16 мамырда сағат 12:35-те Алматы қаласы ТЖД күштері мен құралдары Жетісу ауданында өрт туралы хабарламаға жоғары дәрежедегі шақырту номері бойынша жіберілді.
Өрт сөндірушілер оқиға орнына бір минутта, қас қағым сәтте жеткенде, 2 қабатты тұрғын үйдің төбесі және екінші қабаты жанып жатқанын анықтады. Өрт аумағы 100 ш.м. шарпыған, қатты улы түтіннен тұрғындардың өміріне қауп төнді. Қызыл жалын кеңселері бар жапсарлас салынған ғимаратқа тез таралу қауіпі туындады.
№ 8 ӨСБ бастығы майор Азат Темірбаев құтқару жұмыстарын жүргізуді шешуші бағыт ретінде құтқару жұмыстарын айқындады, ол үшін газ-түтіннен қорғау қызметінің буындарына қол өрт сатыларының қолдана отырып адамдарды құтқаруға кірісуге бұйрық берді.
Бірінші буын бөлімше командирі Әлімжан Бишемов, өрт сөндіруші-құтқарушы Шәкіржан Зарипов, өрт сөндіруші-құтқарушы Нұрсұлтан Әбдікәрімов құрамына 2-қабаттан 9 адам, оның ішінде 4 бала құтқарылды.
Жедел кезекші Ержан Жайсанов, 8 ӨСБ орынбасары Асхат Анаркулов, қарауыл бастығы Әлиев Кудрят, бөлімше командирі Нариман Айбахунов, өрт сөндіруші-құтқарушы Ақылбек Жаңабаевтың екінші буыны баспалдақ маршы арқылы 3 адам арнайы қалпақ арқылы құтқарды, оның ішінде 1 бала сондай ақ 1 газ баллоны эвакуацияланды.
Қабылданған жедел шаралармен өрт 20 минут ішінде жойылып, жапсарлас салынған ғимараттың барлық алаңына от таралуына жол берілмеді. Абырой болғанда зардап шеккен адам жоқ. Өрттің себебі анықталуда
Алматы қ.ТЖД баспасөз қызметі
Ертіс өңірінде «Өрт-2024» Республикалық командалық-штабтық оқу-жаттығуы өтті. Оқу-жаттығу шеңберінде Павлодар облысы Шарбақты ауданының «Ертіс орманы» мемлекеттік орман табиғи резерватының аумағында шартты табиғи өртті жою жөніндегі іс-қимылдарды тәжірибелік пысықтаудан өтті.
Азаматтық қорғаудың мемлекеттік жүйесінің басқару органдары, күштері мен құралдары, сондай-ақ жергілікті атқарушы органдар мен жауапты ведомстволар өрт қауіпті кезең жағдайында ТЖ жою кезіндегі іс-қимылын пысықтады.
Жаттығу жоспарына сәйкес, ыстық ауа-райы мен қатты желге байланысты орман алқабының аумағында күрделі өрт қауіпті жағдай қалыптасты. Оқу-жаттығу шеңберінде табиғи өртті сөндіруге, халық пен жануарларды эвакуациялауға, жоғалған туристерді іздеуге және Ресей Федерациясымен шекаралас аумақта өртті сөндіруге байланысты 4 тәжірибелік тапсырма орындалды. Оқу-жаттығуға барлығы 80 адам және 45 бірлік техника жұмылдырылды.
Павлодар облысы ТЖД баспасөз қызметі
Азаматтық қорғау органдары мен күштерін дайындау жөніндегі іс-шаралар жоспарына сәйкес Төтенше жағдайлар министрлігі «Қорғау-2024» республикалық штабтық жаттығуын өткізеді.
Оқу-жаттығудың мақсаты басқару органдары мен азаматтық қорғау күштерінің әртүрлі сипаттағы төтенше жағдайларға ден қоюға дайындығын жетілдіру болып табылады.
Екі күн ішінде азаматтық қорғаныс іс-шаралары, мемлекеттік органдарды ведомствоаралық үйлестіруді қамтамасыз ету, сондай-ақ оқу-жаттығу жоспарына сәйкес элементтерді пысықтау орындалатын болады.
ҚР ТЖМ Азаматтық қорғаныс және әскери бөлімдер комитеті
Өңірде «Өрт-2024» РКШОЖ өткізілуіне сәйкес Қызылорда қаласындағы «Эдельвейс» саяжайының маңында «Төтенше жағдайларды жою штабы» жасақталды. Штаб отырысы кезінде Қызылорда облысы Төтенше жағдайлар департаментінің бастығы полковник Руслан Қайрақбаевқа азаматтық қорғау жүйелерінің қызметтерінің өкілдері оқу-жаттығудың практикалық кезеңіне қатысуға дайын екендіктерін баяндады. Осыған орай оқу-жаттығудың практикалық кезеңі басталды.
Қызылорда қаласынан 7 шақырым қашықтықта, «Шіркейлі» каналының оң жақ жағалауында ашық отты пайдалану барысында дала өрт шығып, жақын орналасқан шаруа қожалықтарына, тұрғын үйлерге қауіп төнді. Өртті жақын орналасқан жеке шаруа қожалықтарының тұрғындары көріп, ол туралы «112» телефон нөміріне хабарлады. Оқиға орнына Қызылорда орман және жануарлар дүниесін қорғау мекемесінен 1 АЦ автокөлігі, 1 ХТЗ тракторы, 1 Уаз көлігімен 15 адам келіп, жағдайды нақтылады. Өрттің ауданы шамамен 2000 шаршы метр болуына орай, желдің күшеюіне байланысты Орталықтан көмек сұрады. Өрт аумағында шаруашылық қожалықтарының екі жұмысшы жоғалып кеткендігі жөнінде хабарлады.
Жауынгерлік қанат жаю ұйымдастырылып, өрт сөндірушілер өрт ошағын 2 «Б» оқпанымен сөндіруге кірісті. 6 қызметкер соққыштармен өрт сөндіру жұмысын атқарды. Өрттің одан әрі таралуын болдырмау үшін трактордың соқасымен жерді жыртып, өртке қарсы минералды жолақтар жасады.
Өзара іс-қимыл алгоритмдеріне сәйкес арнайы және шұғыл қызметтер оқиға орнына жолданды. Апаттар медицинасы орталығының филиалының көлігімен 1 зардап шегуші қауіпсіз аймаққа тасымалданып, «Қазәуеқұтқару» мекемесінің тікұшағы арқылы ауруханаға жедел жеткізілді.
Командалық-штабтық машинаның экипажына интернет байланысы орнатылып, ТЖМ және Қызылорда облысы ТЖД-мен аудио-видеобайланыс орнатылып, ақпарат алмасу жұмысы ұйымдастырылды.
Оқу-жаттығуға Жедел құтқару жасағының 1 техникасымен 2 кинологиялық есебі, 5 қызметкері қатысып, малшыны іздестіріп, тапты. Апаттар медицинасы орталығының филиалының қызметкерлері өрт сөндіру штабының жанына орналасқан медпункт ішінде зардап шеккендерге алғашқы дәрігерлік көмек көрсетті.
Осылайша шартты өрт дер кезінде сөндірілді. Жалпы оқу-жаттығу барысына 48 бірлік техника, 1 бірлік тікұшақ, 170 адам жұмылдырылды.
Қызылорда облысы ТЖД
Ағымдағы жылдың 15-16 мамыр аралығында барлық өңірлерінде Апаттар медицинасы орталығының құрылымдары «Өрт-2024» Республикалық командалық-штабтық оқу-жаттығуына қатысты.
Оқу-жаттығу шеңберінде филиалдар мен трассалық медициналық-құтқару пункттерінің табиғи өрттер туындаған кезде шұғыл медициналық және психологиялық көмек көрсетуге дайындығын қамтамасыз ету мақсатында Апаттар медицинасы орталығы Абай облысының «Семей Орманы МОТҚ» аумағында далалық мобильді госпиталь орналастырды.
АМО құрылымдары жедел әрекет етуге және ТЖ жою жөніндегі міндеттерді орындауға дайындығын көрсетті.
ҚР ТЖМ Апаттар медицинасы орталығы
Барлық өңірлерде «Өрт-2024» республикалық командалық-штабтық оқу-жаттығуы өткізілді.
Оқу-жаттығу шеңберінде ормандардағы өрт қауіпсіздігі режимін сақтауға бағытталған профилактикалық іс-шаралар кешені, уәкілетті органдармен және ұйымдармен орман-дала өрттері барысында туындайтын негізгі, қосалқы міндеттерді орындау бойынша штабтық жаттығулар өткізілді.
Оқу-жаттығуды үйлестіру жөніндегі республикалық жедел штаб Абай облысының «Семей Орманы» мемлекеттік табиғи резерваты Бородулиха филиалының аумағындағы далалық жағдайларда орналастырылды.
Жаттығу жоспарына сәйкес, резерваттың орман алқабында өрт болды, ол қатты екпінді желдің салдарынан қысқа мерзімде орманның жоғарғы жағын шарпып, елді мекендерге қауіп төндірді.
2024 жылғы 16 мамырда экология және табиғи ресурстар, төтенше жағдайлар, қорғаныс, ішкі істер министрліктерінің, ұлттық қауіпсіздік комитетінің, ұлттық ұланның, жергілікті атқарушы органдардың өртті сөндіру, жерді жырту, орманның жоғарғы жағындағы өртті сөндіру жөніндегі күштері мен құралдарының іс-қимылдары пысықталған практикалық іс-шаралардың 2-ші кезеңі өткізілді. Оқу орындарын пысықтау барысында өрт және ауыл шаруашылығы техникасы, су төгу құрылғылары бар тікұшақтар қолданылды, пилотсыз ұшу аппараттары, «ҚТЖ ҰК» АҚ өрт пойызы жұмылдырылды.
Халықты эвакуациялау және оны уақытша орналасу пунктіне орналастыру, үй жануарларын қауіпсіз жерге айдау, авариялық-құтқару қызметтерінің мемлекеттік шекараны жеңілдетілген тәртіпте кесіп өтуі бойынша жаттығулар өткізілді.
Практикалық бөлім аяқталғаннан кейін республикалық жедел штабта вице-министр Б.Қ. Әбдішевтің басшылығымен оқу-жаттығу қорытындысы шығарылды.
ҚР ТЖМ баспасөз қызметі
«Өрт-2024» РКШОЖ аясында Шығыс Қазақстан облысының аумағында орманды сөндіру бойынша практикалық жаттығулар өтті.
Шартты түрде Өскемен, Асу-Бұлақ, Қайыңды және Күршім орманшылықтарының аумағында құрғақ найзағай разрядының нәтижесінде орман аймағында жану пайда болды. Қатты желдің салдарынан өрт жоғарғы өртке айналды.
Оқиға орнына келген орман шаруашылығының қызметкерлері өрт жақын маңдағы ауылдарға және 3 сауықтыру балалар лагеріне таралуы мүмкін екенін анықтады. Шұғыл түрде күштер мен құралдар тобы төтенше жағдай аймағына жіберілді.
Қауіпсіздік мақсатында тұрғындарды ауылдан, ал балаларды қызметкерлермен лагерлерден эвакуациялау ұйымдастырылды.
Өртті сөндіру басшылары жергілікті штабты ұйымдастырады және өртті жою бойынша учаскелерді анықтайды.
Отпен күрес автоцистерналардың, аспалы орман өрт сөндіргіштерінің, сабалағыштардың көмегімен жүргізіледі. Өрттің таралуынан қорғайтын минералданған жолақтар салынады.
Қол жетпейтін жерлерде өртті сөндіру үшін жағдай күрделенген жағдайда авиаорманқорғаудың су шашатын құрылғысы бар тікұшағы дайындықта болады.
Отпен болған бұл қиын күресте, барлық тартылған күштер мен құралдардың үйлесімділігі мен күш-жігерінің арқасында шартты өрт жойылды.
ШҚО ТЖД бастығының орынбасары Серік Амангелдин атап өткендей: «Оқу-жаттығулар басқару алгоритмін пысықтау кезіндегі іс-қимылдарды және ТЖ-ға ден қою кезінде уәкілетті органдар мен ұйымдардың өзара іс-қимылын жетілдіруге көмектеседі. Жаттығуды өткізудің барлық шарттары нақты жағдайға жақын, бұл азаматтық қорғау қызметтерінің елді мекендерге өрттің таралу қаупін ескере отырып, орман өртінің пайда болуына дайындығын бағалауға мүмкіндік береді».
Қазіргі уақытта Шығыс Қазақстанда өрттің алдын алу мақсатында профилактикалық рейдтер жүргізетін арнайы құрылған мобильді топтар жұмыс істейді. Жану ошақтарын анықтау үшін тұрақты негізде авиациямен патрульдеу жүргізіледі.
ШҚО ТЖД баспасөз қызметі
Ұлытау облысы Ұлытау ауданында оқу-жаттығу шеңберінде барлық өңірлерде 5 іс-шаралар кешені өткізілді. Оқу-жаттығуды үйлестіру және жетекшілік ету жөніндегі облыстық штаб Жезқазған қаласында орналасқан.
Оқу-жаттығу шеңберінде екі күн бойы барлық өңірлерде іс-шаралар кешені өткізілді: табиғи және дала өрттерінің алдын алу, арнайы-тактикалық оқу-жаттығулар және авариялық жағдайлар бойынша жаттығулар, эвакуациялық іс-шаралар, хабарландыру жүйесін тексеру, халықты уақытша орналастыру пункттерінің дайындығын тексеру және т.б.
Оқу-жаттығу шарттары бойынша ауа райының күрт ысуынан және Ұлытау ауданы Ұлттық табиғи паркі аумағының демалушы туристердің өрт қауіпсіздігі ережелерін сақтамау салдарынан өрт шығып, өрт ары қарай орман белдеуіне тарай бастады. Қатты желдің салдарынан өрттің елді мекенге таралып, оқиға орнына Ұлттық табиғи паркінің қызметкерлері, өрт сөндіру қызметінің күш құралдары келеді. Өрттің таралу қаупі туындағаннан ТЖД қызметкерлері өртті сөндіруге келеді. Оқиға орнынан жоғалған туристі іздестіруге Ұлытау ауданы жастар ресурстық орталығының волонтерлары іздестірді. ТЖД қызметкерлері ұшқышсыз ұшу аппаратын (дрон) ұшырып жоғалған туристардың тұрған жерлерін анықтап координаттарын еріктілер мен полиция қызметкерлеріне рация арқылы ақпарат жолданды және жоғалған адамдарды эвакуациялап, психологиялық көмек көрсетіліп қабылдау пунктеріне орналастырылды. Қатты жел салдарынан өрт орманға тез тарап, жақын маңда орналасқан Сералы қыстағының тұрғындарына эвакуациялау және үй жануарларын қауіпсіз жерге айдау жұмыстарын жүргізілді. Өрт сөндіру бөлімшелері барлау жүргізеді, жедел штаб құрады және бірлескен әрекеттердің нәтижесінде өртті толығымен жояды.
Төтенше жағдайларды жоюға Ұлытау ауданы азаматтық қорғау құрылымдарының және Ұлытау облысы ТЖД 32 бірлік техникасы және 138 жеке құрамы жұмылдырылды.
Ұлытау облысы ТЖД баспасөз қызметі
Петропавл қаласының Заречный кенті мен Подгора шағын ауданында қуатты су сору техникасын пайдалана отырып, 41 жеке тұрғын үй мен 83 аула аумағынан су сору жұмыстары жалғастырылуда. Өткен тәулікте 193 800 текше метр су сорылды.
Өткен тәулікте Атырау облысының Құлсары қаласында 55 722 текше метр су сорылды, 22 670 қапшық және 380 инертті материал төселді. Жайық өзенінің су деңгейіне мониторинг, Махамбет ауданы Талдыкөл ауылының айналасында үйінді бөгет салу жұмыстары аяқталды. Елтай, Көктоғай, Есбол, Өрлік ауылдық округтерінен Индер ауданының орталығына қатынайтын тас жолды су басып кетуіне байланысты, құтқарушылар аудан тұрғындарын қайық арқылы тасымалдауда. Кезекшілік ұйымдастырылып, тұрғындарды тасымалдау тәулік бойы жүзеге асырылатын болады.
Ақтөбе облысы Ырғыз ауданының Құйлыс және Жайсаңбай ауылдарында бөгеттерді нығайту жұмыстары жалғастырылуда. Өткен тәулікте 5 320 қапшық пен 564 тонна инертті материал төселді.
Республика бойынша 61 151 адам өз үйлеріне оралды. 5 360 адам уақытша орналасу пункттерінде қалуда. 21,1 млн еріген қар суы сорлып, 11 270 жеке тұрғын үй мен 3 539 аула аумағынан судың бағыты бұрылды. 7,9 млн артық қапшық және 1,5 млн тонна инертті материал төселді.
Авариялық-құтқару және су тасқынына қарсы жұмыстарға 5 893 адам, 948 техника, 344 су сору құралы және 66 жүзу құралы, 6 әуе кемесі жұмылдырылды.
Облыста жаз мезгілі келіп жетпей-ақ ыстық күндер басталады. Адамдар аптап ыстықтан демалуға, салқын суға шомылуға болатын жерлерге демалуға тырысады. Дегенмен, өздеріңіз білетіндей, су да қауіп төндіреді. Сондықтан әркім қауіпсіздік шараларын сақтауы және әртүрлі күтпеген жағдайларға дайын болуы керек.
Осыған байланысты, профилактика мақсатында ТЖД қызметкерлері судағы қауіпсіздік ережелерін сақтау бойынша халық арасында рейдтік және түсіндіру іс-шараларын жүргізуде. Өрт сөндірушілер мен құтқарушылар, сондай-ақ Азаматтық қорғаныс басқармасының офицерлері тұрғындар мен балық аулауды жақсы көретін кісілерге шомылу және балық аулау кезіндегі мінез-құлықтың негізгі ережелерін түсіндіріп, әңгімелер жүргізеді және жадынамалар таратуда. Осындай іс-шаралар облыстың барлық аудандарында өткізіледі.
Жамбыл облысы ТЖД баспасөз қызметі