2025 жылғы 25 қыркүйекте Атырау облысында 4 сайлау округінде (Жылыой ауданында – 2, Индер ауданында – 1, Мақат ауданында – 1) болатын мәслихаттардың шығып қалған депутаттарының орнына сайлауда кандидаттарды ұсыну аяқталды.
Сайлау науқанының барысында барлығы 16 кандидат ұсынылды. Оның ішінде 4-уі саяси партиялардан, 12-і өзін-өзі ұсыну тәртібімен.
Ұсынылған кандидаттардың ішінде 13 ер адам және 3 әйел адам бар.
6 кандидат Қазақстан Республикасы саяси партияларының мүшесі болып табылады, 10–ы саяси партияға қатыстылығы туралы ақпарат көрсетпеген.
Орташа жас - 37 жасты құрайды.
Кандидаттардың 2-уі арнаулы орта, 14-і жоғары білімді.
Кандидаттардың 1-уі мемлекеттік мекемеде, 7-уі бюджеттік мекемелерде, 8-і коммерциялық құрылымдарда жұмыс жасайды.
2025 жылғы 25 қыркүйектегі жағдай бойынша округтік сайлау комиссиялары 6 кандидатты тіркеді.
Индер аудандық мәслихатының сайлауы бойынша №3 бірмандаттық аумақтық сайлау округінде 2 кандидат тіркеу мерзімі аяқталғанға дейін өз өтінішімен кандидатурасын алып тастады.
Тіркеудің аяқталу мерзімі - а.ж. 30 қыркүйек сағат 18:00-де.
Тіркеу аяқталған сәттен бастап кандидаттар сайлау алдындағы үгітке кіріседі, ол 25 қазан күнгі сағат 00:00-ге дейін жалғасады.
Сілтемелер