Электр энергетикасы

Қазақстан Республикасының МЕМСТ 13109-97 мемлекетаралық стандартында белгіленген нормаларға сәйкес электр энергиясын қабылдағыштардың шықпаларындағы кернеулер электр желісінің номиналды кернеуінен тиісінше ±5 және ±10% (номиналды кернеу кезінде 6; 12; 27; 40; 60; 110; 220 В (бір фазалы) және 40; 60; 220; 380; 660 в (үш фазалы).

1999 жылғы 1 шілдедегі Қазақстан Республикасы Азаматтық кодексінің (ерекше бөлім) 486–бабының 1- және 2-тармақтарына (бұдан әрі - Кодекс) сәйкес энергиямен жабдықтаушы ұйым беретiн энергияның сапасы ұлттық стандарттарда және стандарттау жөнiндегi өзге де нормативтік құжаттарда белгіленген немесе шартта көзделген талаптарға сәйкес болуға тиiс. Энергиямен жабдықтаушы ұйым энергияның сапасына қойылатын талаптарды бұзған жағдайда, егер заң актiлерiнде, шартта өзгеше көзделмесе немесе ол мiндеттеменiң мәнiнен туындамаса, осы Кодекстiң 491-бабында көзделген ережелер қолданылады.

Кодекстің 491-бабы, 1-тармағына сәйкес энергиямен жабдықтау шарты бойынша мiндеттемелер орындалмаған немесе тиiсiнше орындалмаған жағдайларда энергиямен жабдықтаушы ұйым мен абонент осыдан келтiрiлген нақты залалды өтеуге мiндеттi.

Қазақстан Республикасының «Электр энергетикасы туралы» Заңының 19-бабы 1-тармағы, 2)-тармақшасына сәйкес электр және жылу энергиясын тұтынушылардың жасалған шарттардың талаптарына сәйкес энергия өндiрушi, энергия берушi және энергиямен жабдықтаушы ұйымнан электр және жылу энергиясын жеткiзбеуден немесе сапасыз жеткiзуден келтiрiлген нақты нұқсанның орнын толтыруды талап етуге құқығы бар.

Осыған байланысты, жасалған электрмен жабдықтау шарттарына сәйкес сапасыз электр энергиясын жеткізу нәтижесінде туындаған материалдық залалды өтеу мәселелері бойынша сот органдарына жүгіну және Қазақстан Республикасының азаматтық заңнамасында белгіленген тәртіппен шешу қажет.

Қазақстан Республикасы Энергетика министрінің 2015 жылғы 25 ақпандағы № 143 бұйрығымен бекітілген Электр энергиясын пайдалану қағидаларының 75-тармағына сәйкес көп қабатты құрылыстарда (қосу-тарату құрылғысы, кіреберісті, ауланы, нөмірлі шамдарды, жертөле және шатырларды жарықтандыруға арналған электр өткізгіші) жалпыүйлік мұқтаждықтағы электр қондырғыларының техникалық жағдайы, пайдалануы, техникалық қауіпсіздігі үшін кондоминиумнің объектісін басқару органдарына немесе ететін тұтынушылардың уәкілетті тұлғаларына немесе тұрғын үйге иелік ұйымға жүктеледі.

Жалпыүйлік КЕҚ сақтау және бүтіндігі үшін кондоминиум объектісін басқару органына немесе тұтынушының уәкілетті тұлғасына жүктеледі.

Жалпыүйлік мұқтаждыққа пайдаланылған электр энергиясының көлемі электр желісінің теңгерімдік тиесілілігін бөлу шекарасында орнатылған есепке алу құралымен анықталады. Қосалқы тұтынушылар жалпы үйлік мұқтаждық есепке алу құралынан қосылған жағдайда, қосалқы тұтынушылар тұтынуының жиынтық көлемі жалпы сомадан алынады.

Осыған байланысты, көп пәтерлі тұрғын үйдің кіреберістерінде жарықтандырудың болмауы мәселесі бойынша сіздің үйіңіздің ПИК-іне өтініш білдіруіңіз қажет.