Қазақстан Республикасы Бас Прокурорының 2020 жылғы 26 маусымдағы № 80, Қазақстан Республикасы Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) төрағасының 2020 жылғы 29 маусымдағы № 199 және Қазақстан Республикасы Қаржы министрінің 2020 жылғы 14 шілдедегі № 675 «Прокуратура органдарына, сыбайлас жемқорлыққа қарсы қызметке және экономикалық тергеу қызметіне кіретін тұлғалар үшін бастапқы кәсіби даярлыққа іріктеу ережелерін және оны өткеру шарттарын, сондай-ақ оларды бастапқы кәсіби даярлықтан шығару негіздерін бекіту туралы» бірлескен бұйрығына өзгерістер енгізу туралы

БҰЙЫРАМЫЗ:

1. Қазақстан Республикасы Бас Прокурорының 2020 жылғы 26 маусымдағы № 80, Қазақстан Республикасы Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) төрағасының 2020 жылғы 29 маусымдағы № 199 және Қазақстан Республикасы Қаржы министрінің 2020 жылғы 14 шілдедегі № 675 «Прокуратура органдарына, сыбайлас жемқорлыққа қарсы қызметке және экономикалық тергеу қызметіне кіретін тұлғалар үшін бастапқы кәсіби даярлыққа іріктеу ережелерін және оны өткеру шарттарын, сондай-ақ оларды бастапқы кәсіби даярлықтан шығару негіздерін бекіту туралы» бірлескен бұйрығына (Нормативтік құқықтық актілерді мемлекеттік тіркеу тізілімінде № 144876 болып тіркелген) мйнадай өзгерістер енгізілсін:

көрсетілген Бірлескен бұйрықпен бекітілген прокуратура органдарына қызметке, сыбайлас жемқорлыққа қарсы қызметке және экономикалық тергеу қызметіне кіретін тұлғалар үшін бастапқы кәсіптік даярлыққа іріктеу ережелерінде және оны өткеру шарттарында, сондай-ақ оларды бастапқы кәсіптік даярлықтан шығару негіздерінде

15-тармақ мынадай редакцияда жазылсын:

 «15. Әңгімелесу өткізу үшін құрамына кемінде бес мүше кіруі тиіс әрбір құқық қорғау органында не оның аумақтық бөлімшесінде комиссия құрылады. Прокуратура органдарына үміткерлер үшін әңгімелесу аумақтық бөлімшелерде өткізіледі.

Сыбайлас жемқорлыққа қарсы қызметке және экономикалық тергеу қызметіне үміткерлер үшін әңгімелесу осы органдардың орталық аппараттарында өткізіледі.

Құқық қорғау органының шешімі бойынша әңгімелесу аудио-бейне хаттама жасаумен бейнеконференцбайланысты қолдану арқылы "онлайн" өткізілуі мүмкін»;

24-тармақ мынадай редакцияда жазылсын:

«24. Үміткерлерді полиграфологиялық зерттеуден өткізу Қазақстан Республикасы Үкіметінің 2014 жылғы 19 маусымдағы № 683 қаулысымен бекітілген Қазақстан Республикасының Құқық қорғау органдарында полиграфологиялық зерттеуден өту ережелерінде айқындалатын тәртіппен жүргізіледі».

2. Қазақстан Республикасының Қаржылық мониторинг агенттігі Қазақстан Республикасының заңнамасында белгіленген тәртіпте қамтамасыз етсін:

1) осы бірлескен бұйрықтың Қазақстан Республикасы Әділет министрлігінде мемлекеттік тіркелуін;

2) осы бірлескен бұйрықты ресми жариялағаннан кейін Қазақстан Республикасы Қаржылық мониторинг агенттігінің интернет-ресурсында орналастыруды.

3. Осы бұйрықтың орындалуын бақылау Қазақстан Республикасы Бас прокуратурасының жанындағы Құқық қорғау органдары академиясының қызметін ұйымдастыруға жетекшілік ететін Қазақстан Республикасы Бас прокурорының орынбасарына, Қазақстан Республикасының Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) төрағасының бірінші орынбасарына, Қазақстан Республикасының Қаржылық мониторинг агенттігі аппаратының басшысына жүктелсін.
4. Осы бірлескен бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

Қазақстан Республикасы Қаржылық

мониторинг агенттігі

_________________   Ж. Элиманов     

 

 

Қазақстан Республикасы

Бас прокуроры

_________________   Г. Нурдаулетов

 

 

Қазақстан Республикасы

Сыбайлас жемқорлыққа қарсы

іс-қимыл агенттігінің төрағасы

(Сыбайлас жемқорлыққа қарсы қызмет)

___________________  М. Ахметжанов       

Дата публикации

13 июля 2021