Қазақстан Республикасының Финляндия Республикасындағы Елшілігі
Қазақстан Республикасының Финляндия Республикасындағы Елшілігінің ресми сайтына қош келдіңіздер!
Қазақстан Республикасы мен Финляндия Республикасы арасындағы дипломатиялық қатынастар 1992 жылғы 13 мамырда орнатылған. Қазақстанның Финляндиядағы Елшілігі 2012 жылғы наурызда ашылған. 2024 жылғы 20 маусымда Азамат Сәбитұлы Әбдіраимов Қазақстан Республикасының Финляндия Республикасындағы Төтенше және Өкілетті Елшісі болып тағайындалды.
Елшілік Қазақстан Республикасының Сыртқы істер министрлігінің жүйесіне енеді және ҚР-дың Финляндиядағы мүдделеріне өкілдік етеді.
Елшіліктің негізгі міндеттері:
- Қазақстан Республикасының Финляндиядағы ұлттық мүдделерін қамтамасыз ету және оның сыртқы саяси курсын іске асыру;
- Қазақстан Республикасының азаматтары мен заңды тұлғаларының Финляндиядағы құқықтары мен мүдделерін қорғау;
- Қазақстан Республикасының Финляндиямен ынтымақтастығын дамытуды қамтамасыз ету, Қазақстанның мемлекеттік органдарының, қоғамдық ұйымдарының және іскер топтар өкілдерінің Финляндиямен байланыстарын орнату және қатынастарын дамыту;
- Қазақстан Республикасының Финляндиямен халықаралық келісімшарт жобаларын, келісімшарттарды жасасу, орындау және тоқтату жөніндегі ұсыныстарды әзірлеуге қатысу, Қазақстанның болу елімен жасасқан келісімшарттарының орындалуына бақылау жасау;
- консулдық қызмет;
- өзге де міндеттер.
| Мекенжай | 00570 Хельсинки қ., Хопеасалментие көшесі 4 |
| Телефон | (+358) 9 4247 2040 |
| helsinki@mfa.kz |
Консулдық бөлімнің байланыстары:
| Мекенжай | 00570 Хельсинки қ., Хопеасалментие көшесі 4 |
| Телефон | (+358) 94 247 2048 |
| KazConsulateFin@gmail.com |
