2024 жылы облыста 607,589 мың адам тұрады, олардың этникалық құрамы келесідей: қазақтар – 79% (480,107 мың адам), орыстар – 15,8% (96,093 мың адам), татарлар – 1,8% (11,099 мың адам), немістер – 1,4% (8,425 мың адам), украиндар – 0,5% (3,166 мың адам), басқалары – 1,4% (8,699 мың адам).
Қазақстан халқының мәдениетін, әдет-ғұрпы мен салт – дәстүрін дәріптеу мақсатында 49 этномәдени бірлестік пен 1 этнобағдарлы жастар клубын біріктіретін 5 Достық үйі (Семей, Курчатов, Бородулиха, Бесқарғай, Жарма) жұмыс істейді.
Барлық этномәдени бірлестіктермен тығыз байланыс орнатылған. Этномәдени бірлестік басшылары мен мүшелері консультативтік-кеңесші органдардың құрамына кіреді, өңірдегі этносаралық қатынастар саласындағы сарапшылар ретінде әрекет етеді.
Абай облысы Қазақстан халқы Ассамблеясының жанынан ҚХА қоғамдық институттары жұмыс істейді: Ақсақалдар кеңесі, Аналар кеңесі, журналистер клубы, «Жомарт жан» орталығы, ғылыми-сараптамалық топ, этномедиация орталығы.
ЖАСТАР САЯСАТЫ
Мемлекеттік жастар саясатын іске асыру Қазақстан Республикасының Конституциясы, «Мемлекеттік жастар саясаты туралы» Заң және 2021-2025 жылдарға арналған жастарды қолдау жөніндегі кешенді жоспардың басымдықтары негізінде жүзеге асырылады.
Абай облысындағы статистикалық мәліметтерге сәйкес 2024 жылы, 14-35 жас аралығында 152 мың адам тіркелген, оның 84,5 мыңы облыс орталығында тұрады (жастардың жалпы санының 55,6%). Жастардың жалпы санынан: 23,1% (35 174) студенттер құрайды.
Облыста 15074 студент контингенті бар 3 ЖОО (мемлекеттік – 2, жеке – 1) және 19299 студент оқитын 33 колледж (мемлекеттік – 20, жеке – 15) жұмыс істейді. Білім беру мекемелерінің балансында 4634 студент тұратын 31 жатақхана (ЖОО – 11, колледж – 20) бар.
NEET көрсеткішін төмендету мақсатында жастарды мемлекеттік бағдарламаларға тарту бойынша жұмыс жүргізілді. Республикада жүзеге асырылып жатқан Zhas project жобасы аясында 8 жас 1 млн.теңге көлемінде грант жеңіп алды. «Жасыл ел» жобасы бойынша жазда 1000-нан астам жас жұмысқа орналастырылды.
ҮКІМЕТТІК ЕМЕС СЕКТОР
Абай облысында 2024 жылы 665 қоғамдық бірлестік тіркелген, оның ішінде: 7 саяси партияның 16 филиалы, 49 кәсіподақ ұйымы, 182 діни бірлестік, 51 этномәдени бірлестік, 225 қоғамдық бірлестік (оның ішінде 21 жастар), сондай-ақ 142 қоғамдық қор.
ГЕНДЕРЛІК САЯСАТ
Облыста 607,5 мың адам тұрады, оның ішінде 309,6 мың адам әйелдер немесе жалпы халықтың 51%. Облыс әкімі жанындағы 21 адамнан тұратын әйелдер істері және отбасылық-демографиялық саясат жөніндегі комиссия жұмыс істейді.
АҚПАРАТТЫҚ САЯСАТ
Облыстың ақпараттық алаңын 41 БАҚ құрайды, оның ішінде: 19 газет (4 өңірлік және 15 аудандық), 5 журнал, 2 телеарна, 14 ақпараттық сайт және «Радио-7».