Баланы балабақша кезегіне қалай қою керек?

Кезекке қою үшін келесі тәсілдермен өтініш беруге болады:

• электрондық үкімет порталындағы онлайн-сервис арқылы;
• қалалар мен аудандар әкімдіктерінің білім басқармалары мен бөлімдерінің сайттарында жарияланған порталдағы сілтемелері арқылы (мысалы, indigo24.kz, balabaqsha.snation.kz, balabaqsha.open-almaty.kz және т. б.).

Онлайн өтініш беру үшін жеке сервиске өту қажет:

Өтінімде баланың ЖСН-ін көрсету, қалауыңыз бойынша 4 мектепке дейінгі ұйымды белгілеу және оны ЭЦҚ арқылы қол қою қажет. Кезек келген кезде ата-анаға бос орындардың бар екені туралы хабарлама жіберіледі.

Осыған ұқсас мемлекеттік қызмет жергілікті атқарушы органдардың ақпараттық жүйелерінде де жүзеге асырылады.

 Өтінішке Алгоритмде көрсетілген құжаттарды тіркеу қажет:

• ата-аналардың бірінің жұмыс орнынан анықтама;
• ПМПК қорытындысының электрондық көшірмесі (мүмкіндігі шектеулі балалар үшін, егер бар болса);
• фтизиатр-дәрігер құжатының электрондық көшірмесі (егер бала санаторий-балабақшаға кезекке қойылса).