Қызылорда облысының аумақтық сайлау комиссиясы мен «Қызылорда облыстық мүгедектер қоғамы» қоғамдық бірлестігі арасында екіжақты меморандумға қол қойылды. Бұл екі жақты келісім сайлау процестеріне қатысушы мүгедектігі бар азаматтарға қолайлы жағдай туғызады және сындарлы диалог орнатуға жол ашады. Жобаның мақсаты - мүгедектігі бар азаматтардың сайлау құқығын толық жүзеге асыруына жағдай жасау, олардың ақпаратқа, дауыс беру орындарына және сайлау рәсімдеріне тең қолжетімділігін қамтамасыз ету. Меморандум аясында мүгедектер қоғамының төрағасы Сағатбек Қуанышбайұлы арнайы азаматтық омбудсмен рөлін атқарады. Ол мүгедектігі бар сайлаушылардың құқықтарының сақталуына бақылау жүргізеді, олардың өтініштері мен ұсыныстарын жинап, сайлау комиссиясына тікелей жеткізеді. «Тең мүмкіндік» — бұл тек сайлауға қатысу жобасы емес, қоғамдағы теңдік пен әділдіктің нақты көрінісі. Жоба азаматтардың құқықтық мәдениетін арттырып, «ешкім тыс қалмайтын қоғам» қағидатын жүзеге асыруға бағытталған. Айта кетейік, аймақта бүгінгі күні 178 892 жас сайлаушы бар. Олардың 76 112-і Қызылорда қаласында, 102 780-ы аудандарда. Өңірдегі барлық сайлаушылардың 36 пайызын – жастар құрайды.
Республика күніне орай Қызылорда облысында Жас сайлаушылар клубы құрылып, жаңа бағытта жұмысын бастады. Қызылорда облыстық сайлау комиссиясы жанынан құрылған клуб құрамына бүгінде 85 жас енді. Олар Қызылорда қаласында және аудандарда әртүрлі форматта жұмыс жасауға ниет білдірді.
Ұлттық мереке аясында Жастар ресурстық орталығында Жас сайлаушылар клубының мүшелері басқосты. Клубтың басты мақсаты — жастардың сайлау процесіне деген қызығушылығын арттыру, сайлау мәдениетін қалыптастыру және қоғам өміріндегі белсенділігін күшейту. Кездесуде Қызылорда облыстық сайлау комиссиясының төрағасы Әділбек Ерсұлтанов сайлау жүйесін дамытуда және саяси процестерді ақпараттандыру, түрлі жобалар жасауда жастардың әлеуеті өте маңызды екенін тілге тиек етті.
– Жас сайлаушылар клубы – тек пікір алмасу алаңы ғана емес, ол - жастардың конституциялық құқығын пайдалана отырып сайлау процестерінде демократиялық құндылықтарды дамытуға серпін беретін және қоғамдық істерді бірлесе атқаратын ортақ алаң. Сондықтан мен сіздерді белсенді болуға, жаңа идеялар ұсынуға, қоғамды ақпараттандыруға және өз қатарластарыңызға үлгі болуға шақырамын,-деді Ә.Ерсұлтанов.
Жиында жас сайлаушылар клубының мүшелеріне куәлік табысталып, арнайы жадынама таратылды. Өз кезегінде клуб мүшелері алдағы уақытта сайлау процестеріне қатысты түрлі іс-шаралар, конкурстар, квесттер мен дебаттар өткізу туралы уағдаласты.
Жиында клуб жұмысын үйлестіру тобының мүшесі Қорқыт Ата атындағы Қызылорда университетінің «Экономика және құқық институтының» директоры Айнұр Исаева, Жастар ресурстық орталығының директоры, клуб мүшесі Әліби Басаров сөз алып, жастарды ортақ идеяға біріктіретін жобалар жасауға дайын екендігін білдірді.
Қызылорда облысының жергілікті атқарушы органдарының 2025 жыл мемлекеттік қызметтер көрсету мәселелері бойынша есебі
Көрсетілетін қызметті беруші туралы мәліметтер
Қызылорда облысының жергілікті атқарушы органдарының құзырындағы мемлекеттік қызметтер 9 жергілікті атқарушы орган, 13 облыстық басқармалар және оларға ведомстволық бағынысты мекемелер (мансап орталықтары, емханалар, техникалық және кәсіби колледждер, орта және арнаулы мектептер, балабақшалар, спорт мектептері, ППМК, кеңес беру орталықтары, мемлекеттік орман иеленушілері, ветеринариялық станциялар, архивтер және т.б.), 35 қалалық/аудандық дербес бөлімдер және 146 кент және ауылдық округ әкімі аппараттарымен көрсетіледі.
Мемлекеттік көрсетілетін қызметтер туралы ақпарат
Мемлекеттік көрсетілетін қызметтер тізіліміне сәйкес Қызылорда облысының жергілікті атқарушы органдары және оларға ведомстволық бағынысты мекемелермен 2025 жылы барлығы 195 мемлекеттік қызмет түрі көрсетілуі көзделген. Оның ішінде 16 мемлекеттік қызмет түрі бойынша қызмет көрсету қағидалары бекітілімеген.
Тізілімге сәйкес 164 мемлекеттік қызмет (баламалы/баламасыз түрде) электронды нысанда көрсетілуі тиіс. Дегенмен, 2025 жылы олардың 153-і электронды нысанда қолжетімді, 11 қызмет түрі қолжетімсіз болды.
195 мемлекеттік қызметтің ішінде 16 қызмет түрі ақылы түрде, 5 қызмет – ақылы/тегін түрде, 174 қызмет тегін түрде көрсетіледі.
2025 жылы облыстық жергілікті атқарушы органдарымен көрсетілген мемлекеттік қызметтер саны 5 696 317, оның ішінде:
- 68 176 қызмет (1,2%) - мемлекеттік мекемелер арқылы қағаз түрінде (о.і. баламасыз түрде қағаз түрінде көрсетілгені 42 042);
- 31 987 қызмет (0,6 %) - Мемлекеттік корпорация арқылы;
- 5 596 154 қызмет (98,2 %) - «электрондық үкімет» веб-порталы мен ақпараттық жүйелер арқылы электронды түрде көрсетілген.
Көп сұранысқа ие мемлекеттік қызметтер туралы ақпарат
Есептік деректерге жүргізілген талдау облыс бойынша есепті жылы көрсетілген барлық қызметтердің 90%-ы денсаулық сақтау саласына тиесілі екенін көрсетті. Ата айтқанда, 2025 жылы денсаулық сақтау саласында 5 128 978 мемлекеттік қызмет көрсетілген.
Денсаулық сақтау саласындағы ең көп сұранысқа ие мемлекеттік қызметтер «Дәрігердің қабылдауына жазылу» (2 804 024), «Азаматтардың жекелеген санаттарын дәрілік заттармен, мамандандырылған дәрілік заттармен және медициналық мақсаттағы бұйымдармен қамтамасыз ету» (674 391), «Жедел жәрдем шақыру» (465 396) қызметтері бойынша.
Көрсетілетін қызметті алушылармен жұмыс
Барлық мемлекеттік қызмет көрсетуші мекемелер ғимараттарының көрнекі жерлерінде көрсетілетін қызметті алушыларға ыңғайлы түрде мемлекеттік көрсетілетін қызметтер Қағидаларының мемлекеттік және орыс тілдеріндегі мәтіндері мен өтініш үлгілері ілінген.
Бұдан бөлек, барлық мемлекеттік органдардың ресми интернет-ресурстарында, жергілікті бұқаралық ақпарат құралдарында ЖАО құзырындағы мемлекеттік қызметтер туралы ақпараттар жарияланып отырады.
Сонымен қатар, мемлекеттік органдардың ресми интернет-ресурстарындағы «мемлекеттік көрсетілетін қызметтер» бөлімдерінде мемлекеттік қызметтер көрсету тәртібін айқындайтын заңға тәуелді нормативтік құқықтық актілер, мемлекеттік қызметтер көрсету мәселелері жөніндегі мемлекеттік органның қызметі туралы жыл сайынғы есептер, мемлекеттік қызметтер көрсету сапасының қоғамдық мониторингінің нәтижелері, мемлекеттік қызметтер көрсету нәтижесіне шағымдану тәртібі туралы ақпарат орналастырылған.
Қызмет көрсетуші мекемелерде мүмкіндігі шектеулі азаматтардың кіріп-шығуына ыңғайлы пандустар мен арнайы түстегі жолақтар орнатылып, қоңырау шалу мүмкіндіктері қарастырылған.
Мемлекеттік қызметтер көрсету процесінің ашықтығын қамтамасыз етуге бағытталып өткізілген іс-шаралар саны - 428 (оның ішінде 232 мақала, 8 семинар, 178 түсіндірме жұмыстар, 6 бейнеролик, 4 қоғамдық кеңес отырыстары).
Электронды қызметтерді насихаттау үшін елді мекендерде 64 билборд/баннер орнатылды. Электронды қызметтерге қолжетімділікті қамтамасыз ету үшін барлық жергілікті атқарушы органдарда, кент, ауылдық округ әкімі аппараттарында, колледждерде, мектептерде және медициналық мекемелерде 950 «egov.kz бұрышы» жұмыс істейді.
Мемлекеттік қызметтер көрсету процестерін жетілдіру жөніндегі қызмет
Мемлекеттік қызметтерді көрсету сапасын арттыру мақсатында ЖАО-ның 56 қызметкері Қазақстан Республикасы Президентінің жанындағы Мемлекеттік басқару академиясының Қызылорда облысы бойынша филиалында мемлекеттік қызмет көрсету мәселелері бойынша біліктілік арттыру курстарында оқып, біліктіліктерін арттырды.
Жергілікті атқарушы органдармен көрсетілетін мемлекеттік қызметтердің бизнес-процестерін жетілдіру, оңтайландыру және нормативтік құқықтық актілердегі сәйкессіздіктерді жою мақсатында орталық мемлекеттік органдарға барлығы 18 ұсыныс енгізілді.
Мемлекеттік қызметтер көрсету сапасын бақылау
Мемлекеттік қызмет көрcету сапасына түскен арыз-шағым саны – 11.
Арыз-шағымдардың барлығы ҚР Мемлекеттік қызмет істері агенттігінің Қызылорда облысы бойынша департаментіне түскен.
11 шағымның ішінде 9-ы жер қатынастары саласында көрсетілген мемлекеттік қызметтердің көрсетілу сапасына қатысты түскен болса, 2-уі құрылыс, сәулет және қала құрылысы саласындағы мемлекеттік қызметтерге қатысты түскен шағымдар.
Жүргізілген зерделеу жұмыстары нәтижесімен 6 жауапты орындаушыларға «ескерту», «сөгіс» түріндегі тәртіптік жазалар қолданылған.
ҚР Цифрлық даму, инновациялар және аэроғарыш өнеркәсібі министрлігінің жүктемесі, ішкі мемлекеттік бақылау, сыртқы бақылау шаралары нәтижелерімен 2445 мерзім бұзушылық фактілері анықталды (2024 ж. - 94).
Мерзім бұзу фактілерінің ішінде ең көп мерзім бұзушылықтар - 2383 факті, яғни 97,5% білім саласында жіберілген.
Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 8 желтоқсандағы № 78 бұйрығымен бекітілген Мемлекеттік қызметтер көрсету сапасын мемлекеттік бақылау қағидаларына сәйкес бекітілген жоспарға сәйкес бақылау объектілерінде ішкі мемлекеттік бақылау шаралары жүргізілуі тиіс.
Мемлекеттік қызметтердің сапасын ішкі мемлекеттік бақылау және мониторингілеу жөніндегі функциялар облыс әкімі аппараты, Қызылорда қаласы мен аудан әкімі аппараттарындағы тиісті құрылымдық бөлімдермен және ведомстволық бағынысты мекемелері бар 7 облыстық басқармалармен жүргізіледі.
Осылайша 2025 жылы облыс бойынша барлығы 149 қызмет көрсетуші мекемелерге ішкі мемлекеттік бақылау шаралары жүргізіліп, нәтижесімен 422 заң бұзушылық фактілері анықталды (2024 ж. 179 объекті тексеріліп, 465 заң бұзушылық анықталған).
Бақылау іс-шараларының нәтижесінде әзірленген ұсыныстар саны 459 құрады, оның ішінде 457 ұсыныс орындалды.
Анықталған заң бұзушылықтар нәтижесінде 215 лауазымды тұлғалар мен жауапты қызметкерлер тәртіптік жауапкершілікке тартылды (оның ішіде 110-ы жалпы білім беретін мектеп директорлары, 83-і мектеп директорының орынбасарлары).
Мемлекеттік қызметтер көрсету сапасына қоғамдық
мониторинг нәтижелері
Қоғамдық мониторингтің мақсаты көрсетілетін қызметті берушілермен көрсетілетін мемлекеттік қызметтерді көрсету сапасына, қолжетімділігіне және рәсімдеріне көрсетілетін қызметті алушының қанағаттану деңгейін анықтау, проблемалық мәселелерді анықтау, мемлекеттік қызмет көрсету сапасын арттыру бойынша ұсыныстар әзірлеу болып табылады.
ШҚО Жастар ақпараттық-талдау агенттігінің жыл сайынғы қоғамдық мониторингі аясында Қызылорда облысы тұрғындарының көрсетілетін мемлекеттік қызметтер сапасына қанағаттанушылық деңгейі 2025 жылы 79,8% (2024 жылы - 76,0%) құрады.
Мемлекеттік қызметтер көрсетудің тиімділігін және көрсетілетін қызметтерді алушылардың қанағаттану деңгейін 2026 жылы арттыруға бағытталған шаралар
2026 жылы мемлекеттік қызметтер көрсету сапасын одан әрі арттыру мақсатында келесі шаралар жоспарланды:
- «электрондық үкімет» веб-порталы және көрсетілетін қызметті берушілердің ақпараттық жүйелері арқылы көрсетілетін мемлекеттік қызметтердің үлесін арттыру;
- бұқаралық ақпарат құралдары мен мемлекеттік органдардың әлеуметтік желілердегі парақшалары арқылы тұрғындарға электронды түрде көрсетілетін мемлекеттік қызметтерді алудың ыңғайлығын насихаттайтын ақпараттар орналастыру;
- «жасырын» мемлекеттік қызметтерді анықтау;
- мемлекеттік қызметтердің көрсетілу сапасын арттыру арқылы тұрғындардың мемлекеттік қызметтердің сапасына қанағаттану деңгейін көтеруге бағытталған іс-шаралар жоспарын қабылдау;
- көрсетілетін қызметті алушылардың бұзылған құқықтарын қалпына келтіруді жалғастыру;
- мемлекеттік қызметтер көрсету саласындағы қызметкерлердің біліктілігін арттыруды қамтамасыз ету;
- мемлекеттік қызметтерді көрсетуге жауапты қызметкерлерге мемлекеттік қызметтер көрсетуді реттейтін нормативтік-құқықтық актілер бойынша түсіндірмелер жүргізу;
- мемлекеттік қызмет көрсету сапасына ішкі мемлекеттік бақылау жүргізу.
Сыбайлас жемқорлыққа қарсы іс-қимыл
2025 жылы облыс әкімінің төрағалығымен сыбайлас жемқорлыққа қарсы іс-қимыл мәселелері жөніндегі облыстық комиссиясының 4 отырысы өткізіліп, күн тәртібінде 9 мәселе қаралды.
Комиссия отырыстарында сыбайлас жемқорлық тәуекелдері бар салалардың (құқықтық статистика деректері және әлеуметтік зерттеулердің нәтижелері бойынша) жергілікті бюджеттерден қаржыланатын атқарушы органдар басшыларының баяндамалары тыңдалып, тиісті хаттамалық тапсырмалар берілді.
«Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы» ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы
19 қазандағы №12 бұйрығы шеңберінде №4 «Сыбайлас жемқорлықтың алдын алу және оған қарсы іс-қимыл» үлгілік базалық бағыты іске асырылуда.
Жобаның негізгі мақсаты мемлекеттік органдар мен квазимемлекеттік сектор субъектілерінің сыбайлас жемқорлықтың профилактикасы бойынша жұмыс сапасын арттыру болып табылады.
Жобалық басқару аясында барлық облыстық мемлекеттік органдарда осы № 4 үлгілік базалық бағыты бойынша 3 жобалар тобы бойынша жұмыстар іске асырылып келеді. Олар:
1. Сыбайлас жемқорлық тәуекелдеріне ішкі талдау жүргізу;
2. Сыбайлас жемқорлыққа қарсы заңнама нормаларын сақтау;
3. Сыбайлас жемқорлыққа қарсы мәдениетті қалыптастыру.
Қызылорда облысы әкімі аппараты басшысымен бекітілген сыбайлас жемқорлық тәуекелдеріне ішкі талдау жүргізу туралы кестесіне сәйкес облыстық басқармаларға, қала және аудан әкімдіктеріне және оларға қарасты квазимемлекеттік сектор субъектілеріне ішкі талдау жұмыстары жүргізілді.
Жыл басынан бері Қазақстан Республикасы Президентінің жанындағы Мемлекеттік басқару академиясының Қызылорда облысы бойынша филиалында 88 мемлекеттік қызметкер «Сыбайлас жемқорлыққа қарсы менеджмент және комплаенс» тақырыбында оқытудан өтті.
«Сыбайлас жемқорлыққа қарсы заңнама нормаларын сақтау» бағыты бойынша облыс әкімі аппаратының әдеп жөніндегі уәкілінің қатысуымен мемлекеттік қызметшілер үшін сыбайлас жемқорлыққа қарсы іс-қимыл мәселелері бойынша 48 шара өткізілді.
Қызылорда облысындағы сыбайлас жемқорлықтың ахуалы туралы
ақпарат
2025 жылы Қызылорда облысында 39 сыбайлас жемқорлық қылмыс тіркеліп, өткен жылмен салыстырғанда 41,8% төмендеген (2024 ж. – 67).
Жалпы, сыбайлас жемқорлық сипатында 55 қылмыс өндірісте болса, оның 41 сотқа жолданған.
Тіркелген 39 сыбайлас жемқорлық қылмыстар келесі санаттарды құрайды:
пара беру – 10
қызмет өкілеттігін теріс пайдалану – 6;
пара алу – 6;
алаяқтық – 6;
сенiп тапсырылған бөтен мүлiктi иемденiп алу немесе талан-таражға салу – 3;
парақорлыққа делдал болу – 2;
кәсіпкерлік қызметке заңсыз қатысу – 2;
қылмыстық жолмен алынған ақшаны және (немесе) өзге мүлікті заңдастыру (жылыстату) – 1;
лауазымдық өкiлеттiктерді теріс пайдалану – 1;
Қызметтегi әрекетсiздiк – 1;
Заңды кәсіпкерлік қызметпен айналысуға кедергі жасау – 1.
Жыл басынан тергеу өндірісінде болған сыбайлас жемқорлық сипатындағы қылмыстық істер бойынша сотқа жолданған тұлғалардың саны 25 болса, оның ішінде орталық атқарушы органдардың лауазымды тұлғалары – 5, жергілікті атқарушы органдарының қызметкерлері – 10, басқалар – 10.
2025 жылдың 12 ай мерзімінде онлайн және офлайн форматта 37 роуд-шоу және 100-ден аса кездесулер ұйымдастырылды, оның ішінде, шет мемлекеттер мен көрші облыстарға 10 іссапар (Қытай – 1, Өзбекстан – 2, Пәкістан – 1, Швейцария – 1, Алматы – 1, Жамбыл – 1, Астана – 2, Түркістан – 1), ал Қызылорда облысына 27 жұмыс сапарлары ұйымдастырылды (2 испандық, 1 татарстандық, 1 бангладештік, 6 қытайлық, 2 кореялық, 1 венгриялық, 1 БҰҰ елдері, 1 ресейлік, 1 польшалық, 4 өзбекстандық, 4 түркиялық, 1 катарлық, 1 ұлыбритандық, 1 украиндық).
2024 жылдың 2-7 желтоқсан күндері аймақ басшысы Н. Нәлібаевтың Испания еліне жасаған іссапарында «Рока» компаниясы өкілдерімен кездесу ұйымдастырылды. Кездесу барысында, керамика өнімдерін шығаратын зауыт орналастыру бойынша мәселелер талқыланған болатын.
Нәтижесінде, 2025 ж. 20-22 қаңтар аралығында «Рока» компаниясы өкілдері облысқа іссапармен келіп, облыс әкімінің орынбасары А. Зебешевтің қабылдауында болды. Іссапар аясында өнідіріске қажетті шикізат пен инженерлік-инфрақұрылым жеткізушілермен (электр, су, газ желілері мен автомобильді/теміржол жолдары) кездесті.
Анықтама: «Латон Маркет», «Aral quartz» - кварц құмы (Қызылорда), «Ай Орда» - саз (Қызылорда), «Zerde Minerals» - каолин (Ақтөбе облысы), «Shaltas mineral» - дала шпаты (Қарағанды облысы), «Арал сода» - кальциленген сода (Қызылорда).
2025 ж. 7 ақпан күні облысқа Татарстанның уәкілетті өкілі Д. Валеевтің іссапары ұйымдастырылды. Іссапар барысында, облыс әкімінің орынбасары А. Зебешевтің қабылдауында болып, жергілікті кәсіпорындар жұмысымен танысты.
2025 ж. 23 ақпан – 1 наурыз аралығында облыс әкімі Н. Нәлібаев бастаған бір топ облыстық бизнес-делегацияның Қытай Халық Республикасының Шаньси, Сычуань, Цзяньси және Нинься-Хуэй провинцияларына жұмыс сапары ұйымдастырылды.
Сонымен қатар, Нинься-Хуэй және Сычуань провинцияларында 100-ге жуық қытайлық компаниялардың қатысуымен ынтымақтастық орнату туралы бизнес-форумдар өткізілді. Іс-шаралар аясында облыстың инвестициялық әлеуеті, инвестор қажет ететін жобалар таныстырылып, G2B, В2В кездесулер өткізілді.
Атқарылған жұмыстар мен іссапар нәтижесінде ауыл шаруашылығы және құрылыс салаларында озық технологияларды енгізу бойынша жалпы құны 10,8 млрд. теңгені құрайтын 9 келісім-шартқа қол қойылды. Осы келісімшарттар негізінде бүгінгі күні делегация құрамындағы 3 компания жалпы құны 2,8 млрд.теңгені құрайтын қытайлық озық технологияны өндіріске енгізді.
Анықтама: «Абзал және К» ТС – құны 1 млрд.теңге күріш өңдеу зауыты, «Алтын Орда» ЖШС – құны 1 млрд.теңге тұз өндіру зауыты, «АгроХимСервис» ЖШС – құны 311,5 млн.теңге тыңайтқышты кептіру технологиясы.
2025 ж. 17 сәуір күні өңірге жылыжай және тамшылатып суару саласында беделді қытайлық «Shandong Tianlifang Agricultural Development Co., Ltd.» және «Shengda Water-Saving Technology» компанияларының өкілдері өңірге келіп, жылыжай жобаларын ашу бойынша облыс әкімінің орынбасары А. Зебешевпен кездесуі өтті.
Сонымен қатар, 2025 ж. 18-21 сәуір аралығында өңірде жылыжай саласын дамыту мақсатында облыс әкімінің орынбасары А. Зебешевтің төрағалығымен облыстық делегация мен аталған шетелдік компания өкілдерінің Алматы және Жамбыл облыстарына іссапары ұйымдастырылып, тәжірибе алмасу мақсатында жетекші жылыжай кешендерімен таныстырылды.
2025 ж. 18 сәуір күні қытайлық «Baosheng Silk Road Investment Holding Group» компаниясы өкілдері Қызылорда облысына іссапармен келіп, облыс әкімінің орынбасары Б. Жахановпен кездесіп, облыста тері және жүн өңдеу саласында бірлескен жобаларды қарастырып, екіжақты ынтымақтастық мүмкіндіктерін талқылады.
Іссапар аясында шетелдік инвесторлар өңірдегі ет өндірісімен айналысатын «КЗО Ет» ЖШС және «Ақ Барыс» ЖШС-нің басшыларымен кездесулер ұйымдастырылып, жаңа жобаларды орналастыру мақсатында индустриялық аймақпен таныстырылды.
Сондай-ақ, Түркістан қаласында Қазақстан Республикасының Президенті Қ. Тоқаев пен Түркімен халқының Ұлттық көшбасшысы, Түркіменстан Халк мәслихатының төрағасы Г. Бердімұхамедовтың қатысуымен өткен өнеркәсіп көрмесіне облыстық тауар өндірушілердің қатысуы қамтамасыз етілді.
Сондай-ақ, 2025 ж. 28 сәуірде облыс әкімінің орынбасары А.Зебешев бастаған облыстық делегацияның Өзбекстан Республикасы Ташкент қаласында өткен «ИННОПРОМ. Орталық Азия» 5-ші халықаралық өнеркәсіп көрмесіне және «ТМД-ға қатысушы мемлекеттер өңірлері І форумына» қатысу сапарлары жоғары деңгейде ұйымдастырылды.
2025 ж. мамыр айында (6-7мамыр) Вьетнам Компартиясы Орталық комитетінің Бас хатшысы То Ламның Астана қаласына мемлекеттік сапары аясында Қызылорда облысы мен Вьетнамның Хынгйен провинциясы арасында бауырластық қатынастар орнату туралы Меморандумға қол қойылды.
Одан бөлек, облыс әкімінің тапсырмасына сәйкес және ҚР Премьер-Министрі О.А. Бектеновтың 2024 жылғы 12 қарашадағы Қызылорда облысына жұмыс сапары қорытындысымен «Қорқыт Ата» халықаралық әуежайы маңынан арнайы экономикалық аймақ құру мәселесін тиісті министрліктермен пысықтап, енгізу туралы тапсырмасын орындау мақсатында бірқатар жүйелі жұмыстар атқарылды.
Нәтижесінде, ҚР Үкіметінің 2025 жылғы 14 мамырдағы №336 қаулысымен «Қорқыт Ата» арнайы экономикалық аймағын құру туралы шешім қабылданды.
Жобаның басты мақсаты – өңірге инвестиция тарту, жаңа жұмыс орындарын құру, салық түсімдерін ұлғайту, жаңа өнеркәсіптік кәсіпорындарды құру және көліктік-логистикалық әлеуетті дамыту есебінен нарықты сапалы және бәсекеге қабілетті өніммен қамтамасыз ету болып табылады.
АЭА аумағы 550 гектарды құрайды. Қорқыт ата әуежайының қасында орналасады.
«Қорқыт Ата» АЭА құрылымында 3 ішкі аймақ қарастырылған: авиацияға қызмет көрсету аймағы (50 га), көтерме-бөлшек сауда, қоймалау және сақтау аймағы (100 га), өнеркәсіптік аймақ (400 га). Қазіргі таңда АЭА тиімді жұмыс істеуін қамтамасыз ету үшін 18 негізгі экономикалық қызмет түрлері (ОКЭД) келісілді.
2025 ж. 14 мамыр күні облыс әкімінің орынбасары А.Зебешев пен қытайлық «KCT» компаниясының директоры Янь Тау мырзамен өңірде силикат-кальций тақтайшалар мен басқа да құрылыс бұйымдар шығаратын жаңа зауыт салу туралы Меморандумға қол қойылды.
Жоба құны 6 млн АҚШ долл. құрайды және инновациялық технологиялар қолдана отырып, жылына 5 млн. шаршы метр өнім шығаруды жоспарлап отыр.
2025 ж. 11 маусым күні облысқа «Roca Group» компания өкілдері іссапармен болып, Қызылорда облысының «Өндіріс» индустриялық аймағындағы жер телімімен танысты.
Осы ретте, 2025 ж. 13 маусым күні Астана қаласында Қазақстан Республикасының Премьер-Министрі О. Бектенов Roca Group директорлар кеңесінің төрағасы Сантьяго де Гомар Рокамен кездесу өткізілді. Кездесу барысында Қызылорда облысында санитарлық-техникалық бұйымдар шығаратын зауыт салу мәселелері мен инвестициялық әріптестікті одан әрі дамыту жолдары қарастырылды.
2025 ж. 16 маусым күні облыс әкімінің орынбасары А. Зебешев Астана қаласында өткен «Қытай – Орталық Азия» индустриялық-инвестициялық ынтымақтастық форумына қатысты.
Форум аясында Қызылорда облысының әкімдігі мен инвесторлар арасында жалпы сомасы 10,7 млрд теңгені құрайтын бірқатар стратегиялық жобаларға келісімге қол қойылды. Бұл жобалар «Қорқыт Ата» арнайы экономикалық аймағында жүзеге асырылмақ.
2025 ж. 1 шілде күні облыс әкімі Н. Нәлібаевтың төрағалығымен Өңірлік инвестициялық штабтың отырысы өтті. Штаб құрамына облыс прокуроры, жергілікті және орталық атқарушы органның мекемелері, «Қазақ Инвест» ұлттық компаниясы, кәсіпкерлер палатасы, салық органдары енгізілді.
Атап өту қажет, өңірлік инвестициялық штабтың құрамына ҚР Президенті Әкімшілігінің Басшысы Айбек Дәдебайдың тапсырмасына сәйкес Президент Әкімшілігінің Өңірлік даму мониторингі бөлімінің инспекторы Н. Тайғанов қосылды.
Күн тәртібінде «Қорқыт Ата» арнайы экономикалық аймағына инженерлік инфрақұрылым тарту, инвестициялық жобалар, шағын өнеркәсіптік аймақтарды дамыту мәселелері қаралды.
2025 ж. 8 шілде күні UN-Habitat қатысуымен «Қазақстан Ұлттық Урбан Форумы 2025 - Қызылорда» форумы өтті. Атап өту қажет Форум Қазақстанда алғаш рет өтіп отыр.
Аталған форумға Біріккен Ұлттар Ұйымының UN-Habitat Ұйымы, БҰҰ-ның Қазақстандағы өкілдері, ҚР Парламенті Мәжілісінің депутаттары, ҚР Экология және табиғи ресурстар министрі Е. Нысанбаев қатысты.
Сондай-ақ, Форумының қорытынды пленарлық сессиясында Қызылорда облысы мен UN-Habitat ұйымы арасында декларацияға қол қою рәсімі өтті.
2025 ж. 30 шілде күні «Пуск» компаниясының өкілдері облыс әкімінің орынбасары А. Зебешевпен кездесіп, Үшқұдық–Қызылорда автомобиль жолын салу мәселелерін талқылады.
2025 ж. 6 тамыз күні «Orient Ceramic» компаниясымен облыс әкімінің орынбасары А. Зебешевтің қатысуымен кездесу өткізіліп, керамикалық бұйымдар өндіру жобасын іске асыру мәселелері қаралды. Жоба құны – 50 млн АҚШ долл.
2025 ж. 8 тамыз күні «Aksa Energy» компаниясымен жылу электр орталығын (ЖЭО) салу мәселелері талқыланды.
2025 ж. 26 тамыз күні Power International Holding және Ardent Plastik ve Nigde Plastik компанияларымен облыс әкімімен кездесулер өтті. Онда Сырдария ауданында бу-газ қондырғысын (БГҚ) салу, сондай-ақ ирригациялық жабдық өндіру, қалдықтарды қайта өңдеу және түйіршіктер шығару жобаларын іске асыру мәселелері қаралды.
2025 ж. 30 тамыз күні «With You Е&С Kyzylorda» компаниясымен қатты тұрмыстық қалдықтарды қайта өңдеу жобасын іске асыру мәселелері талқыланды.
2025 ж. 11 қыркүйек күні «Orient Ceramic» және «Fabe Agro» компанияларының өкілдері облыс әкімінің орынбасары А. Зебешевпен кездесіп, керамикалық бұйымдар өндіру және өнеркәсіптік жылыжай салу жобаларын талқылады.
2025 ж. 12 қыркүйек күні облыс әкімінің орынбасары А. Зебешев қытайлық «CRRC Changchun Railway Vehicles Co., Ltd.» компаниясының вице-президенті Чжан Хунцзуньмен және жергілікті «Марал-Нұр» ЖШС бірлескен инвестициялық жобаны жүзеге асыру туралы келіссөздер жүргізді. Келіссөз нәтижесінде «Марал-Нұр» ЖШС мен қытайлық компания арасында ынтымақтастық бойынша Меморандумға қол қойылды.
2025 ж. 17 қыркүйек күні облыс әкімі «Harvest» және «Технопарк» компанияларымен кездесіп, агроиндустриялық кластер құру және газ есептегіштер өндіру жобаларын қарастырды.
2025 ж. 21 қыркүйек күні облыс әкімінің орынбасары А. Зебешев пен қытайлық «Cheng Tian Run Kang Medical Limited» компаниясының директоры Ли Шухэ ханыммен талшықты қарасора егу өнеркәсіптік жобасы туралы Меморандумға қол қойылды.
2025 ж. 21 қазан күні облыс әкімінің орынбасары А. Зебешев пен түркиялық «Ardent Plastik» компаниясымен тамшылатып суару жүйесіне арналған экономикалық аймақ жобасын талқылады.
2025 ж. 30 қазан күні Мемлекет басшысы Қ.К. Тоқаевтың Қызылорда облысына іссапары ұйымдастырылып, облыста іске асырылатын 7 инвестициялық жобалары таныстырылды: испаниялық «Roca Group» cанитарлық-техникалық бұйымдар шығаратын зауыты, өзбекстандық «Orient Ceramic KZO» керамикалық тақтайша өндіретін зауыты, польшалық «Fabe Agro» жылыжай кешені, сондай-ақ кореялық «With You E&C Kyzylorda» қатты тұрмыстық қалдықтарды өңдейтін кәсіпорны.
2025 ж. 31 қазан күні облыс әкімі бастаған Қызылорда облысы делегациясы Астана қаласында өткен «Kazakhstan Global Investment Roundtable – 2025» форумына қатысты.
Аталған форум барысында Қызылорда облысының әкімі Н.М. Нәлібаев, ҚР Ауыл шаруашылығы министрі және «Harvest» компания арасында облыс аумағында ауқымды агроиндустриялық кластер құру бойныша үшжақты Негіздемелік келісімге қол қойды. Сондай-ақ, облыс әкімінің орынбасары А.Т. Зебешев пен «Fabe Agro» компаниясы арасында жылыжай кешенін салу жөніндегі ынтымақтастық туралы Меморандумға қол қойылды.
2025 ж. 3-7 қараша аралығында Қызылорда облысының әкімі Н.М. Нәлібаев бастаған делегация Швейцария Конфедерациясына ресми жұмыс сапармен барды. Сапар барысында делегация мүшелері Женева, Лауфен және Берн қалаларында бірқатар маңызды кездесулер өткізді.
Облыс әкімі БҰҰ-ның Женевадағы бөлімшесінің бас директоры Татьяна Валоваямен және Еуропа бойынша экономикалық комиссияның Атқарушы хатшысы Татьяна Молчанмен кездесіп, Женева кантоны Үкіметінің Төрағасы Тьерри Апотеломен, сондай-ақ Берн кантоны Үкіметінің Төрағасы Кристоф Нойхаузбен келіссөздер жүргізді.
Сондай-ақ облыс басшысы мен делегация мүшелері бірқатар жетекші швейцариялық компаниялармен кездесіп, нақты жобаларды талқылады. Олардың қатарында «Harvest Group», «Inoks Capital SA», «Swiss Choice Holding SA», «Laufen» (ROCA Group), «GWF», «RBL Group SA» және «Kanadevia Inova» компанияларының басшылары бар.
2025 ж. 17 қараша күні Қызылорда облысының әкімі Н.М. Нәлібаевтың Өзбекстанға жұмыс сапары ұйымдастырылып, Қазақстан мен Өзбекстан президенттерінің Жоғары мемлекетаралық кеңесінің екінші отырысына қатысты.
2025 ж. 4 желтоқсан күні украиндық «Refactor Code Engineering Services KZ» компаниясының басшысы Н. Анатолий облыс әкімінің орынбасары А. Зебешевпен кездесіп, энергетикалық шығындарды төмендету жобасын талқылады.
2025 ж. 11 желтоқсан күні облыс әкімінің орынбасары А. Зебешев, Абзал и К серіктестігі және өңірдің бизнес өкілдері Астана қаласында өткен «Қазақстан-Иран» іскерлік форумына қатысты. Кездесу барысында керамикалық бұйымдар шығару, өнеркәсіп және азық-түлік саласы бойынша жұмыс істейтін ирандық кәсіпкерлермен ынтымақтастық мүмкіндіктер жан-жақты талқыланды.
2025 ж. 16 желтоқсан күні ҚР Үкіметі атынан Өнеркәсіп және құрылыс министрі Ерсайын Нағаспаев пен облыс әкімі Н.М. Нәлібаев, екінші тараптан испаниялық «Roca Group» компаниясының еншілес кәсіпорны – «Рока Қазақстан» ЖШС бас директоры Даниэль Эрнандес «Қызылорда облысында заманауи сантехникалық бұйымдарды өндіру және құрастыру зауытының құрылысы» жөніндегі жоғары технологиялық жобаны жүзеге асыруға бағытталған инвестициялық келісімдерге қол қойылды.
2025 ж. 19 желтоқсан күні облыс әкімінің орынбасары А.Т. Зебешев Астанада өткен «Samruk-Kazyna Trust» қорының қоғам алдындағы есебінде Қордың облыстың әлеуметтік-мәдени және спорттық инфрақұрылымына қосқан үлсесі туралы баяндама жасады.
2025 ж. 22 желтоқсан күні қытайлық «CHENGDU SEPMEM ENERGY» компаниясының өкілдері облыс әкімінің орынбасары А. Зебешевпен сұйытылған газ өндіру зауыты жобасы талқыланып, ынтымақтастық туралы Меморандумға қол қойды.
2025 ж. 25 желтоқсан күні қытайлық «Kibing Group» компаниясының өкілдері облыс әкімінің орынбасары А. Зебешевпен кездесіп, флоат шыны өндіру жобасы талқыланды.
Қол қойылған келісімдер мен меморандумдар, сондай-ақ өткізілген іскерлік кездесулер өңірге инвестициялар тартудың жаңа мүмкіндіктерін қалыптастырып, негізгі капиталға салынатын инвестициялар көлемінің өсуіне мүмкіндік берді.
ҚР Үкіметімен бекітілген жоспарға сәйкес 2025 жылы өңірге 631,4 млрд.теңге инвестиция тарту қажет.
2025 жылдың 11 айында өңірге 717,9 млрд. теңге инвестиция тартылып, өткен жылдың ұқсас кезеңімен салыстырғанда көрсеткіштің өсімі 17,5%-ды құрады (11 ай 2024 ж. – 587,2 млрд. теңге). Индикатор 13,7% немесе 86,5 млрд. теңгеге артық орындалды.
Есепті кезеңде жеке инвестиция көлемі 510,1 млрд. теңгені құрап, көрсеткіштің өсімі 14,1-% құрады (11 ай 2024 ж. – 430 млрд теңге). Жалпы инвестиция көлемінде үлесі 71,1-% құрады.
Сондай-ақ, 2025 жылға өңірге 280 млн АҚШ доллары көлемінде тікелей шетелдік инвестиция тарту жоспары бекітілді.
2025 жылдың 9 айының қорытындысы бойынша өңір экономикасына 205,7 млн АҚШ доллары көлемінде тікелей шетелдік инвестиция тартылып, өткен жылдың сәйкес кезеңімен салыстырғанда көрсеткіш 19,1%-ға өсті (9 ай 2024 ж. – 172,7 млн АҚШ долл.). Жоспарланған көрсеткіштің 73,5%-ы орындалды.
2025 жылдың қорытындысымен Қызылорда облысының жергілікті атқарушы органдарына жеке және заңды тұлғалардан барлығы 59347 өтініштер түскен, ол өткен жылмен салыстырғанда (49862 - өтініш) 16%-ға артқан. Оның ішінде:
5459 өтініш облыс әкімдігіне (2024 ж. 12 ай - 4387);
26066 облыстық басқармаларға (2024 ж. 12 ай – 13889);
27822 аудан, қала әкімдіктеріне түскен (2024 ж. 12 ай – 32086).
Талдау көрсеткендей, қазіргі таңда облыс тұрғындары арасындағы жиі көтеріліп отырған өзекті мәселелер төмендегіше:
|
№ |
Өтініште көтерілген салалары |
2025 жылдың 12 ай бойынша |
|
1. |
Білім мәселесі |
13659 (23%) |
|
2. |
Жер және ауыл шаруашылығы мәселесі |
12286 (21%) |
|
3. |
Тұрғын үй-коммуналдық шаруашылығы |
7669 (13%) |
|
4. |
Денсаулық сақтау мәселесі |
4738 (8%) |
|
5. |
Әлеуметтік қамтамасыз ету |
2866 (5%) |
|
6. |
Кәсіпкерлік |
2093 (3%) |
|
7. |
Мәдениет және спорт |
1245 (2.5%) |
|
8. |
Автомобиль жолдары |
895 (1.5%) |
|
9 |
Басқалары |
13896 (23%) |
|
Барлығы |
59347 |
|
2025 жыл бойынша статистикалық есепке сәйкес жергілікті атқарушы органдарға түскен 59347 өтініштердің:
- 27957 немесе 47 % заң талаптарына сәйкес түсіндірілді;
- 24859 немесе 42 % ішінара немесе толық қанағаттандырылды;
- 4075 немесе 7% құзыреттілігі бойынша басқа органдарға жолданды;
- 1896 немесе 3 % өтініш тоқтатылды;
- 560 немесе 1 % орындалу мерзімі бар.
Жеке және заңды тұлғалардың өкілдерін жеке мәселелермен
қабылдау туралы
2025 жылы облыс әкімдігімен 876 жеке және заңды тұлғалардың өкілдері жеке қабылдауда болып, оның: 331-і облыс әкімінің, 545-і міндеттер бөлінісіне сәйкес облыс әкімі орынбасарларының және аппарат басшысының жеке қабылдауында болып, заңдылыққа сәйкес тиісті тапсырмалар берілген.
Сонымен қатар, облыс әкімі аппаратымен аудандар мен Қызылорда қаласы әкімдері және облыстық басқарма басшыларының қабылдау жүргізу барысына талдау жүргізілді.
Атап айтқанда, аудандар мен қала әкімдігінің бірінші басшылары – 2183 тұрғынды, ал басқарма басшылары - 526 тұрғынды жеке қабылдаған.
