Меню
«Қаржы нарығы мен қаржы ұйымдарын мемлекеттік реттеу, бақылау және қадағалау туралы» заңға сәйкес Агенттіктің негізгі міндеттерінің бірі қаржылық қызметтерді тұтынушылардың мүдделерін қорғаудың тиісті деңгейін, тұтынушылар үшін қаржы ұйымдарының қызметі және олар көрсететін қаржылық қызметтер туралы ақпараттың толықтығын және қолжетімділігін қамтамасыз ету, сондай-ақ халықтың қаржылық сауаттылығы мен қаржылық қолжетімділігі деңгейін арттыру болып табылады.
Осы бағыт шеңберінде:
- реактивті бағыт – шағымдар мен өтініштерді қарау, қарау нәтижелері бойынша шаралар, санкциялар қолдану;
- қызметтің алдын алу бағыты – қаржылық қызметтерді тұтынушылардың мүдделеріне зиян келтіруі мүмкін қаржы нарығының практикалары мен процестерін анықтау, оларды жою үшін тиісті жүйелі және заңнамалық шаралар қабылдау іске асырылады.
Бұдан басқа, алдын ала іс-әрекетті қадағалау іс-шараларының кешені іске асырылуда, ол қаржы ұйымдарының қауымдастықтарымен: Қазақстан қаржыгерлерінің қауымдастығымен, Қазақстанның микроқаржы ұйымдарының қауымдастығымен, «ФинТех» қазақстандық қауымдастығымен және басқа да кәсіби қоғамдастықтармен ынтымақтастықты қамтиды. Аталған өзара іс-қимылдың мақсаты – анықталған проблемаларды талқылау және оларды шешу тетіктерін әзірлеу.
Қорғаудың тиімді жүйесі құқық қолдану практикасының пәрменді шаралары және тұтынушылық тәуекелдерді барынша азайтуға бағытталған алдын алу шаралары жүйесі негізінде құрылады. Бұл үшін тұтынушыларға құқықтық білім беру, ақылға қонымды тұтыну дағдыларын үйрету, ақпараттандыру және консультация беру жүргізіледі.
Қаржылық қызметтерді тұтынушылардың ұтымсыз іс-әрекеттерімен байланысты проблемаларды шешуге тұтынушылардың қаржылық сауаттылығын және хабардарлығын арттыру, оларда тұтынудың ұтымды модельдерін қалыптастыру жөніндегі іс-шаралар бағытталған.
Агенттігінің Қоғамдық қабылдау бөлмесінде консультациялар беру регламенті
Қаржылық қызметтері тұтынушылармен жұмыс
Тұтынушылар назарына!
Омбудсмандар
Ипотекалық тұрғын үй қарыздарын/ипотекалық қарыздарды қайта қаржыландыру бағдарламасы:
Коллекторлық агенттікте шоттарды «бұғаттау» құқығы жоқ. Борышкерлердің банк шоттарына шектеулерді жеке сот орындаушылары атқарушылық іс жүргізу шеңберінде немесе банк егер мұндай шартта көзделген жағдайда, төлем талаптарын ұсыну арқылы ұсынуы мүмкін.
1. Әкелген клиенттер үшін сыйақы
Егер сізге компанияға әкелген әрбір клиент үшін қосымша ақы төлеуге уәде берілсе, бұл ақшаны салмау үшін және барлық таныстарды осындай тәуекелді іс-шарадан бас тартқызу үшін жеткілікті негіз болып табылады.
2. Нарықтық деңгейден бірнеше рет асып түсетін жоғары кірістілікке кепілдік беру
Түрлі «инвесткомпаниялар» кірістілікке кепілдік бере алмайды, бұған заңнамалық тұрғыдан тыйым салынған. Егер біреу кепілдік берсе, ол - алаяқ деген сөз. Басқаша болмайды!
3. Қажетті лицензиялардың болмауы
Компания ақшалай салымдарды халықтан тартады немесе қор нарықтарына инвестициялауды ұсынады, бірақ оның қолында лицензиясы жоқ, бұл ретте онымен байланысу керегінің бар-жоғы жөнінде мықтап ойланыңыз. Мұндай ұйымдар ҚР Қаржы нарығын реттеу және дамыту агенттігінің бақылауында емес, яғни сіздің құқықтарыңыз бен мүдделеріңізді ешкім қорғай алмайды.
4. Кіру жарнасының болуы: ресімдеуге, оқытуға, акциялар және т.б. үшін
Әдетте, бұл жарна пирамиданы ұйымдастырушылардың негізгі кірісі болып табылады, сондай-ақ қаржы пирамидасына тән айқын белгі.
5. Меншікті негізгі құралдардың, басқа да қымбат активтердің болмауы
Компанияның қолда бар мүлкі мен активтерін нәтиже ойдағыдай болып шықпаған жағдайда сатуға және салынған ақшаны ішінара қайтаруға болады. Ал қаржы пирамидаларында мұндай активтер болмайды.
6. Ұйым қызметінің нақты анықтамасының болмауы
Пирамидаларда салымшылардың өздігінен басқа клиенттері жоқ. Сізге өнім берушілерді, мысалы, басқа бизнес-серіктестерді ешқашан көрсетпейді.
Егер компания кез-келген сылтаумен ақпарат беру, тіпті құжаттармен танысу мүмкіндігінен бас тартса, инвестицияланған ақшаны алу одан да қиын болатыны айдан анық.
7. Төлемдер тек қолма-қол ақшамен қабылданады
Егер компания осылай жасаса, онда бұл ұйымға сенбеуге барлық негіз бар, өйткені ол ақша қозғалысының бақылануынан барынша қашады.
8. «Шартқа» ойланбай қол қоюды ұсынады
Асығыс шешім қабылдамаңыз! Шарттың үлгісін қолға беруді сұрап, онымен үйде асықпай танысып шығыңыз. Егер оның жекелеген ережелері қиындық тудырса, маманмен кеңесуге тырысыңыз. Берілген ақшаның орнына Сізде қандай құжат қалатынын қараңыз. Оның заңды күші бар ма?
Қаржы пирамидасын қалай тануға болатындығы туралы қосымша ақпаратты мына жерден қараңыз
Берешек коллекторлық агенттікте сотқа дейін өндіріп алуда және реттеуде болған кезеңде банктің/ микроқаржылық қызметті жүзеге асыратын ұйымның мыналарды талап етуге құқығы жоқ
- берешек коллекторлық агенттікте жұмыста болған кезеңде қарызды берумен және оған қызмет көрсетумен байланысты сыйақыны, комиссияларды және өзге де төлемдерді төлеуді
- негізгі борышты және сыйақыны уақтылы өтемегені үшін көрсетілген кезеңге тұрақсыздық айыбын (айыппұлды, өсімпұлды) есептеуге