Еліміз өз тәуелсіздігін алғаннан кейін, мемлекеттіліктің сан алуан мәселелерімен қатар жергілікті өзін-өзі басқаруды ұйымдастыру, оның құқықтық және қызметтік негіздерін қалыптастыру қажеттігі туды. 1993 жылы 10 желтоқсанда Жоғарғы Кеңес «Қазақстан Республикасының жергілікті өкілетті және атқарушы органдары туралы» Заң қабылдап, қоғамды демократияландыру жолында ең алғаш 1994 жылы жергілікті өкілді органдарға сайлау өткізілген болатын. Осылайша өкілді органдар жергілікті тұрғындардың еркін білдіретін, халық пен билік арасындағы байланысты нығайтуға бағытталған өзіндік көпір іспеттес сайланбалы халықтық орган болып қалыптасты Өкілетті органдар ретінде биліктің бір тармағы болып табылатын жергілікті жерлердегі мәслихаттарға өзінің алғашқы қалыптасқан кезеңдеріне қарағанда қазіргі қолданыстағы заңнамалар аясында ауқымды міндеттер жүктелген. Қазақстан Республикасының 2007 жылғы 21 мамырдағы «Қазақстан Республикасының Конституциясына өзгерістер мен толықтырулар енгізу туралы» Заңы жергілікті өкілетті органның, яғни, мәслихаттардың және атқарушы органдардың міндеттерін айқындап берді. Әкімдердің мәслихаттар алдында есеп беруін өткізу туралы, мәслихат депутаттары арқылы аудандық маңызы бар қала, ауылдық округ әкімдерін сайлау енгізіп, мәслихаттың рөлі арттырылды. Мәслихаттың әкім лауазымын тағайындауға келісім беру туралы ұсынысты қарау жөніндегі сессияның барысында тағайындалатын кандидатура бойынша талқылау жүргізуге құқылы болды. Мұның бәрі де еліміздегі демократиялық үрдістердің жаңа сатыға көтерілгендігін айғақтайды. Халық қалаулылары, өкілетті органдарға сайлана отырып, аудан өміріне қатысты түрлі маңызды шешімдер қабылдау, оның жүзеге асырылуын бақылау барысында жерлестеріміздің мүдделерін қорғау міндеті жүктелгенін жақсы сезінеміз.
Мекенжай: Қазақстан Республикасы, 021100, Ақмола облысы, Жарқайың ауданы, Державин қаласы, Ленин көшесі, 34
|
Қабылдау бөлмесі: 8(716 48) 9-12-01 Сенім телефоны: 8(716 48) 9-25-15 |
|
Е - mail: zha.maslikhat@akmo.gov.kz |
