Неке шартын өзгерту немесе бұзу үшін осы мәселе бойынша ерлі-зайыптылардың келісімі қажет.
Неке шартын өзгерту немесе бұзу туралы келісім неке шартының өзі сияқты нысанда жасалады.
Шартқа өзгерістер енгізу немесе оны бұзу ерлі-зайыптылардың өзара келісімі бойынша кез келген уақытта мүмкін болады.
Заңда Ерлі-зайыптылардың біреуінің ғана шартты орындаудан бас тартуына жол берілмейді.
Неке шартын сот Қазақстан Республикасының Азаматтық кодексінде көзделген мәмілелер жарамсыздығының негіздері бойынша толық немесе ішінара жарамсыз деп тануы мүмкін.
Егер Шарттың талаптары ерлі-зайыптылардың біреуін өте қолайсыз жағдайда қалдырса немесе осы некеде (ерлі-зайыптылықта) туған немесе асырап алынған балалардың мүліктік құқықтарын бұзса, сот неке шартын ерлі-зайыптылардың біреуінің талап етуі бойынша толық немесе ішінара жарамсыз деп тануы да мүмкін.
Неке шартының қолданылуы Неке (ерлі-зайыптылық) тоқтатылған кезден бастап тоқтатылады.
Егер шартта ажырасқаннан кейін ерлі-зайыптылардың міндеттемелері көзделсе, мұндай міндеттемелер неке бұзылғаннан кейін де өз күшін сақтайды.