Қарағанды облысында жастарды қолдауға және олардың өз мақсаттарын жүзеге асыруына мүмкіндік беруге ерекше көңіл бөлінеді. Қарағанды облысының әкімі Ермағанбет Бөлекпаевтың төрағалығымен өткен жастар мәселесі жөніндегі кеңестің кезекті отырысында жыл қорытындысы шығарылып, өзекті мәселелер мен оларды шешу жолдары айқындалды.
Осы саладағы өз жұмысының нәтижелері туралы жастар саясаты, жұмыспен қамтуды үйлестіру және әлеуметтік бағдарламалар басқармаларының басшылары, сондай-ақ Теміртау және Қарқаралы ауданының әкімдері айтып берді.
Өңірде жұмыссыздыққа қарсы күрес бойынша шаралар кешені іске қосылды. Биыл NEET-жастарды жұмысқа орналастырудың стандартты емес әдісі енгізілді. Өңірдің ресурстық орталықтарымен бірлесіп автоматтандырылған ақпараттық жүйе арқылы жұмыссыз жастардың тізімі жасалды. Аулаларды аралау жүріп жатыр.
Жастар көп жиналатын орындарда жұмысқа орналасу мәселелері бойынша консультациялар өткізетін мобильді топтар жұмыс істейді.
Биылғы бос орындар жәрмеңкелеріне алты мыңнан астам адам қатысты, оның ішінде бір жарым мыңнан астамы жұмысқа орналастырылды.
"Бірінші жұмыс орны", "Жастар практикасы", "Ұрпақтар келісімшарты" жобалары жұмыс істейді.
– Жастардың жұмыссыздық жағдайын тұрақтандыру үшін жас қарағандылықтарды тұрақты жұмыс орындарына жұмысқа орналастыру қамтамасыз етіледі. Біздің облысымыздың жақсы үлгі ретіндегі жетістігі – QazТehna және КamaТyresKZ ірі өндірістік кәсіпорындары, онда 144 жас қарағандылықтар Татарстанда тағылымдамадан өтіп, жұмысқа орналастырылды, – деп хабарлады жұмыспен қамтуды үйлестіру және әлеуметтік бағдарламалар басқармасының басшысы Әсем Жүніспекова.
Жастар шағын және орта бизнес саласына белсенді қатысады. Өз ісін оларға облыс басшысының және қалалар мен аудандар әкімдерінің гранттарының көмегімен бастауға мүмкіндік жасалған.
– Жұмыспен қамту және әлеуметтік бағдарламалар мен кәсіпкерлікті үйлестіру басқармасымен бірлесіп 2021–2025 жылдарға арналған жастар кәсіпкерлігін дамыту жөніндегі ұлттық жоба шеңберінде жас кәсіпкерлер базасы қалыптастырылуда. Облыс, қалалар және аудандар әкімдерінің 2020-2022 жылдарға арналған грант иегерлерінің базасы құрылды. Барлығы 715 адам 637 млн теңгеге грант алды, – деді Жастар саясаты мәселелері басқармасының басшысы Рауан Таран.
Жазғы демалыс кезінде жастарды "Жасыл ел" еңбек жасақтарына тарту дәстүрге айналды. Келесі жылы 2700-ден астам адам қамтылады.
Өткен жылдан бастап Jas fund жастардың зияткерлік және шығармашылық бастамаларын қаржылай қолдау қоры жұмыс істейді. 2022 жылы 20 жобаны іске асыруға 5 млн теңгеден астам қаржы бөлінді. Олардың қатарында концерттер, көркемөнер көрмелері, заманауи би конкурстары, оқыту іс-шаралары, халықаралық музыкалық конкурсқа қатысу бар.
Отырыста балалар мен жасөспірімдер клубтарының жұмысы туралы да айтылды. Облыс бойынша 87 ҚДП ашылды. Олар тек балалар мен жасөспірімдердің даму орталығына айналып қана қоймай, ата-аналар мен аға буын өкілдері қызығушылықпен келетін орынға айналды.
Өңірдің қалалары мен аудандарында жастардың өмір сүру сапасын жақсарту мәселелері барлық мемлекеттік органдардың назарында болуы тиіс, деп атап өтті Ермағанбет Бөлекпаев.
– Келесі отырыста бүгін көтерілген мәселелерді шешудің нақты жолдарын тыңдағым келеді. Жастар біздің қолдауымызды сезінуі керек, – деді өңір басшысы.
Қарағандылық спортшылар каратэ мен кикбоксингтен Азия чемпионаттарында ұлттық құрама сапында лайықты өнер көрсетті. Үш жауынгер марапаттар қоржынын төрт медальмен толықтырды.
Кадеттер, жастар және ересектер арасында WKF каратэден құрлық біріншілігі Ташкентте өтті. Оған 22 елден 500-ге жуық спортшы қатысты. Қазақстан жалпы командалық екінші орынға ие болды.
Қарағанды облысынан Никита Тарнакин (жаттықтырушы – В. Л. Бокий) өнер көрсетті. Жас жігіт ересектер арасындағы командалық кумитте екінші, ал жастар арасындағы жеке кумитте үшінші болды.
Ал Бангкокта ересектер арасындағы кикбоксингтен Азия чемпионаты өтті. Қазақстан 36 медаль жеңіп алып, бірінші жалпы командалық орынға ие болды.
Бұл жетістікке алтын медаль жеңіп алған қарағандылық Руслан Степанов (жаттықтырушы – Г. А. Папу) және күміс жүлдегер атанған Балқаш қаласының спортшысы Әкім Бекболат (жаттықтырушылар – Д. Саметов пен Ж. Үсен) өз үлесін қосты.
Қарағанды облысының дене шынықтыру және спорт басқармасы
28 желтоқсан күні сағат 18:30-да "Шалқыма" концерт залында қарағандылықтар мен қала қонақтарын Тәттімбет атындағы қазақ халық аспаптар Академиялық оркестрінің жаңа жылдық концертінде күтеді.
Музыка сүйер қауым үшін жаңа жылдық попурри, Тәттімбеттің "Қосбасар" күйі, И. Штраустың "Полька күркіреген күн және найзағай", Еспайдың "Ақ ілме", Carol Of The Bells (щедрик), Toska Fantasy (қобыздағы соло), "Хайуанаттар бағынан қашу" (OST Madagascar), Дж. Уильямс "Виктория", Л. Гайдайдың к/ф тақырыптарға парафраз және басқалар.
Солистер – Рысты Рахымжан, Қайрат Омаров және Меруерт Башай, сондай-ақ "Аққу" би ансамблі өнер көрсетеді.
Көркемдік жетекшісі – ҚР еңбек сіңірген қайраткері Әбдуғалисын Шоқанбаев.
Бас дирижер – "100 жаңа есім" жобасының жеңімпазы Ерлан Бақтыгерей.
Дирижер – халықаралық байқаулардың лауреаты Әбілқайыр Сағымбаев.
Анықтама телефондары: 41-13-14, 41-22-30.
Қарағанды облысының үш оқушысы 6–11 сынып оқушылары арасында "Жыл оқушысы" республикалық байқауының жүлдегерлері атанды. Олар екінші және үшінші орындарға ие болды.
"Жыл оқушысы" байқауы қашықтықтан өткізілді. Оған республикадан 60 бала қатысты. Қарағанды облысының намысын үш оқушы қорғады. Олар бес кезеңнен өтті. Оқушылардың алдында өздерін таныстыру, эссе жазу, шешендік өнерін көрсету міндеттері қойылды. Сондай-ақ, қазылар алқасы олардың портфолиосы мен жетістіктерін зерттеді. Финалда оқушылардың шығармашылық қабілеттері бағаланды.
№ 2 "Білім-инновация" лицейінің жетінші сынып оқушысы Мәриям Төлеубаева байқауда екінші орын алды. Оқушы – менталдық арифметика бойынша облыстық, республикалық және халықаралық олимпиадалардың бірнеше дүркін жеңімпазы. Оның спортта да көптеген жетістіктері бар.
– Мен өте белсендімін. Сурет саламын, каратэмен айналысамын, ментальды арифметиканы төрт жыл ішінде игердім. Мен әртүрлі іс-шараларға қатысқанды ұнатамын, олар дамуға және ашылуға көмектеседі, – дейді Мариям. – Бұл байқауда мен Ұлы Абай Құнанбаевтың "Білімдіден шыққан сөз" кітабын оқыдым. "Менің қиял-арманымдағы Қазақстан" тақырыбында эссе жаздым, онда мен өз армандарым мен үміттерімді бейнеледім.
Болашақта Мәриям "Алтын белгі" алып, дәрігер болғысы келеді. Алайда ол бейінді мамандандыру туралы әлі шешім қабылдамаған.
Сондай-ақ, Балқаш қаласының Әлихан Ермеков атындағы мектеп-лицейінің оныншы сынып оқушысы Иван Гончаров екінші орынға ие болды.
Байқауда үшінші орын қарағандылық Адина Әбсадықоваға бұйырды. Ол № 2 "Білім-инновация" лицейінің тоғызыншы сыныбында оқиды.
Жеңімпаздарға дипломдар және сыйлықтар табысталды.
Қарағанды облысының әкімі Ермағанбет Бөлекпаев Ақтоғай ауданының тұрғындарымен кездесті. Ауыл тұрғындары өздерін толғандыратын сұрақтарын еркін микрофон форматында қою мүмкіндігіне ие болды.
Ақтоғайлықтар тозған электр желілеріне, жолдардың нашарлығына және көмір бағасының қымбаттауына шағымданды. Сондай-ақ, тұрғындар ауданда орталық кітапхана мен мұражайға бөлек ғимараттар бөлуді сұрады.
Мұндай кездесулерде айтылған тұрғындардың проблемалық мәселелері назардан тыс қалмайды. Біртіндеп олар өз шешімін табады.
. Мәселен, осыған дейін ветстанцияға сұраныс болған еді. Биыл Ақтоғайда мал емдеу мекемесі салынды. Жануарларға арналған арнайы дәрі-дәрмектерді сақтауға және мал дертін диагностикалауға арналған бөлмелер бар.
Сондай-ақ, аудандық орталық аурухананың күрделі жөндеуі аяқталып, инфекциялық блокты қайта жаңартуға кірісті. Жергілікті тұрғындар ауруханада жұқпалы аурулар бөлімін құруды сұрады. Ауданда осындай бөлімнің болмауы салдарынан науқастарды облыс орталығына тасымалдауға тура келеді.
– Аурухана Ақтоғай ауданының 10 мыңнан астам тұрғынына қызмет көрсетеді. Оның жанында емхана бар, жақын арада инфекциялық бөлімше пайда болады, – дейді Ақтоғай ауданының әкімі Салтанат Әбеуова.
– Биыл біз аудан дәрігерлері үшін жол талғамайтын көлік пен санитарлық машиналар сатып алдық. Аудандық аурухана үшін екі функционалды акушерлік төсек, кеңселік техника сатып алынды.
Шашубай кентіндегі дәрігерлік амбулатория да күрделі жөндеуден өтті.
Аудан тұрғындарын қолжетімді баспанамен қамтамасыз ету үшін Шашубай кентінде 100 пәтерлік бес қабатты үй қалпына келтіріле бастады. Жұмыстарды келесі жылы аяқтау жоспарлануда.
"Ауыл – ел бесігі" жобасы бойынша Сарышағанның төрт көшесінде орамішілік жолдарға орташа жөндеу жұмыстары жүргізілді. Ақтоғай ауылынан Балқаш – Ақтоғай – Ақсу-Аюлы жолының 16 шақырымы және Ақтоғай – Балқаш тас жолының 7 шақырымы жөнделді.
2023 жылы Ақтоғайдан Ақсу-Аюлыға дейінгі 60 шақырым жолды ретке келтіру жоспарлануда. Сонымен қатар, биыл Ақтоғай-Шылым-Ақжарық аудандық маңызы бар автожолына орташа жөндеу жұмыстары басталды. Ол аудан орталығымен жеті елді мекенді байланыстырады. Келесі жылы жолдың 20 шақырымын асфальттау жоспарлануда.
Ауданда мектептердің материалдық-техникалық базасын жақсартуға да көңіл бөлінеді. Бір жыл ішінде 11 мектепке арналған 11 модификациялық кабинет құрылды. Бұл физика, химия, биология және STEM зертханаларының заманауи пәндік кабинеттері. Күрделі жөндеу бір мектепте жүргізілді, тағы бесеуі ағымдағы жөндеумен қамтылды.
"Ауылдық жердегі тірек мектептердің әлеуетін дамыту" жобасы аясында демеушілік қаражат есебінен К. Байсейітова атындағы тірек мектебінің 24 пәндік кабинеті жаңғыртылды. Оқу орнында STEM-зертхана, ART-студия, жабдықталған шеберханалар пайда болды.
Ауданда мәдениетті дамытуға да көңіл бөлінеді. Мәселен, Құсақ ауылында клубқа күрделі жөндеу жүргізіліп, Нүркен ауылында саябақ қайта жаңартылды. Сондай-ақ, "Тоқырауын толқындары" ансамблі үшін шағын автобус сатып алынды. Бұл туралы ұжым атынан облыс әкімімен өткен кездесуде тұрғындар сұраған болатын. Сондай-ақ, ауылдық клубтарға арналған 59 ұлттық аспап пен дыбыс жазу студиясы сатып алынды.
– Бүгін айтылған барлық сұрақтарды бақылауға алынады. Әрқайсысы бойынша бөлек жұмыс жасалады. Мен бәріне құлағдармын. Келесі жолы келгенде атқарылған жұмыстар туралы есеп береміз, – деді Ермағанбет Бөлекпаев.
Халықпен кездесуден кейін өңір басшысы азаматтармен жеке қабылдау өткізді.
Қарағанды облысының әкімі Ермағанбет Бөлекпаев Шахтинск қаласына барады. Жұмыс сапары кезінде өңір басшысы тұрғындармен кездесіп, жеке қабылдау өткізеді.
Халықпен кездесу 2022 жылғы 26 желтоқсанда сағат 17:00-де Шахтинск қаласының Кеншілер мәдениет сарайында өтеді. Жеке қабылдау – 19:00.
Халықтан сұрақтар мен ұсыныстар жинау үшін жұмыс тобы құрылды. Өтініштеріңізді жұмыс күндері сағат 09:00-ден 18:30-ға дейін (түскі үзіліс 13:00-ден 14:30-ға дейін) 5-38-79 телефоны немесе электрондық пошта арқылы қалдыруға болады: shahtinsk_cancel@krg.gov.kz.
Жаңа жылдық ғажайыптар: Қарағанды облысынан 200 бала Президенттік шыршаға қатысты
Биылғы жылы мерекелік іс-шара бүкіл республика бойынша бір мезгілде өтті.
Жас қонақтар Аяз Ата, Ақшақар және олардың көмекшілерімен бірге көңілді уақыт өткізді.
Ертеңгілікте "Шолпан", "Бозторғай" және "Қуаныш" жергілікті балалар ансамбльдері өнер көрсетті.
– Бүгін шыршаға 9 жастан 13 жасқа дейінгі балалар жиналды. Бұл конкурстардың, олимпиадалардың және спорттық жарыстардың жеңімпаздары, ерекше білім беру қажеттіліктері бар балалар, көп балалы және аз қамтылған отбасылардан шыққан балалар. Біз шалғай аудандардан келген балаларға Қарағандыға жету үшін көлік ұйымдастырдық. Негізінен мереке кеше басталды. "Сарыжайлау" кинотеатрында "Теддидің шытырман оқиғалары" мультфильмін көру ұйымдастырылды, – дейді Облыстың білім басқармасының арнайы және қосымша білім беру, тұлғаны адамгершілік-рухани дамыту бөлімінің басшысы Аруна Мұқашева.
ҚР Президентінің атынан балаларды келе жатқан мерекемен Қарағанды облысының әкімі Ермағанбет Бөлекпаев құттықтады.
– Қымбатты балалар мен ата-аналар, Қасым-Жомарт Тоқаевтың атынан сіздерді Жаңа жылмен құттықтағым келеді. Бүгін бұл өте жақсы мереке болды. Баршаңызға зор денсаулық, бейбітшілік пен амандық, бақытты балалық шақ және бар жақсылықты тілеймін, – деді өңір басшысы.
Абай ауданының Жаңа Қараған ауылынан Мария Липченко шыршаға алғаш рет келді.
– Мен бұрын-соңды мұндай қойылымды көрген емеспін. Керемет аниматорлар, көңілді билер, әртүрлі жарыстар өтті. Барлығы жоғары деңгейде болды. Жаңа жылды барлық балалар отбасымен қарсы алып, бақытты, қуанышты болуын тілеймін, – дейді Мария.
№ 6 арнайы мектеп-интернатының тәрбиеленушісі Гаухар Ахмет жаңа жылдық шыршаның жарығына тәнті болды.
– Маған бәрінен бұрын шырша ұнады. Ол өте әдемі безендірілген, содан кейін күтпеген жерден жарқырай түсті. Біз биледік, ойнадық, күлдік. Мен жаңа жылды өте жақсы көремін, өйткені шыршаның астында сыйлық таба аламыз, бәрі қуанады, бір-бірін құттықтайды, – дейді Гаухар.
Балаларға жағымды тосын сый болып сыйлықтар табысталды. Әр балаға Президенттен атаулы құттықтау картасы, Алиса ақылды колонкасы, құлаққап, тәттілер және үш тілде ертегілер кітабы берілді. Іс-шарадан кейін балаларға арналған мерекелік дастархан жайылды.
Жыл соңында аймақтың тағы 50 жас тұрғыны жаңа бизнес құруға немесе жұмыс істеп тұрған бизнесін кеңейтуге мүмкіндік алды. Олардың бизнес-идеялары Қарағанды облысы әкімінің жастар кәсіпкерлігін дамытуға және қолдауға арналған гранттар байқауында жеңіске жетті.
Конкурсқа қатысуға 300 өтінім берілді. Арнайы комиссия ең өзекті 50 бизнес-жобаны таңдап алды. Олардың авторлары әрқайсысы 2 млн теңгеден алды.
Қарағанды облысының әкімі Ермағанбет Бөлекпаев Жастар ісі жөніндегі кеңестің отырысы кезінде бизнесін жаңа бастаған және жұмыс істеп жатқан жас кәсіпкерлерге алғашқы 10 грантты табыс етті.
Облыс жастары металл конструкциялар мен жиһаз өндірісінен бастап медициналық, білім беру және құрылыс қызметтерін көрсетуге дейінгі түрлі салаларда өздерін сынап көреді.
Осакаров ауданының тұрғыны Мейремхан Төлеубай атасынан ұлттық музыкалық аспаптар жасау шеберлігін игерген. Грантқа жас кәсіпкер қажетті құрал-жабдықтар сатып алып, болашақта шеберхана ашпақшы. Әзірге Мейремхан үйіне жапсарлас салынған бөлмеде жұмыс істейді.
– Менің басты мақсатым – ұлттық қолөнерді дамыту. Ежелгі заманнан бері қазақтар музыкалық аспаптар, ыдыс-аяқ, кәдесыйлар, сандықтар және т.б. жасаумен айналысқан. Маған үш домбыра жасау үшін бір ай қажет. Станоктардың көмегімен дәл осы мерзімде 10 музыкалық аспап жасауға болады. Мен ағаш өңдеу жабдықтарын сатып алуға ақша жұмсаймын, киім тігумен де айналысамын, сондықтан тігін машинасы қажет. Грант маған өз мамандығымды дамытуға мүмкіндік береді, – дейді Мейремхан Төлеубай.
Нұра кентінің тумасы Шыңғыс Қадырбаев төрт ай бұрын кір сабын шығаратын цех ашты. Жаңадан бастаған кәсіпкердің айтуынша, оның жуғыш заты сапасы жағынан ТМД елдеріндегі өнімнен кем түспейді, жәнеде олардан әлдеқайда арзан. Сабын Қарағанды және Ақмола облыстарында сұранысқа ие.
– Әкем маған осындай бизнеспен айналысуға кеңес берді. Бізде тұрмыстық химия дүкені бар. Біз барлық шетелдік өнімдердің қалай бағаланатынын көреміз. Неліктен кір сабынды өзімізге жасамасқа деп ойладық, өйткені бұл күнделікті тұтыну өнімі. Нарықты зерттеп, цех сала бастадық. Содан кейін мен несие алып, жабдық сатып алдым. Жұмыспен қамту орталығы арқылы екі адамды жұмысқа орналастырдым. Грант қаражатын өз бизнесімді кеңейтуге жұмсаймын, қосымша станоктар сатып аламын, – дейді Шыңғыс Қадырбаев.
Қарағанды медициналық университетінің үшінші курс студенті Гүлмира Төрежанова алғашқы көмек көрсету бойынша оқу орталығын ашуды жоспарлап отыр. Ол төтенше жағдайда сауатты және уақтылы көмек көрсету өмірді сақтап қалатынын жақсы біледі.
– Статистикаға сәйкес, 70 % жағдайда өлімнің себебі дәрігерге дейін алғашқы медициналық көмек көрсетудің жеткіліксіздігімен, яғни "алтын уақытты" өткізіп алумен байланысты. Әр адам төтенше жағдайларда медициналық көмек көрсете білуі керек. Гранттар конкурсына қатысуымның себебі – қоғамға пайда әкелетін іспен айналысуға, білуге, үйренуге, ата-ананың үмітін ақтайтын бала болуға, өз елінің мақтанышына айналатын азамат болуға деген ұмтылыс, – дейді Гүлмира Төрежанова.
Ермағанбет Бөлекпаев жас кәсіпкерлерге барлық жоспарларын жүзеге асыруды тіледі.
ҚР Мәдениет және спорт министрлігі жыл қорытындысын шығарды. Қарағанды облысы Қазақстанның үздік спорт өңірі, ал теннисші Алан Құрманғалиев – еліміздің үздік жас спортшысы деп танылды.
Мамандандырылған ведомство өкілдері ғана емес, қоғам қайраткерлері де кіретін арнайы комиссия өңірлерде жүргізілген жұмыстардың нәтижелерін бірнеше өлшемшарттар бойынша бағалады. Бұл бұқаралық спортты, инфрақұрылымды дамыту, жаңа қызықты жобаларды іске асыру және басқа да маңызды бағыттар.
Кеше Астанада министрлік ұйымдастырған "2022 жылдың қорытындысы" салтанатты рәсімі өтті. Екі рет сахнаға облыс өкілдері шықты.
Дене шынықтыру және спорт басқармасының басшысы Темірхан Абылаев "Үздік спорт аймағы" номинациясы бойынша марапат алу үшін және Қазақстан тарихында тұңғыш рет үстел теннисінен әлем чемпионы және Азия чемпионатының жүлдегері атанған Алан Құрманғалиев "Жастар мен жасөспірімдер құрамының үздік спортшысы" номинациясының жеңімпазы ретінде шықты.
– Биыл бізде көптеген жеңістер мен жетістіктер болды. Бірақ алда әлі көп жұмыс бар. Келесі жыл Олимпиадаға дейінгі жыл, онда біздің құрама командалар лицензиялардың барынша көп санын жеңіп алуы керек. Әрине, басты мақсат – Париж-2024 олимпиадасы. Төртжылдықтың басты жарыстарда біз лайықты нәтиже көрсетуіміз керек, – деді Мәдениет және спорт министрінің орынбасары Серік Жарасбаев құттықтау сөзінде.
– Әрине, біз өз еңбегімізді жоғары бағалағанын мақтан тұтамыз. Бұл, ең алдымен, облыс әкімдігінің жұмысы мен қолдауының нәтижесі. 2022 жылы шын мәнінде көп нәрсе жасалды, мүгедектер спорты саласында жаңа жобалар іске асырылды. Біз осы жоғары нәтижені сақтауға тырысамыз, әсіресе алдағы жылға біздің өңірде спортты дамыту бойынша көптеген жоспарлар бар, – деді Темірхан Абылаев.
Қарағанды облысының дене шынықтыру және спорт басқармасының ақпараты бойынша
Сенбі, 24 желтоқсанда Қарағандыда үш ауыл шаруашылығы жәрмеңкесі өтеді. Оларда ауыл шаруашылығы және ет, сүт өнімдері, сондай-ақ жергілікті өндірушілердің тауарлары сатылатын болады. Бағалар орташа нарықтық бағадан төмен болады.
Жәрмеңкелер өтетін орындар:
- Оңтүстік-Шығыс – "Global City" СЛК (134-ші есептік тоқсан, 921-құрылым);
- Майқұдық – "Умай" СҮ (Карл Маркс көшесі, 9);
- Пришахтинск – "Молодежный" МҮ (Металлистов көшесі, 24/2 құрылыс).
Жәрмеңкелер таңғы 9-да ашылады.