің Резервтік тізімінің құрамын қалыптастыратын  жұмыс тобының мүшелерін конкурстық іріктеуді жариялайды.

          Конкурсқа қатысуға ниет білдірген азаматтар, коммерциялық емес ұйымдардың өкілдері хабарландыру орналастырылған күннен бастап күнтізбелік бес күн ішінде келесі құжаттарды тапсырады:

• Үлгілік ережеге 1-қосымшағасәйкес нысан бойынша кандидатураны жұмыс тобының құрамына ұсыну туралы азаматтың өтініші;
• кандидатураны (бар болған кезде) жұмыс тобының мүшесіне ұсыну туралы коммерциялық емес ұйымның жазбаша ұсынысы;
• кандидаттың кәсіптік және (немесе) қоғамдық қызметі туралы мәліметтер;
• Қазақстан Республикасы азаматының жеке куәлігінің көшірмесі.
  Құжаттар 2021 жылғы 15 желтоқсанға дейін (қоса алғанда) қолма-қол мына мекенжай бойынша қабылданады: 010000, Нұр-Сұлтан қ., Бейбітшілік көш., 10, немесе электронды адреске: Zh.alashbaeva@afmrk.gov.kz
  Барлық сұрақтар бойынша мына телефон арқылы хабарласа аласыз: 8 775 529 55 82.

Жұмыс тобының сандық құрамы – 3 адам.

Құқықтық актілерге сілтемелер:
«Қоғамдық кеңестер туралы» Қазақстан Республикасының Заңы
https://adilet.zan.kz/rus/docs/Z1500000383
Қоғамдық кеңес туралы Үлгілік ереже
https://adilet.zan.kz/rus/docs/V2100022264