2025 жылғы 20 қаңтардан бастап мал шаруашылығын субсидиялауға өтінімдерді қабылдау басталады

Ауыл шаруашылығы тауар өндірушілердің назарына!

2025 жылғы 20 қаңтардан бастап мал шаруашылығын субсидиялауға келесі бағыттар бойынша өтінімдерді қабылдау басталады:

- ірі қара малдың асыл тұқымды аналық басымен селекциялық-асыл тұқымдық жұмыс жүргізу;

- етті және етті-сүтті бағыттағы асыл тұқымды өндіруші бұқаны сатып алу;

- етті және сүтті бағытындағы ірі қара малдың аналық басын сатып алу;

- бордақылау алаңдарына бордақылауға өткізілген еркек дарағының ірі қара малдың құнын арзандату;

-сүтті және сүтті-етті бағыттағы асыл тұқымды бұқаның бір жынысты және қос жынысты тұқымын сатып алу;

- сүт өндіру құнын арзандату;

- ата-енелік/ата-тектік нысандағы асыл тұқымды тәуліктік балапандарды сатып алу;

- тауық етін өндіру құнын арзандату;

- асыл тұқымды қойларды, қошқарларды сатып алу;

- шошқалардың асыл тұқымды және тауарлық аналық және жөндеу мал басымен селекциялық және асыл тұқымдық жұмыс жүргізу.

Тауар өндірушілерге қойылатын өлшемшарттармен, сондай-ақ нормативтермен Қазақстан Республикасы Ауыл шаруашылығы министрінің 2019 жылғы 15 наурыздағы № 108 бұйрығымен бекітілген асыл тұқымды мал шаруашылығын дамытуды, мал шаруашылығы өнімінің өнімділігі мен сапасын арттыруды субсидиялау қағидаларында танысуға болады.