«Газ және газбен жабдықтау туралы» Қазақстан Республикасы Заңының 28-бабының 5-тармағына сәйкес сұйытылған мұнай газын тұрмыстық баллондарда бөлшек саудада өткізуді тұрмыстық баллондардың жарамды техникалық жай-күйін қамтамасыз етуге міндетті газ толтыру станциялары мен газ толтыру пункттерінің иелері жүзеге асырады.
Алайда, «Газ және газбен жабдықтау туралы» Қазақстан Республикасы Заңының 28-бабының 7-тармағына сәйкес газ құю станцияларында тұрмыстық баллондарды сұйытылған мұнай газымен толтыруға тыйым салынады.
Сонымен қатар, «Әкімшілік құқық бұзушылық туралы» Кодекстің 170-бабының 3-тармағына сәйкес Осы баптың оныншы бөлігінде көзделген жағдайды қоспағанда, Қазақстан Республикасының газ және газбен жабдықтау туралы заңнамасында белгіленген тауарлық және (немесе) сұйытылған мұнай газын есепке алу және (немесе) өткізу тәртібін бұзу — шағын кәсіпкерлік субъектілеріне – жетпіс бес, орта кәсіпкерлік субъектілеріне – бір жүз елу, ірі кәсіпкерлік субъектілеріне жеті жүз айлық есептік көрсеткіш мөлшерінде айыппұл салуға алып келеді.