Атырау облысы Индер аудандық мәслихатының шығып қалған
депутатының орнына кандидаттарды ұсыну қорытындылары мен тіркеу барысы туралы
2025 жылғы 25 қыркүйекте Атырау облысы Индер ауданында №3 бірмандаттық аумақтық сайлау округі бойынша мәслихаттың шығып қалған депутатының орнына сайлауда кандидаттарды ұсыну аяқталды.
Сайлау науқанының барысында барлығы 6 кандидат ұсынылды. Оның ішінде 2-уі саяси партиядан, 4-уі өзін-өзі ұсыну тәртібімен.
Ұсынылған кандидаттардың барлығы ер адамдар.
2 - кандидат Қазақстан Республикасы саяси партияларының мүшесі болып табылады, 4–уі саяси партияға қатыстылығы туралы ақпарат көрсетпеген.
Орташа жас - 36 жасты құрайды.
Кандидаттардың 4–уі жоғары, 2-уі арнаулы орта білімді.
Кандидаттардың 2-уі бюджеттік мекемелерде, 4-уі коммерциялық құрылымдарда жұмыс жасайды.
2025 жылғы 25 қыркүйектегі жағдай бойынша округтік сайлау комиссиясы 2 кандидатты тіркеді.
№3 бірмандаттық аумақтық сайлау округінде 2 кандидат тіркеу мерзімі аяқталғанға дейін өз өтінішімен кандидатурасын алып тастады.
Тіркеудің аяқталу мерзімі - а.ж. 30 қыркүйек сағат 18:00-де.
Тіркеу аяқталған сәттен бастап кандидаттар сайлау алдындағы үгітке кіріседі, ол 25 қазан күнгі сағат 00:00-ге дейін жалғасады.