Үкіметтік емес ұйымдар үшін
2024 жылға арналған мемлекеттік
гранттардың басым бағыттарының
тізбесін бекіту туралы
Қазақстан Республикасы Ақпарат және қоғамдық даму министрінің 2022 жылғы 26 қыркүйектегі №406 бұйрығымен бекітілген мемлекеттік гранттарды қалыптастыру, беру, мониторингілеу және олардың тиімділігін бағалау қағидаларының 9-тармағына сәйкес БҰЙЫРАМЫН:
- Жетісу облысының қоғамдық даму басқармасының (бұдан әрі - Басқарма) 2024 жылға арналған үкіметтік емес ұйымдар үшін мемлекеттік гранттардың басым бағыттарының тізбесі (бұдан әрі – тізбе) бекітілсін.
- Басқарманың ақпараттық саясат және бұқаралық ақпарат құралдарымен жұмыс бөлімі осы бұйрыққа қол қойылған күннен бастап бес жұмыс күні ішінде Басқарманың интернет-ресурсында тізбені орналастыруды қамтамасыз етсін.
- Басқарманың саяси партиялар және ҮЕҰ-мен жұмыс жөніндегі бөлімі Қазақстан Республикасының заңнамасында белгіленген тәртіппен осы бұйрықтан туындайтын өзге де шаралар қабылдауды қамтамасыз етсін.
- Осы бұйрықтың орындалуын бақылау басқарма басшысының орынбасары Е.Қ. Сапаровқа жүктелсін.
- Осы бұйрық оған қол қойылған күнінен бастап күшіне енеді.
Басқарма басшысы Б. Абибеков