Қостанай облысы әкімдігінің ақпараттандыру, мемлекеттік қызметтер көрсету және архивтер басқармасы

Облыстың мемлекеттік архив мекемелерінің және Басқарманың қызметіне басшылықты жүзеге асырады.

Жергілікті атқарушы органдардың мемлекеттік органдардың аумақтық бөлімшелерімен, азаматтармен және ұйымдармен ақпараттандыру, цифрландыру, консультациялық және әдіснамалық көмек көрсету мәселелері бойынша өзара іс-қимылын жүзеге асырады.

Мемлекеттік электрондық ақпараттық ресурстар мен мемлекеттік органдардың жүйелерін құру және дамыту, ақпараттық технологияларды қолдану бойынша тиімділікті бағалауды арттыру, ведомствоаралық ақпараттық жүйелерді, соның ішінде электрондық құжат айналымын пайдалану мониторингін жүргізу жөніндегі мәселелерді үйлестіреді.

Экономиканың негізгі салаларына цифрлық технологияларды енгізудің, «Smart-City» жобасының жүйе құраушы компоненттерін дамытудың ұйымдастырушылық мәселелерін шешеді.

Облыстың архив мекемелері желісінің жұмысын және тиімді өзара іс-қимылын ұйымдастырады, олардың қызметін мемлекет пен қоғам мүддесінде Ұлттық архив қорының құжаттарын және басқа да архив құжаттарын қалыптастыру, сақтау, есепке алу және пайдалану жөніндегі қызметті дамыту мен жетілдіруге бағыттайды.

Көрсетілетін қызметті берушілердің мемлекеттік қызмет көрсету кезінде стандарт пен регламентті сақтауын және мемлекеттік қызмет көрсетудің сапасы мен қолжетімділігін мониторингілеу мен бағалаудың жүргізілуін, ақпараттық қауіпсіздік қағидаттарын сақтауын бақылауды жүзеге асырады.

Қолданыстағы заңнамаға сәйкес мемлекеттік органдарда және өзге де ұйымдарда Басқарманың мүддесін білдіреді.