Заңдастыру үшін қандай құжаттар қажет?

Инструкция

Құжаттарды заңдастыруды жүзеге асыру үшін консулдық қызмет департаментіне немесе шет елдегі мекемеге мынадай құжаттар беріледі:

Жеке тұлға үшін:

1. еркін нысандағы өтініш;
2. жеке басын куәландыратын құжаттың (салыстырып тексеру үшін түпнұсқасы) немесе цифрлық құжаттама қызметінің электрондық құжатының көшірмесі;
3. заңдастыруға жататын құжат;
4. консулдық алымның төленгенiн растайтын құжат;
5. өкілеттікті растайтын құжаттың көшірмесі (салыстырып тексеру үшін түпнұсқасы) (заңды өкіл немесе заңдастырылатын құжат иесінің атынан сенімхат бойынша уәкілетті тұлға құжаттарды ұсынған кезде).

Заңды тұлға үшін:

1. еркін нысандағы өтініш;
2. уәкілетті тұлғаның жеке басын куәландыратын құжаттың көшірмесі (салыстырып тексеру үшін түпнұсқасы) немесе цифрлық құжаттама қызметінен электрондық құжат;
3. заңдастыруға жататын құжат;
4. консулдық алымның төленгенін растайтын құжаттың түпнұсқасы.
5. заңды тұлғаның мемлекеттік тіркелгенін (қайта тіркелгенін) растайтын «электрондық үкімет» ақпараттық жүйесінен алынған мәліметтер немесе заңды тұлғаның әрекет қабілеттілігін растайтын өзге де құжат (шетелдіктер үшін);
6. уәкілеттілікті растайтын құжаттың көшірмесі (салыстырып тексеру үшін түпнұсқасы) (заңды өкіл немесе заңдастырылатын құжат иесінің атынан сенімхат бойынша уәкілетті тұлға құжаттарды ұсынған кезде).

Дата обновления - 17.11.2023

Справочная информация