Алматы қаласының қала құрылысын бақылау басқармасы сот шешімі бойынша көлік жуу объектісін бұзудың басталғаны туралы хабарлайды.
Бұрын бұл нысады Қалқаман ш/а-да, Төле би көшесі (Машана), 308/54 үй, рұқсат құжаттары болмаса да меншік иесі (жеке тұлға) тұрғызған.
Басқарма Әуезов аудандық сотына нысанды бұзу жөнінде талап арыз берді.
2024 жылғы 11 қаңтарда Әуезов аудандық сотының ұйғарымымен талап қанағаттандырылды.
2024 жылғы 24 сәуір Алматы қалалық сотының қаулысымен
бірінші сатыдағы шешім өзгеріссіз қалды.
Нысанды бұзу Әділет департаменті сот орындаушыларының көмегімен басталды.
Естеріңізге сала кетейік, Алматы әкімі Ерболат Досаевтың заңсыз құрылысқа бақылауды күшейту жөніндегі тапсырмасы аясында өткен жылдың басынан бері 46 заңсыз нысан, оның ішінде «Мечта», «KНАn», «Алма Гарден» тұрғын үй кешендері және басқалары толығымен немесе ішінара бұзылған болатын.
Жөндеу жұмыстарын жүргізуге байланысты Керей-Жәнібек хандары көшесінде қозғалысқа уақытша шектеулер енгізіледі.
Мәселен, 23:00-ден 27 және 28 Тамызда 06: 00-ге дейін қозғалыс «Ақбұлақ» бұлағынан селден қорғау құрылымдары мен «Экопост» аялдамасына дейінгі учаскеде жабылады.
Жабылатын учаскенің ұзындығы-2,4 км. Айта кету керек, осы көшенің тағы 2 шақырымын жөндеу жоспарланған. Кейін жабылатын жол учаскелерінің күндері мен уақыты туралы қосымша хабарланатын болады
Жөнделетін учаскеде ескерту белгілері, мердігер ұйым басшысының байланыс ақпараты бар стендтер қойылады.
Естеріңізге сала кетейік, қозғалыстарды шектеуге қатысты барлық ақпарат Almaty.kz сайтында, @AlmatyJoly Telegram-арнасында, аудандық әкімдіктер мен басқармалардың әлеуметтік желілерінде, сондай-ақ 2gis және «Яндекс карталар» сервистерінде орналастырылған.
Алматыда қала көшелері мен жолдарды орташа жөндеу жұмыстары жалғасып келеді. Қазір 95 көше жөнделіп, тағы 100-ден астам көшеге жұмыстар жүргізілуде. Биыл 250 шақырым болатын 274 көше орташа жөндеуден өтті. Осылайша, жақсы және қанағаттанарлық жағдайдағы жолдың үлесін 92%-ға дейін жеткізу жоспарланған.
Мысалы, өткен демалыс күндері үш магистральды көшенің бір бөлігі мерзімінде жөнделіп, көлік қозғалысы толық ашылды.
Бұл Рысқұлов көшесімен қиылысатын жолайырықтан Халиуллин көшесімен қиылысатын жолайырыққа дейінгі Құлжа тас жолының бөлігі. Тағы бір көше – Райымбек даңғылынан Төле би көшесіне дейінгі Тұрғыт Өзал көшесінің бөлігі. Сондай-ақ, Жандосов көшесінің Яссауи көшесінен Саин көшесіне дейінгі учаскесіне жөндеу жұмыстары жүргізілді.
Айта кету керек, 20 магистральды көшенің жөндеу жұмыстарында жол төсемінің беріктігін арттыруға бағытталған полимерасфальтбетон қолданылды. Жол таңбалары материалдарын өндіруші зауыттың талабына сәйкес, жөнделген учаскелерге жол таңбасы 15-20 күннен кейін сызылады.
Естеріңізге сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram арнасында, аудандық әкімдіктер мен басқармалардың әлеуметтік желілерінде, сондай-ақ 2GIS пен «Яндекс карталар» сервистерінде жазылған.
Әуезов ауданында 14 жылдан бері жөндеу көрмеген 23 ауланы күрделі жөндеу жобасы жүзеге асырылуда.
Жаңартылған алаңдарда балаларға, ойынға, футболға және workout аймақтарына арналған орындар қарастырылған. Күрделі жөндеу аясында асфальт төсемі, тротуарлар мен жиектастарды жаңартылады.
Бүгінгі таңда құрылыс-монтаждау жұмыстары 18 аулада аяқталды. Онда ескірген жабдықтар алынып, аумақ асфальтталып, жиектастар жаңартылып, шағын сәулет пішіндері мен спорт алаңдарына орындар дайындалды, орындықтар, қоқыс жәшіктері және футбол алаңдарының қоршаулары орнатылады деп күтілуде. Жобаны осы жылдың 10 желтоқсанына дейін аяқтау жоспарланған.
Жоба аясында мына мекенжайдағы аулалар жөнделеді:
1. Ақсай-1 шағын ауданы, 11/1 үйі
2. Ақсай-2 шағын ауданы, 61 үйі
3. Ақсай-3 шағын ауданы, 22 үйі
4. Ақсай-4 шағын ауданы, 121 үйі
5. Ақсай-4 шағын ауданы, 122, 123 үйлері
6. Ақсай-4 шағын ауданы, 83 үйі
7. Ақсай-5 шағын ауданы, 18 үйі
8. Ықылас шағын ауданы, 1, 5, 7 үйлері
9. Ықылас шағын ауданы, 2, 6 үйлері
10. Ықылас шағын ауданы, 1А, 3А, 3 үйлері
11. Ықылас шағын ауданы, 6А, 8 үйлері
12. Шабыт шағын ауданы, 1, 2 үйлері
13. Солнечный проезд көшесі, 1, 1Б, 1В үйлері
14. Жандосов көшесі, 59/1 үйі
15. Жандосов көшесі, 59Б, 59В, 57А үйлері
16. Жандосов көшесі, 57 үйі
17. 3 шағын ауданы, 19/1 үйі
18. 5 шағын ауданы, 22, 23 үйлері
19. Мамыр-2 шағын ауданы, 8 үйі
20. Тастақ-1 шағын ауданы, 1/1Б үйі
21. Саин көшесі, 26/2 үйі
22. Саин көшесі, 8 үйі
23. Райымбек даңғылы, 502А үйі
Алматының Алатау және Наурызбай аудандарының тұрғындарын орталықтандырылған сумен қамтамасыз ету үшін ұзындығы 34 км батыс коллекторы салынады. Бұл туралы қалалық энергетика және сумен жабдықтау басқармасы хабарлады.
8 шағын ауданда коллектордың болмауына байланысты 2017-2023 жылдары салынған 122,3 км кәріз желілері істен шыққан.
Бұл мәселені шешу үшін батыс коллекторының құрылысы бойынша жобалау-сметалық құжаттаманы әзірлеу басталды, ол Алматының Наурызбай және Алатау аудандарының 130 мың тұрғынына, сондай-ақ Алматы облысының Қарасай ауданының 20 мың тұрғынына орталықтандырылған кәріз жүйесіне қосылуға мүмкіндік береді.
Құрылыс-монтаж жұмыстары 2024 жылдың қарашасында басталып, 2026 жылдың қарашасында аяқталады.
2024 жылы тамыздың басында Алматының Әуезов ауданында Абай даңғылымен Саин көшесінен батыс бағытта 1991 жылдан бері пайдаланылып келе жатқан құбыр ауыстырылды. Жаңарған аумақтың ұзындығы 1838 метр.
Бұл құбыр 406 көппәтерлі тұрғын үйді, 105 жеке тұрғын үйді, 4 балабақшаны, 1 денсаулық сақтау нысанын және 6 өзге де нысанды жылумен және ыстық сумен қамтамасыз етеді. Реконструкция кезінде көрсетілген аумақтағы тұтынушыларға ыстық су беру тоқтатылған жоқ.
Барлық жұмыс мерзімінде аяқталды, аталған учаскедегі автокөлік қозғалысы қалпына келтірілді.
Жалпы, қалада биыл 20 км жылу желілерін қайта жаңарту жоспарланып отыр. Алматының 6 ауданында жылуаралық кезеңге жоспарланған қайта жаңарту бекітілген кестеге сәйкес жүргізіледі. Оның негізгі бөлігі аяқталып келеді.
Естеріңізге сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram арнасында, аудандық әкімдіктер мен басқармалардың әлеуметтік желілерінде, сондай-ақ 2GIS пен «Яндекс карталар» сервистерінде жазылған.
Өзгерістер « Тарифті инвестицияға айырбастау » бағдарламасы аясында жүзеге асырылуда және желілер мен негізгі жабдықтардың тозуы жоғары деңгейде және инженерлік инфрақұрылымды жаңғырту қажеттілігімен байланысты.
ҚР Ұлттық экономика министрлігінің Табиғи монополияларды реттеу комитетінің Алматы қаласы бойынша департаментінің басшысы Әсел Бөденееваның мәлімдегендей, жүргізілген талдау нәтижелері бойынша 2024 жылға келесі субъектілер бойынша шешімдер қабылданды:
- «Алатау Жарық Компаниясы» АҚ электр энергиясын беру қызметтерінің тарифі 2,53 теңгеге ұлғайды, яғни 8,87 теңге/ кВтсағ 11,4 теңге/кВтсағ ҚҚС-сыз дейін.
- ШЖҚ «Алматы Су» МКК сумен жабдықтау қызметтерінің тарифі орташа тарифі 99,41-ден 107,05 теңгеге дейін ұлғайтылды;
- халық үшін тарифтің өсуі 11,78 теңгені құрады, яғни 54,22 теңге/м3-тен 66,00 теңге/м3-ке ҚҚС-сыз дейін ұлғайды;
- басқа да тұтынушылар үшін қолданыстағы 282,06 теңге/м3 тарифтен 339,28 теңге/м3 ҚҚС-сыз тарифке дейін ұлғайды;
- бюджеттік ұйымдар үшін қолданыстағы 182,19 теңгеден ҚҚС-сыз тарифтен, 201,82 теңге/м3 ҚҚС-сыз тарифке дейін ұлғайды;
Су бұру бойынша орташа тарифі 5 теңгеге ұлғайды, яғни 53,27 теңге/м3-тен 58,13 теңге/м3-ке ҚҚС-сыз дейін:
- халық үшін тариф 12 теңгеге өсті, яғни 29,23 теңге/м3-тен 40,95 теңге/м3-ке дейін ҚҚС-сыз;
- басқа тұтынушылар үшін қолданыстағы 120,46 теңге/м3 тарифтен 134 теңге/м3 ҚҚС-сыз тарифке ұлғайды;
- бюджеттік ұйымдар үшін тариф 79,79 теңге/м3 ҚҚС-сыз мөлшерінде, қолданыстағы тариф деңгейінде қалдырылды.
Сонымен қатар, жеке тұлғаларды ресурс үнемдеуге ынталандыру мақсатында сумен жабдықтаудың реттеліп көрсетілетін қызметтеріне бірінші топтың тарифі тұтынушылардың мынадай кіші топтары бойынша сараланады:
1 кіші топ- реттеліп көрсетілетін қызметтерді тұтынатын халық санатына жататын жеке тұлғалар 1 адамға айына 3 м3 дейін -66 теңге (орташа);
2 кіші топ – реттеліп көрсетілетін қызметтерді тұтынатын халық санатына жататын жеке тұлғалар 1 адамға айына 3 м3-тен 5 м3-ке дейін - 79,21 теңге;
3 кіші топ – реттеліп көрсетілетін қызметтерді тұтынатын халық санатына жататын жеке тұлғалар 1 адамға айына 5 м3-тен 10 м3-ке дейін – 99,01 теңге;
4 кіші топ- реттеліп көрсетілетін қызметтерді тұтынатын халық санатына жататын жеке тұлғалар және суды есепке алудың жеке аспаптары жоқ жеке тұлғалар 1 адамға айына 10 м3 астам – 132,01 теңге.
«Алматы жылу жүйесі» ЖШС жылу энергиясын беру, бөлу және жабдықтау қызметтерінің орташа тарифі 9 725,53 тенге/Гкал-дан ҚҚС-сыз 10 484,38 теңге/Гкал-ға дейін өсті, жалпы өсім 759 теңгені немесе 8%-ды құрады;
- халық үшін орташа тариф 7 194,77 теңге/Гкал-дан ҚҚС-сыз 7 654 теңге/Гкал-ға ҚҚС-сыз дейін өсті;
- жылу энергиясын есептеу аспаптары бар халық үшін тариф 1 183 теңгеге ұлғайды, яғни 6 329,79 теңге/Гкал-дан 7 512,36 теңге/Гкал-ға ҚҚС-сыз дейін;
- жылу энергиясын есептеу аспаптары жоқ халық үшін тариф 335 теңгеге ұлғайды, яғни 8 849,57 теңге/Гкал-дан 9 184,32 теңге/Гкал-ға ҚҚС-сыз дейін.
Сонымен қатар, жалпы ауданның мөлшерін ескере отырып, жылу энергиясын тұтынудың әлеуметтік лимиттерін белгілеу шеңберінде бірінші топтың тұтынушылары халық санатына жататын жеке тұлғалар кіші топтарға бөлінеді. Осылайша, тарифтерді саралау 1 Абонентке шаққандағы тұрғын үй алаңының көлемі бойынша жүзеге асырылады.
1-Топ – 100 шаршы метрге дейін – 7 653,60 теңге;
2-Топ - 100-ден 200 шаршы метрге дейін-8 418,96 теңге;
3-Топ - 200 шаршы метрден жоғары-10 484,38 теңге.
Қаланың Энергетика және сумен жабдықтау басқармасы басшысының орынбасары Нұрбақыт Серікбай хабарлағандай, 2025 жылы Алматыда кем дегенде 104 км сумен жабдықтау желісін, 73 км су бұру желісін, 39 км жылумен жабдықтау және 120 км электрмен жабдықтау желісін жаңарту жоспарланған. Бұл жыл сайын сумен жабдықтау мен жылумен жабдықтаудың тозу деңгейін 3%, ал қалған инженерлік желілерді 1,2% төмендетуге мүмкіндік береді.
«Бүгінде жөндеу жұмыстары қолданыстағы тарифпен қарастырылған көлеммен жүргізілуде. Алайда ағымдағы жөндеу шығындары инженерлік желілердің тозуы мен апат деңгейін төмендете алмайды», - деді ол.
2024 жылы Алматыда инженерлік желілер орта есеппен 50% тозған. Тарифтердің өсуі желілер мен жабдықтарды біртіндеп жаңартуға мүмкіндік береді, бұл апатты азайтып, қызмет сапасын жақсартады.
Әкімдік халықтың әлеуметтік осал санаттарына коммуналдық қызмет тарифі үшін өтемақы төлеуді жалғастырады.
Қаланың Жұмыспен қамту және әлеуметтік бағдарламалар басқармасының басшысы Бауыржан Жаубасов 2023 жылы шілдеден бастап қала әкімінің бастамасымен 9 санаттағы азаматтар үшін ТКШ қызметтерінің қымбаттауын өтеуге бағытталған жоба іске қосылғанын атады. Бір жыл ішінде 5,7 млрд теңге сомасына 140 мыңнан астам азамат 0,8 АЕК мөлшерінде ай сайынғы әлеуметтік төлем алды.
«Алдағы уақытта коммуналдық қызмет бағасының өсуіне байланысты Алматы қаласы әкімінің тапсырмасымен азаматтардың 9 санатына өтемақы төлеу жалғасады», - деді Б.Жаубасов.
Алматы мәслихаты шешімінің тиісті жобасы келісімде жатыр, ол қыркүйекте бекітуге енгізіледі. Бұл ережелер 2025 жылы 1 сәуіріне дейін қолданылады.
Бүгінде Алматыда аталған санаттарға жататын 332 885 азамат тұрады. Әлеуметтік төлемді алу үшін Алматыда тұрақты тіркелуі және тұрғылықты тіркеуі болуы керек, аудандық жұмыспен қамту және әлеуметтік бағдарламалар бөлімдеріне өтініш беріп, сондай-ақ жеке куәлік ұсынуы қажет. Көмекті рәсімдегендер үшін қайта өтініш қажет емес.
Жандосов көшесінің бір бөлігіне орташа жөндеу жүргізуге байланысты көлік қозғалысына уақытша шектеу енгізіледі.
24 тамыз сағат 23:00-ден 26 тамыз сағат 07:00-ге дейін Яссауи көшесінен Шәймерденов көшесіне дейінгі аумақта қозғалыс жабылады.
Бұл аумақты шығыс бағытта Яссауи және Шаляпин көшелері арқылы, ал батыс бағытта Шәймерденов, Бекет Ата Мырзағұлұлы, 7-ші желі көшелері арқылы айналып өтуге болады.
Ал 25 тамыз сағат 23:00-ден 27 тамыз сағат 07:00-ге дейін Шәймерденов көшесінен Саин көшесіне дейінгі аумақта көлік қозғалысы шектеледі.
Аталған аумақты шығыс бағытта Шәймерденов, Бекет Ата Мырзағұлұлы, Мусин көшелері, ал батыс бағытта Саин, Шаляпин, Яссауи көшелері арқылы айналып өтуге болады.
Жөнделетін аумақта ескерту белгілері, мердігер ұйым басшысының байланыс нөмірі жазылған стендтер қойылады. Маршрутты алдын ала жоспарлауды сұраймыз.
Естеріңізге сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram арнасында, аудандық әкімдіктер мен басқармалардың әлеуметтік желілерінде, сондай-ақ 2GIS пен «Яндекс карталар» сервистерінде жазылған.
Алматы әкімдігі коммуналдық қызмет тарифінің қымбаттауына байланысты халықтың әлеуметтік осал санатына өтемақы төлеуді жалғастырады. Бұл туралы Жұмыспен қамту және әлеуметтік бағдарламалар басқармасының басшысы Бауыржан Жаубасов айтты.
«Коммуналдық инфрақұрылымның ескіруіне байланысты тарифті көтерудің қажеттілігі бар екенін түсінеміз, бірақ Алматы әкімдігі үшін халықтың әлеуметтік осал санаттарын қолдау әрқашан басты назарда», - деді Бауыржан Жаубасов ӨКҚ брифингінде.
Басқарма басшысы 2023 жылдың шілдесінен бастап қала әкімінің бастамасымен азаматтардың 9 осал санаты үшін өтемақы төлемі есебінен ТКШ қызметінің қымбаттауының салдарын теңестіруге бағытталған жобаның қолға алынғанын атады.
Бір жыл ішінде 0,8 АЕК мөлшерінде ай сайынғы әлеуметтік төлемді 5,7 млрд теңге сомасына 140 мыңнан астам ХӘОТ алды.
«Алдағы уақытта коммуналдық қызмет бағасының өсуіне байланысты Алматы қаласы әкімінің тапсырмасымен ХӘОТ 9 санатына жататын коммуналдық қызмет бағасының өсуіне байланысты әлеуметтік көмек төлеу жалғасады», - деді Жұмыспен қамту және әлеуметтік бағдарламалар басқармасының басшысы.
Алматы мәслихаты шешімінің тиісті жобасы қарастырыпы жатыр, биыл қыркүйекте бекітуге енгізіледі. Бұл ереже 2025 жылдың 1 сәуіріне дейін қолданылады.
Қазіргі таңда Алматыда осы санаттағы 332 885 адам тұрады. Әлеуметтік төлемді алу үшін аталған санатқа тұрақты тіркелуі және Алматыда тұрғылықты тіркеуі болуы, қала әкімдіктерінің жұмыспен қамту және әлеуметтік бағдарламалар бөлімдеріне өтініш беруі және сәйкестендіру үшін жеке куәлік ұсынуы қажет.
Көмектің бұл түрін рәсімдегендерге өтініш берудің қажеті жоқ.
Мемлекет басшысының Алматы өңірінде және Щучье-Бурабай курорттық аймағында туристік нысандарды дамыту туралы тапсырмасын іске асыру үшін Алматыда туризм саласындағы өңіраралық ынтымақтастық мәселесі бойынша кеңес өтті. Іс-шараға Алматы қаласының әкімі Ерболат Досаев, Ақмола облысының әкімі Марат Ахметжанов, Алматы облысы әкімінің орынбасары Рустам Исатаев, сондай-ақ туризм басқармаларының басшылары қатысты.
Алматы әкімі Ерболат Досаев атап өткендей, шаһардың экономикалық дамуы оның туристік тартымдылығының өсуімен тығыз байланысты. 2023 жылы Алматы ШЫҰ-ның мәдени және туристік астанасы болып танылды, бұл туристер санының 2022 жылмен салыстырғанда 12,6% көбеюіне әсер етті.
Өткен жылдың қорытындысы бойынша Алматыға 2 млн. астам адам келді, шетелдік туристер саны 29,5% өсті, бұл қаланың туристік бағыт ретіндегі жаһандық тартымдылығын растайды. Туризмді дамыту инфрақұрылымға салынған инвестиция арқылы жүзеге асады (биылғы 7 айда 54,6 млрд.теңге). Туризм саласынан түсетін салық түсімдері 32,4% өсіп, жарты жылда 40,6 млрд. теңгеге жетті.
Алматыда жыл сайын әлеуметтік-демографиялық сипаттамаларды, келу мақсаты мен қалада болу ұзақтығын қосқанда, мақсатты аудиторияны жақсы түсінуге көмектесетін «Туристің портреті» зерттеуі жүргізіледі. Шетелдік турист - көбінесе жалғыз саяхаттайтын 26-35 жастағы ер адам (40%). Келудегі негізгі мақсаты – мәдени іс-шараларға (48%) және экотуризмге (44%) уақыт өткізу (68%). Тұрудың орташа ұзақтығы 5 күн, орташа чек тәулігіне 334 доллар (160 320 теңге), бұл ішкі туристің орташа чегінен 8,7 есеге көп.
MasterCard-пен серіктестік негізгі үрдістерді бақылауға және туристік әлеуетті дамытуға мүмкіндік береді. Платформаның мәліметінше, Алматыда бірқатар көрсеткіш жақсарған. Туристердің қанағаттану индексі (GTPI) 2024 жылдың қаңтарынан шілдесіне дейін 6% өсіп, 71% болды. Шетелдік туристер климат (89%), туристік өнімдер (79%) және қонақ үйлер (52%) туралы жағымды пікір айтады. Туристің жеке сапарларына орташа шығыстары тәулігіне 165,4 доллар (79,4 мың теңге), бизнес-турист 425 доллар (204 мың теңге) жұмсайды, бұл Алматыда MICE-туризмді дамытудың маңыздылығын көрсетеді.
Щучье-Бурабай курорттық аймағы, Зеренді курорттық аймағы, «Бурабай», «Көкшетау», «Бұйратау» мемлекеттік ұлттық саябақтары және Қорғалжын қорығы сияқты бірегей табиғи нысандар орналасқан Ақмола облысы да туризмді дамытуға кіріскен.
Ақмола облысының әкімі Марат Ахметжановтың айтуынша, өңірде емдеу-сауықтыру, рекреациялық, экологиялық және аграрлық туризм орталықтары белсенді дамып келеді. 2023 жылдың және осы жылдың бірінші жартыжылдығының нәтижесі оң сипатқа ие: өңірге жалпы туристік ағын 6% өсіп, 1,3 млн.келушіге, оның ішінде 18,2 мың шетелдік туристке жетті, бұл өткен жылмен салыстырғанда 114% көп. Көрсетілген туристік қызмет көлемі 23% өсті, ал соңғы үш жылда туризм саласына салынған инвестиция екі есеге артып, 2023 жылы 27,8 млрд.теңгеге жетті. Өңірде инвестиция тарту және қолайлы инвестициялық ахуал жасау бойынша белсенді жұмыс жүргізіліп келеді, бұл Ақмола облысының туристік әлеуетінің тұрақты өсуі мен дамуын қамтамасыз етеді.
Алматы облысы әкімінің орынбасары Рустам Исатаев өңірде Қазақстанның туристік картасына енгізілген 33 аумақтың 9-ы шоғырланғанын атап өтті. «Бізде «Көлсай көлдері», «Шарын» және «Іле-Алатау» мемлекеттік ұлттық табиғи саябақтары сияқты бірегей табиғи нысандар бар. Туристер үшін инфрақұрылымды дамыту бойынша белсенді жұмыс істеп жатырмыз. Жаңа орналастыру нысандарын құрып жатырмыз. Биыл алғашқы 6 айда Алматы облысында шетелдік қонақтар саны 73 мыңнан асты - бұл өткен жылмен салыстырғанда екі есеге көп», - деді Рустам Исатаев.
Өткізілген маркетингтік зерттеулерді ескере отырып, Алматы әкімі Ерболат Досаев кеңеске қатысушыларға шетелдердің тәжірибесін пайдалана отырып, отбасылық және балалар пакеті бар бірегей туристік өнімдерді дамытуды ұсынды. Әуе компаниялармен, қонақ үй желісімен және жеңілдетілген қаржыландырумен бірлескен жобалар бойынша бастамалар да қолдау тапты. Кеңес қорытындысы бойынша тараптар бірыңғай туристік өнімдер құруды, халықаралық нарықтағы орнын нығайтуды, семинар өткізуді және өңірлерді дамыту үшін халықаралық көрмелерге қатысуды көздейтін серіктестік туралы меморандумға қол қойды.