Күршім ауданының әкімдігі

Күршім ауданы 1928 жылы құрылған. 1997 жылы әкімшілік-аумақтық бөліністің өзгеруіне байланысты Күршім және Марқакөл өңірі бір ауданға біріктірілді.

"Қазақстан Республикасының әкімшілік-аумақтық құрылысының кейбір мәселелері туралы" Қазақстан Республикасы Президентінің 2023 жылғы 28 желтоқсандағы № 424 Жарлығымен Шығыс Қазақстан облысының құрамында Күршім ауданының құрамынан бөлу жолымен Марқакөл ауылында әкімшілік орталығы бар Маркакөл ауданы құрылды.

Күршім ауданы Самар, Үлкен Нарын және Маркакөл аудандарымен шектеседі.Аудан аумағы 12,2 мың шаршы км (облыс аумағынан 12,5%) құрайды.

Ауданның әкімшілік орталығы-Күршім ауылы, халық саны-7,8 мың адам. Аудан құрамында 7 ауылдық округ, 21 елді мекен бар. Тірек ауылдық елді мекендердің тізбесіне жалпы саны 8,7 мың адам немесе аудан халқының 60,4% құрайтын 3 ауыл (Күршім, Теректібұлақ, Қаратоғай) кірді.