Приречный ауылдық округі Семей қаласынан 12 шақырым жерде орналасқан. Ауылдық округ аумағына 8 ауылдық елді мекен: Приречный, Мұздыбай, Гранитный, Жарқын, Шөптіқақ, Разъезд 1, Күлтөбе, Жыра ауылдары орналасқан, онда 2024 жылдың 1 қаңтарына 2136 тұрғын, 657 аула тіркелген (Приречный-320, Мұздыбай-72, Гранитный-80, Жарқын-138, Шөптіқақ-30, Разъезд1-5, Күлтөбе-10, Жыра-2). Округтегі халықтың этникалық құрамы: қазақтар – 84,39 %, орыстар және басқа ұлттар – 15,61% құрайды.
Округ жерлерінің жалпы алаңы – 238 251 га, елді мекен жерлері –63 291,7 га, ауыл шаруашылығы мақсатындағы жерлер – 159 824,3 га, оның ішінде: егістік – 4 213 га, шабындықтар – 196 га, жайылымдықтар – 152 578 га, тыңайған жерлер – 2 731 га, өзге де жерлер – 15 175 га.
Округтің негізгі бағыты – мал және өсімдік шаруашылығы. 2024 жыл басына округ аумағында 89 кәсіпкерлік субъектісі тіркелген, оның ішінде 53 шаруа қожалығы, 32 жеке кәсіпкерлік, 1 – ЖШC «Агрофирма Приречное» және 3 - АШК.