Егер, ЭКҰ-ға квота алуға көрсеткіштер бар болса, Сіздің тіркелген медициналық ұйымыңыз (одан әрі-МҰ) деңгейінде әрекеттеріңіз мынадай болуы керек:
- тұрғылықты мекен жайы бойынша емхананың әйелдер консультациясы бөліміне барып кезекке тіркелу;
- әйелдер консультациясы бөлімінен репродукция клиникасына және репродуктологтың кеңесіне жолдама алу;
- ЭКҰ орталығына репродуктолог кеңесіне жолдама алу;
- репродуктологтың қарауынан кейін қажет жағдайда ЭКҰ орталығы деңгейінде тексерістерден өту;
- тиімді болу үшін екі серіктес те репродуктологтың кеңесін алуы керек;
- қарсы көрсетілімдер болмаған жағдайда дәрігерлік-кеңес комиссиясының анықтамасын алу;
- ЭКҰ процедурасын өткізуге келісім алу үшін, ЭКҰ орталығында комиссиядан өту;
- квота алуға кезекке тұру үшін хаттаманы(ЭКҰ орталығының келісімі) МҰ-ға әкеліп беру; - ЭКҰ бөлу бойынша өңірлік комиссияның отырысында үміткердің кандидатурасын қарастыру;
- квота алу;
- ЭКҰ орталығының репродуктологымен ЭКҰ күнін келісіп, әрі қарай порталға қою;
- ЭКҰ бағдарламасына репродуктологтың барлық ұсыныстары мен талаптарын орындау арқылы кіру.
- МӘМС жүйесінде жасанды ұрықтандыру және ICSI (интрацитоплазматикалық сперматозид инъекциясы) жүргізу, кейінге қалдырылған тасымалдар жағдайларында криоконсервіленген эмбриондарды көшіруді қоспағанда, жыл ішінде бір рет беріледі.