Баланы балабақша кезегіне қалай қою керек?Балабақша кезегін қалай бақылауға болады?Балабақша жолдамасын қалай алуға болады?Мектепке дейінгі білім беру ұйымдарына балаларды қабылдау

Баланы балабақшаға қалай орналастыру керек?

Введение

Ата-аналарға баланы балабақшаға беру уақыты келген кезде, оларға неден бастау керектігін, қайда баруға және қандай іс-қимылдар жасауға қажет екені туралы шынайы ақпараттар қажет болады.

Бала мемлекеттік балабақшаға бару үшін алдымен оны жалпы қалалық кезекке қою керек, оның келуін күту керек, кейін жолдама алу керек және қажетті құжаттарды жинап, балабақшаға қабылдау рәсімінен өту керек.

Бұл материалда біз баланы мемлекеттік балабақшаға орналастыру үшін іс-қимыл тәртібін сипаттаймыз.

 

Мектепке дейінгі білім беру ұйымдарына балаларды қабылдау

Балабақшаға тек топтардың негізгі жиынтығы жүргізілген кездегі жаз мезгілінде ғана емес, жыл бойы да тіркелуге болады.

Қабылдау үшін келесі құжаттармен балабақшаға бару қажет:

  1. Тіркелуге жолдама (берілген күннен бастап 5 жұмыс күні ішінде жарамды).
  2. Ата-анасының немесе заңды өкілдерінің бірінің жеке куәлігі.
  3. Баланың туу туралы куәлігі.
  4. Баланың денсаулық паспорты.
  5. Баланың денсаулық жағдайы туралы анықтама.
  6. Психологиялық-медициналық-педагогикалық консультацияның қорытындысы (ерекше білім беру қажеттіліктері бар балалар үшін).

Аталған құжаттар тізбесі барлық үлгідегі және түрдегі мектепке дейінгі ұйымдар үшін толық және жан-жақты болып табылады. Бұл мемлекеттік, жеке меншік балабақша болсын баланы қабылдау кезінде қандай да бір өзге құжаттарды талап етуге құқығы жоқ дегенді білдіреді

Баланы балабақша кезегіне қалай қою керек?

Қалаларда кезек баяу қозғалады және бірнеше жылдан кейін ғана келуі мүмкін, мысалға, бала балабақшаға баруына дайын болған сәтте.  Сондықтан, баланы балабақшаға оның тууын тіркегеннен кейін бірден кезекке қоюға ұсынамыз.

Мектепке дейінгі ұйымнан орын алу үшін мектепке дейінгі жастағы балаларды кезекке қою бойынша мемлекеттік көрсетілетін қызмет автоматтандырылды және тәулік бойы тұрақты негізде жұмыс істейді және жаңа бос орындардың пайда болуына қарай өтініш берушілер арасында бос орындарды бөлудің үздіксіз процесін жүзеге асырады.

Кезекке қою үшін келесі тәсілдермен өтініш беруге болады:

  • электрондық үкімет порталындағы онлайн-сервис арқылы;
  • Қажетті құжаттармен («Азаматтарға арналған үкімет» мемлекеттік корпорациясы» КЕАҚ) ХҚКО баруға;
  • қалалар мен аудандар әкімдіктерінің білім басқармалары мен бөлімдерінің сайттарында жарияланған порталдағы сілтемелері арқылы (мысалы, indigo24.kz, balabaqsha.snation.kz, balabaqsha.open-almaty.kz және т. б.).

Онлайн өтініш беру үшін жеке сервиске өту қажет:

{"id":5017,"source_id":3042,"title":"Баланы балабақшаға кезекке қою","service_code":"MNE","service_link":"https://egov.kz/cms/ru/services/037pass_mon"}

Өтінімде баланың ЖСН көрсету, қалаған балабақшаны белгілеу және ЭЦҚ көмегімен қол қою қажет. Кезек келген кезде, сізге таңдалған балабақшаға жолдамамен хабарлама келеді.

Шамамен осындай қағидат бойынша әкімдіктердің сервистері де жұмыс істейді.

Егер сіз ХҚКО арқылы өтініш беруді шешсеңіз, өзімен бірге келесі құжаттар болуы қажет:

  • баланың туу туралы куәлігі;
  • ата-анасының біреуінің жеке куәлігі;
  • бірінші кезекті немесе кезектен тыс орын түрінде жеңілдік алу үшін төмендегі құжаттардың бірі болуы керек (бар болғанда) :
    • әскери қызметшінің немесе арнаулы мемлекеттік органдар қызметкерінің жұмыс орнынан берілген, уәкілетті тұлғаның мөрімен және қолымен расталған анықтама (бар болғанда) (берілген күнінен бастап 1 ай ішінде жарамды);
    • білім беру ұйымы басшысының қолымен және мөрімен куәландырылған педагогтің жұмыс орнынан анықтама (берілген күннен бастап бір ай бойы жарамды), дипломның көшірмесі;
    • ерекше білім беру қажеттіліктері бар балаларға арналған психологиялық-медициналық-педагогикалық консультацияның қорытындысы;
    • дәрігер-фтизиатрдың қорытындысы;
    • мектепке дейінгі ұйымға бірінші кезектегі орын алу құқығын растайтын құжаттар.
{"id":4772,"source_id":3134,"title":"Кезекті брондау","service_code":"SR.06","service_link":"https://egov.kz/services/SR.06/"}

 

Балабақша кезегін қалай бақылауға болады?

Баланың балабақша кезегін онлайн бақылауға болады:

  • Электрондық үкімет порталындағы онлайн-сервис арқылы;
  • eGov Mobile мобильді қосымша арқылы;
  • Қалалар мен аудандар әкімдіктерінің білім басқармалары мен бөлімдерінің сайттарында жарияланған сілтеме бойынша сервистер арқылы.
{"id":17278,"source_id":3050,"title":"Балабақшаға кезек нөмірін қарау","service_code":"SR.02","service_link":"https://egov.kz/services/S001ChildPosition/#/declaration///"}

МДБМ-ге кезек қалай бөлінеді

Мектепке дейінгі ұйымдарға қабылдау үшін балалардың туған жылы бойынша елді мекенге (қала, ауыл, кент) тиесілігі бойынша және әрбір туған жылы үшін жеке қалыптасатын жалпы кезек бар.

Арнайы мектепке дейінгі ұйымдарға кезек елді мекеннің ішінде нақты мектепке дейінгі ұйымға балалардың туған жылы бойынша әрбір туған жылы үшін жеке қалыптастырылады.

Санаториялық мектепке дейінгі ұйымдарға кезек елді мекеннің ішінде нақты мектепке дейінгі ұйымға балалардың туған жылы бойынша әрбір туған жылы үшін жеке қалыптастырылады.

Өтініштер кезек бойынша берілген күні мен уақыты бойынша орналастырылады.

Егер сіз ерекше білім беру қажеттіліктері бар баланы тәрбиелеп отырсаңыз, растайтын құжаттар болған жағдайда оны бір уақытта бірнеше кезекке – жалпы кезекке, арнайы, санаториялық мектепке дейінгі ұйымдарға кезекке қоя аласыз.

Өтініш беру және кезекте тұру үшін баланың жасы ағымдағы оқу жылының 1 қыркүйегіндегі жағдай бойынша толық 6 жастан аспауы тиіс (психологиялық-медициналық-педагогикалық комиссияның тиісті қорытындысы бар ерекше білім берілуіне қажеттілігі бар балалардан және ағымдағы жылдың 1 қыркүйегіне әлі толық 6 жасқа толмаған балалардан басқа).

Кезек келгенде сіз бос орындары бар балабақшаны таңдайсыз.

Әрбір кезекте жеңілдік берілген адам бар, атап айтқанда кезектен тыс және бірінші кезектегі адамдар.

  • Кезектен тыс адамдар – әскери қызметшілер мен арнайы органдар қызметкерлерінің балалары;
  • Бірінші кезектегі адамдар – ұстаздардың балалары, көп балалы отбасылардың балалары, мүгедек ата-аналардың балалары, ата-анасының қамқорлығынсыз қалған балалар, жетім және ерекше қажеттіліктері бар балалар.

Кезектен тыс орын алу жөніндегі өтініштер бірінші кезекте орын алу өтініштерінің алдында орналастырылады.

Бірінші кезекте орын алу жөніндегі өтініштер жалпы негіздерде берілген өтініштер арасында "бір үшке" арақатынасында, яғни бірінші кезекте және жалпы негіздерде 3 өтініш берушіге, содан кейін қайтадан бірінші кезекте және жалпы негіздерде 3 өтініш берушіге және т.б. бөлінеді.

Кезек тек алға ғана емес, артқа да жылжи алады, яғни егер жеңілдігі бар адам кезекке тұрса, онда кезек артқа қарай жылжиды.

Бос орындарды бөлу тәртібі

Кезекті басқарудың автоматтандырылған жүйесі:

  • тәулік бойы жұмыс істейді және жаңа Бос орындар пайда болған кезде өтініш берушілер арасында бос орындарды бөлудің үздіксіз процесін жүзеге асырады;
  • кезекке қоюға өтінішті тіркейді (немесе тіркеуден бас тартады);
  • күн сайын мектепке дейінгі ұйымдардан жас тобын көрсете отырып, бос орындардың пайда болуы туралы ақпарат қабылдайды;
  • күн сайын сағат 18:00-де мамандандырылған интернет-ресурста босаған орындар Бюллетені жарияланады;
  • күн сайын таңертең сағат 07:00-де (жергілікті атқарушы органның уақытты өзгертуі мүмкін) тек алғашқы өтініш берушілер үшін (барлығы бір мезгілде) шектеулі мерзімге жолдама алуға рұқсат береді-3 жұмыс күні;
  • 3 күннен кейін, егер бос орын қалса, келесі 1000 өтініш беруші үшін қалған бос орындарға кіру мүмкіндігі ашылады.

Балабақша жолдамасын қалай алуға болады?

Баланы балабақшаға тіркеу үшін жолдаманың болуы қажет. Баланың кезегі келгеннен кейін, онлайн-сервистері арқылы Сізге балабақшаны таңдау қолжетімді болады, ұнаған балабақшада орын болған кезде, Сіз баланы қабылдау үшін жолдама аласыз.

Жолдаманың қолданылу мерзімі-5 жұмыс күні. Егер 5 күн ішінде жолдама балабақшаның электрондық жүйесінде тіркелмесе, ол мерзімі өткен болып есептеледі. Бұл жағдайда жолдаманың күші жойылады және 10 күнге тоқтату парағына орналастырылады. Стоп-парақта болған кезде сіз бос орындарды таратуға қатыса алмайсыз.

  • «Жолдама алу» командасын таңдау;
  • Баланың ЖСН көрсету керек және балабақшадағы тәрбие алатын тілді таңдау қажет, «Бос орындарды іздеу» бастырмасына басу керек;
  • Жүйе Сіздің балаңыздың жасы бойынша лайықты топтары бар барлық балабақшаларды көрсетеді;
  • Бос орындар тізімін оқып, қабылдау үшін балабақша мен топты таңдаңыз;
  • «Жолдаманы алу» батырмасын басыңыз;
  • «Таңдалған орын» блогында сіз таңдаған мектепке дейінгі мекеме туралы ақпарат бейнеленеді. Барлығы дұрыс екеніне көз жеткізіңіз;
  • «Өтініште көрсетілген телефон» алаңына өтініш берген кезде енгізген телефон нөмірін енгізу қажет;
  • Егер бәрі дұрыс жасалса, өтініште көрсетілген телефон нөміріне электрондық жолдаманы алғаны туралы хабарлама келеді.
  • ЭЦҚ көмегімен жеке кабинетке кіру қажет;
  • Авторизациядан өткеннен кейін бас мәзірден «Өтініштер журналы» бөлімін таңдау қажет Кезекке қою туралы өтінім баланы кезекке қоюға кім тікелей өтінім берген Өтініш берушіде ғана көрсетіледі;
  • Бұдан әрі, өтінішті ашу үшін өтініш жолына басу қажет;
  • МДБМ-да бос орындар тізімін көру үшін «Балабақшаны таңдау» бастырмасына басу қажет. «Мемлекеттік балабақшаны таңдау» батырмасы кезек келге нкезде немесе еркін таңдау орындары болған жағдайда бейнеленеді.
  • Бұдан әрі, қалқымалы хабарлама терезесі бейнеленеді. Бос орындар тізімін көру үшін «ОК» батырмасын басу қажет. Егер өтініш беруші балабақшаны таңдамаса және 3 жұмыс күні ішінде жолдаманы алмаса, осы орын топтың жылына сәйкес барлық кезекте тұрғандарға қолжетімді болады. Бұл ретте балабақшаны таңдамаған өтініш беруші осы кезекте қалады;
  • Келесі қадаммен ашылмалы тізімнен тиісті балабақшаны таңдау қажет;
  • Мектепке дейінгі ұйымды таңдағаннан кейін «Қол қою және жіберу» бастырмасына басу және ЭЦҚ сертификатын жүктеу қажет;
  • Бұдан әрі, өтініштер журналында «жалпы құжаттар» қосымша бетінде мемлекеттік мектепке дейінгі ұйымға қалыптастырылған жолдаманы қарауға және жүктеуге болады.