Қостанай облысының тілдерді дамыту басқармасы

"Қостанай облысы әкімдігінің тілдерді дамыту басқармасы" мемлекеттік мекемесі Қостанай облысының аумағында тілдерді дамыту саласында басшылықты жүзеге асыратын Қазақстан Республикасының мемлекеттік органы болып табылады.

Басқарманың ведомстволық бағынысты ұйымы бар: "Тілдарын "облыстық тілдерді оқыту орталығы" коммуналдық мемлекеттік мекемесі»

"Қостанай облысы әкімдігінің тілдерді дамыту жөніндегі басқармасы" ММ миссиясы – мемлекеттік тіл саясатын тиімді іске асыру, мемлекеттік тілді және облыста тұратын этникалық топтардың басқа да тілдерін серпінді дамыту.

Міндеттер:

1) мемлекеттік тілдің әлеуметтік-коммуникативтік және біріктіруші функцияларын кеңейту;

2) Қазақстан халқының тілдерін сақтау және дамыту;

3) шетелде тұратын отандастармен мәдени байланыстарды дамыту және нығайту;

4) мемлекеттік тіл саясатын іске асыруға азаматтық қоғам институттарының қатысуын кеңейту.

Функциялары:

1) "облыстық тілдерді оқыту орталығы "коммуналдық мемлекеттік мекемесін басқару жөніндегі функцияларды жүзеге асыру»;

2) облыс аумағында Қазақстан Республикасының тіл туралы заңнамасының орындалуына жәрдемдесуді жүзеге асыру;

3) "Қостанай облысы әкімдігінің тілдерді дамыту басқармасы" мемлекеттік мекемесінің құзыреті мәселелері бойынша облыс әкімі мен әкімдігі актілерінің, сондай-ақ "Қазақстан Республикасында тілдерді дамыту мен қолданудың 2011-2020 ЖЫЛДАРҒА АРНАЛҒАН МЕМЛЕКЕТТІК БАҒДАРЛАМАСЫ туралы" Қазақстан Республикасы Президентінің 2011 жылғы 29 маусымдағы № 110 Жарлығын іске асыру жөніндегі іс-шаралардың орындалуын қаржылық қамтамасыз ету бөлігінде облыс бюджетінің жобаларын әзірлеуге қатысу»;

4) "Қазақстан Республикасындағы тіл туралы" Қазақстан Республикасының Заңын іске асыру мәселелері бойынша мемлекеттік органдармен, лауазымды тұлғалармен, өзге де ұйымдармен өзара іс-қимыл жасау»;

5) жүргізіліп жатқан мемлекеттік тіл саясатының тиімділігін арттыру бойынша ұсыныстар әзірлеу және енгізу;

6) "Қостанай облысы әкімдігінің тілдерді дамыту басқармасы" мемлекеттік мекемесінің құзыретіне жататын мәселелер бойынша ақпараттық-талдау материалдарын және құжаттарды дайындау»;

7) халықтың әртүрлі жастағы топтарына мемлекеттік тілді және басқа да тілдерді оқыту үшін жағдай жасау;

8) облыстағы ономастикалық жұмысты үйлестіру, облыстық ономастикалық комиссияның жұмысына жәрдемдесу;

9) қазақ диаспорасына ана тілін сақтауға және дамытуға көмек көрсету;

10) өз жұмысында жариялылықты қамтамасыз ету, мемлекеттік тіл саясатын іске асыру туралы бұқаралық ақпарат құралдары арқылы халықты тұрақты хабардар ету;

11) өз құзыреті шегінде гендерлік саясатты іске асыру;

12) деректемелер мен көрнекі ақпаратты орналастыру бөлігінде Қазақстан Республикасының тіл туралы заңнамасының сақталуын бақылауды жүзеге асыру;

13) Қазақстан Республикасының қолданыстағы заңнамасына сәйкес өзге де функцияларды жүзеге асыру.