Магистратураға оқуға қалай түсуге болады

Жоғары оқу орнынан кейінгі білімнің білім беру бағдарламаларын іске асыратын білім беру ұйымдарының (ЖЖОКБҰ) магистратурасына түсушілерден өтініштерді қабылдау ЖЖОКБҰ-ның қабылдау комиссиялары және (немесе) Ұлттық тестілеу орталығының (app.testcenter.kz) сайты арқылы келесі мерзімдерде:

1) күнтізбелік жылғы 1 маусымнан 8 шілдеге дейін;

2) күнтізбелік жылғы 28 қазаннан 10 қарашаға дейін жүзеге асырылады.

Магистратураға түсушілер үшін араб тілінен түсу емтиханы және шығармашылық емтихандар ЖЖОКБҰ-да келесі мерзімдерде:

1) күнтізбелік жылғы 16 шілдеден 25 шілдеге дейін;

2) күнтізбелік жылғы 21 қарашадан 28 қарашаға дейін өткізіледі.

КТ келесі мерзімдерде өткізіледі:

1) күнтізбелік жылғы 20 шілдеден 10 тамызға дейін;

2) күнтізбелік жылғы 18 қарашадан 11 желтоқсанға дейін.

Күнтізбелік жылғы 20 шілдеден 10 тамызға дейінгі кезеңде өткізілген КТ сертификаты күнтізбелік жылғы 1 желтоқсанға дейін жарамды.

Күнтізбелік жылғы 18 қарашадан 11 желтоқсанға дейінгі кезеңде өткізілген КТ сертификаты күнтізбелік жылғы 1 наурызға дейін жарамды.

Магистратураға қабылдау келесі мерзімдерде:

1) күнтізбелік жылғы 15 тамыздан 28 тамызға дейін;

2) күнтізбелік жылғы 26 желтоқсаннан 10 қаңтарға дейін жүзеге асырылады.

IELTS (International English Language Tests System), TOEFL IBT (Test of English as a Foreign Language Internet-based test), DSH (Deutsche Sprachpruеfung fuеr den Hochschulzugang), TestDaF-Prufung, TFI (Test de Franзais International), Diplome d’Etudes en Langue franзaise, DALF (Diplome Approfondi de Langue franзaise), TCF (Test de connaissance du franзais) шет тілін меңгергендігін растайтын халықаралық сертификаттары және стандартталған GRE (Graduate Record Examinations) тестін тапсыру туралы халықаралық сертификаттары бар тұлғаларға КТ-ға электронды форматта және конкурсқа қатысу үшін өтініш берген кезде сертификат деректерін енгізу қажет.

      Жоғарыда көрсетілген сертификаттардың балдарын аудару республикалық бюджет немесе жергілікті бюджет қаражаты есебінен білім беру гранттарын беру жөніндегі конкурсқа қатысу үшін өтініш бергеннен кейін немесе ақылы негізде ЖЖОКБҰ-ға қабылданған кезде жүзеге асырылады.

«Педагогикалық ғылымдар», «Жаратылыстану ғылымдары, математика және статистика", "Ақпараттық-коммуникациялық технологиялар», «Инженерлік, өңдеу және құрылыс саласы» білім беру салаларының білім беру топтары бағдарламаларына, сондай-ақ «Гуманитарлық ғылымдар», «Әлеуметтік ғылымдар», «Бизнес және басқару» кадрларын даярлау бағыттары бойынша магистратураға түсуші тұлғалар балдарды ауыстыру шкаласына сәйкес GRE (Graduate Record Examіnatіons) стандартталған тестін тапсыру туралы халықаралық сертификаты болған кезде оқыту қазақ немесе орыс тілінде жүргізілетін ғылыми-педагогикалық магистратуруға КТ оқуға дайындығын айқындауға арналған тесттен және шет тілі бөлімінен босатылады.

Кешенді тестілеу астанада, облыс орталықтарында және республикалық маңызы бар қалаларда орналасқан кешенді тестілеу өткізу пункттерінде (КТӨП) өткізіледі.

Кешенді тестілеуді өткізу үшін жергілікті жерлерде білім беру саласындағы уәкілетті орган бекітетін кешенді тестілеуді ұйымдастыру және өткізу жөніндегі өңірлік мемлекеттік комиссиялар құрылады. Өңірлік мемлекеттік комиссияның құрамына құқық қорғау органдарының, қоғамдық ұйымдардың, бұқаралық ақпарат құралдарының өкілдері кіреді. Өңірлік мемлекеттік комиссия кешенді тестілеуді өткізу кезінде тестілеуге іске қосу кезінде және тестілеуді өткізу кезеңінде қоғамдық тәртіпті қорғауды қамтамасыз етеді, кешенді тестілеуді өткізу кезінде медициналық персоналдың жұмысын ұйымдастырады, кешенді тестілеу шеңберінде мүгедектігі бар адамдар, оның ішінде көру қабілеті  бұзылған мүгедектігі бар адамдар, тірек-қимыл аппараты функциялары бұзылған мүгедектігі бар адамдар үшін тапсырылатын пәндер оқытушылары  болып табылмайтын адамдар қатарындағы көмекшінің және (немесе) мүгедектікті белгілеу туралы құжатты көрсеткен кезде есту қабілеті  бұзылған мүгедектігі бар адамдар мен мүгедектігі бар адамдар үшін ымдау тілін меңгерген маманның ұсынылуын ұйымдастырады, тестілеу кезінде шкафтарда (ұяшықтарда) түсушілердің жеке заттарының сақталуын қамтамасыз етеді.

Бұл ретте, өңірлік мемлекеттік комиссияның төрағасы мен мүшелері тестілеу процесіне қатыспайды.

Кешенді тестілеуді өткізуді бақылауды жүзеге асыру үшін «Ұлттық тестілеу орталығы» ШЖҚ РМК (Орталық) тестілеу әкімшілері, жіберіледі.

 

Тестілеуге түсушілер бір-бірден кіргізіледі, бұл ретте кіргізу кезінде жеке басын куәландыратын құжаттың немесе төлқұжат негізінде тұлғаның жеке басы бетінің көлемдік-кеңістіктік формасының сканерленуі арқылы сәйкестендіру жүргізіледі.

 

Кешенді тестілеу кезіндегі тәртіп сақтау қағидалары

Тестілеуге жіберу кезінде қол және рамалы түрдегі металл іздегіштер қолданылады. Тестілеуге жіберу кезінде металл іздегіштерді қолдану тестілеуді өткізу кезінде түсушілердің қауіпсіздігін қамтамасыз ету, сондай-ақ олардың ғимаратқа келесі тыйым салынған заттарды алып жүруіне жол бермеу шеңберінде жүзеге асырылады: шпаргалкалар, оқу-әдістемелік әдебиеттер, сөздік, Менделеев кестесі және тұздардың ерігіштігі кестесі, А0-А10 форматтағы қағаздар, калькулятор, фотоаппарат, ұялы байланыс құралдары (пейджер, ұялы телефондар, планшеттер, iPad (Айпад), iPod (Айпод), SmartPhone (Смартфон), рациялар, ноутбуктер, плейерлер, модемдер (мобильді роутерлер), смарт көзілдіріктер, смарт сағаттар, фитнес-браслеттер (трекер), сымды және сымсыз құлаққаптар, микроқұлаққаптар, сымсыз бейнекамералар, GPS (ДжиПиЭс) навигаторлар, GPS (ДжиПиЭс) трекерлер, қашықтан басқару құрылғылары, диктофондар, сондай-ақ келесі стандарттарда жұмыс істейтін басқа да ақпарат алмасу құрылғылары: GSM (ДжиСиМ), 3G (3 Джи), 4G (4 Джи), 5G (5 Джи), VHF (ВиЭйчЭф), UHF (ЮЭйчЭф), Wi-Fi (Вай-фай), GPS (ДжиПиЭс), Bluetooth (Блютуз), Dect (Дект).

Тестілеуге бөгде тұлғаны тартуға тыйым салынады. Бөгде тұлғаны тартқан түсушілер тестілеуге жіберілмейді, сондай-ақ ағымдағы жылы қайта тестілеуге қатысуға жіберілмейді.

Кешенді тестілеуді өткізу кезінде түсушіге рұқсат етілмейді:

1) дәліз бойынша кезекшінің функцияларын орындайтын тестілеу әкімшісіның рұқсатынсыз және ертіп жүруінсіз аудиториядан (компьютерлік кластан) шығуға;

2) сөйлесуге, орнынан орынға ауысуға;

3) аудиториядан 2 реттен артық және 10 минуттан артық уақытқа шығуға;

Бұл ретте төтенше, форс-мажорлық жағдайларды және/немесе түсушілердің денсаулығына байланысты жағдайларды қоспағанда, тестілеудің бірінші және соңғы сағаттарында шығуға;

4) құжаттармен және түсушіге тест тапсырмаларын шешу бойынша жұмысты орындау үшін берілген А4 форматындағы қағазбен алмасуға;

5) құжаттарды және тест тапсырмаларын шешу бойынша жұмысты орындау үшін берілген А4 форматындағы қағазды аудиториядан (компьютерлік класстан) шығаруға, сондай-ақ оларды жырту, бүктеу арқылы бүлдіруге;

6) тест тапсырмаларын шешу бойынша жұмысты орындау үшін берілген А4 форматындағы қағазды өзімен бірге алып кетуге;

7) аудиторияға шпаргалкаларды, оқу-әдістемелік әдебиеттерін, сөздікті, Менделеев кестесі және тұздардың ерігіштігі кестесін, А0-А10 форматтағы қағаздарды, калькуляторды, фотоаппаратты, ұялы байланыс құралдарын (пейджер, ұялы телефондар, планшеттер, iPad (Айпад), iPod (Айпод), SmartPhone (Смартфон), рацияларды, ноутбуктерді, плейерлерді, модемдерді (мобильді роутерлер), смарт көзілдіріктер, смарт сағаттарды, фитнес-браслет (трекер), сымды және сымсыз құлаққаптарды, микроқұлаққаптарды, сымсыз бейнекамераларын, GPS (ДжиПиЭс) навигаторларын, GPS (ДжиПиЭс) трекерлерін, қашықтан басқару құрылғыларын, диктофондар, сондай-ақ келесі стандарттарда жұмыс істейтін басқа да ақпарат алмасу құрылғыларын: GSM (ДжиСиМ), 3G (3 Джи), 4G (4 Джи), 5G (5 Джи), VHF (ВиЭйчЭф), UHF (ЮЭйчЭф), Wi-Fi (Вай-фай), GPS (ДжиПиЭс), Bluetooth (Блютуз), Dect (Дект) алып кіруіне және қолдануына;

8) тестілеу басталар алдында немесе барысында шулауға;

9) тестілеу тапсырмаларының мазмұнын талқылауға, жария етуге және шығаруға;

10) тестілеуде пайдаланылатын техникаға және қауіпсіздік жүйесіне қасақана зиян келтіруге;

11) тестілеу жүйесіне араласу әрекеті және тестілеуден өту кезіндегі өзге де бұзушылықтар жасауға 

 Бұл ретте, тестілеу өткізілетін компьютердің интерфейсіндегі калькуляторларды, Менделеев кестесін және тұздардың ерігіштігі кестесін пайдалануға рұқсат етіледі.

Түсуші аудиториядан шыққан жағдайда және аудиторияға қайта кірген кезде металл іздегішпен тексеріліп кіргізіледі.

Қазақстан Республикасы Білім және ғылым министрінің 2019 жылғы               8 мамырдағы № 190 бұйрығымен бекітілген Кешенді тестілеуді өткізу қағидаларының бұзылуы анықталған жағдайда, тестілеу әкімшісі тиісті акт жасайды, түсушіні тестілеуден шығарады және тестілеу нәтижелерін жояды.

Жоғары оқу орнынан кейінгі білім беру грантын тағайындау конкурсына қатысу үшін түсуші ЖЖОКБҰ қабылдау комиссиясына өтініш береді. Өтініш берген кезде барлық растайтын құжаттар болуы керек.

Білім беру грантын тағайындау конкурсына қатысу үшін түсушінің Жоғары білімнің бірыңғай платформасында (ЖББП) «оқушы» немесе «түлек» мәртебесі болмауы тиіс.

Білім беру грантын беру конкурсына қатысу үшін өтініштерді қабылдау келесі мерзімдерде жүзеге асырылады:

• күнтізбелік жылғы 12-18 тамыз аралығында;
• күнтізбелік жылғы 12-18 желтоқсан аралығында.

КТ өткізу кезінде бірыңғай талаптарды сақтау және түсушілердің даулы мәселелерін шешу мақсатында Республикалық апелляциялық комиссия құрылады. Республикалық апелляциялық комиссияның төрағасы мен құрамы ҚР ҒЖБМ бұйрығымен бекітіледі.

Тест тапсырмаларының мазмұны және техникалық себептер бойынша апелляцияға түскен өтініштерді Республикалық апелляциялық комиссия тестілеу өткізілген күннен кейін 7 (жеті) жұмыс күні ішінде қарайды.

Техникалық себептер бойынша апелляция тест тапсырмаларының (мәтін, схемалар, суреттер, кестелер) шарттарының үзіндісі жоқ, нәтижесінде дұрыс жауапты анықтау мүмкін емес болған жағдайда қарастырылады.

Техникалық себептер бойынша апелляцияға өтініш тестілеу барысында түсушімен беріледі. Тестілеу кезеңінің барлық уақытында монитор экранында «Техникалық себептер бойынша апелляцияға өтініш беру» батырмасы көрсетіліп тұрады, оны басқан кезде тапсырманың скриншоты автоматты түрде апелляция қарауына сарапшыларға жіберіледі.

Тест тапсырмаларының мазмұны бойыншаапелляция мынадай жағдайларда қаралады:

1. Дұрыс жауап дұрыс жауаптар кодымен сәйкес келмейді (дұрыс жауаптың нұсқасы көрсетіледі);
2. Дұрыс жауап жоқ;
3. Барлық ұсынылған жауаптардың ішінен бір дұрыс жауапты таңдау арқылы тест тапсырмаларында бір бірден артық дұрыс жауап бар (дұрыс жауаптардың барлық нұсқалары көрсетіледі);
4. Тест тапсырмасы дұрыс құрастырылмаған.

Тест тапсырмаларын қайта қарау үшін мазмұны бойынша өтініш берген кезде түсуші дәлелді негіздемені (толық түсініктеме) көрсетеді.

Дәлелді негіздеме (толық түсініктеме, тапсырмаларды қадамдық шешу) көрсетілмеген барлық тест тапсырмаларын қайта қарау жөніндегі апелляцияға өтініш қарауға жатпайды.

Тест тапсырмаларының мазмұны бойынша апелляцияны түсуші тестілеу аяқталғаннан кейін 30 минут ішінде береді.

Апелляцияға берілген өтініште көрсетілген нақты деректер қарауға жатады.

Онлайн апелляция нәтижелері Республикалық апелляциялық комиссия қарастырғаннан кейін түсушінің жеке кабинетінде көрсетіледі.

Республикалық апелляциялық комиссияның шешімі комиссия мүшелерінің жалпы санының көпшілік даусымен қабылданады. Дауыстар тең болған жағдайда төрағаның дауысы шешуші болып табылады.

Республикалық апелляциялық комиссияның шешімі түпкілікті болып табылады және қайта қарауға жатпайды.

ҚР-да ғана емес, бүкіл әлемде магистр дәрежесі бакалавр дәрежесі бар студенттер үшін жоғары оқу орнынан кейінгі білім беруді білдіреді. Тиісінше, магистр дәрежесі магистрдің білім беру бағдарламаларын толық меңгергендерге беріледі.

Магистр дәрежесі - бұл екінші жоғары білім емес, бакалаврдан кейінгі білім деңгейі, бұл студент мамандық алу және біліктілігін арттыру жолында көтерілетін саты. Бұл бакалавриат бағдарламасынан басты айырмашылығы. 

Сонымен қатар, оқу ұзақтығы мен қабылдау шарттары да өзгеше. Сонымен, магистр дәрежесін алу үшін 1-2 жыл қажет болады және бакалавриаттан өтпей, магистратураға түсе алмайсыз.

Магистратураға түсу үшін Сізге кешенді тестілеуден (КT) өту қажет.

Магистратураға жоғары білімнің білім беру бағдарламаларын игерген тұлғалар қабылданады.

Кешенді тестілеу (КТ) – ақпараттық-коммуникациялық технологиялар қолданылып,  бірнеше оқу пәндері бойынша бір мезгілде өткізілетін емтихан нысаны.

 Ғылыми-педагогикалық магистратураға түсуші тұлғалар шет тілі (таңдау бойынша ағылшын, неміс, француз) бойынша тестілеуден, білім беру бағдарламалары тобының бейіні бойынша тестілеуден, оқуға дайындығын анықтауға арналған таңдауы бойынша қазақ немесе орыс тіліндегі тестілеуден тұратын КТ тапсырады.

Оқыту қазақ немесе орыс тілінде жүргізілетін бейінді магистратураға түсуші тұлғалар таңдауы бойынша қазақ немесе орыс тіліндегі білім беру бағдарламалары тобының бейіні бойынша тестілеуден тұратын КТ тапсырады.

Оқыту ағылшын тілінде жүргізілетін бейінді магистратураға түсуші тұлғалар ағылшын тіліндегі білім беру бағдарламалары тобының бейіні бойынша тестілеуден тұратын КТ тапсырады.

Шығармашылық дайындықты талап ететін білім беру бағдарламаларының топтары бойынша ғылыми-педагогикалық магистратураға түсуші тұлғалар:

1) шет тілі (таңдау бойынша ағылшын, неміс, француз) бойынша тесттен, оқуға дайындығын анықтауға арналған таңдауы бойынша қазақ немесе орыс тіліндегі тестілеуден тұратын КТ;

2) білім беру бағдарламалары тобының бейіні бойынша екі шығармашылық емтихан тапсырады.

Араб тілін білуді талап ететін білім беру бағдарламалары тобының магистратурасына түсуші тұлғалар:

1) араб тілі бойынша түсу емтиханын;

2) білім беру бағдарламалары тобының бейіні бойынша тестілеуден және оқуға дайындығын анықтауға арналған таңдауы бойынша қазақ немесе орыс тіліндегі тестілеуден тұратын КТ тапсырады.

Бейінді магистратураға түсушілер білім беру бағдарламалары тобының бейіні бойынша тест немесе шығармашылық емтихандар тапсырады.

Магистратураға қабылдауға арналған КТ-ға қатысуға өтініш бермей тұрып, білім беру бағдарламалары топтарының Қазақстан Республикасының жоғары және жоғары оқу орнынан кейінгі білім мамандықтарының жіктеуіші бойынша сәйкестігі туралы ақпарат алу үшін ЖЖОКБҰ қабылдау комиссиясына жүгіну қажет.

ЖЖОКБҰ қабылдау комиссиясы жүзеге асырады:

1) түсуге ниет білдірушілерге жоғары оқу орнынан кейінгі білім беру бағдарламалары топтарын таңдау мәселелері бойынша кеңес беруді;

2) кешенді тестілеу және (немесе) қабылдау (шығармашылық) емтиханы рәсімімен таныстыруды;

3) араб тілі бойынша қабылдау емтиханын және (немесе) білім беру бағдарламалары топтары бойынша шығармашылық емтиханды ұйымдастыруды.

 КТ қатысу үшін түсуші Орталықтың https://app.testcenter.kz/ сайты арқылы онлайн түрде өтініш береді:

Өтініш беру үшін түсушіге:

1. «https://app.testcenter.kz/ сайтына немесе UTO.KZ қосымшасына (App Store немесе Play Market арқылы) өту және интерфейс тілін таңдау.
2. Өзінің электрондық почтасын көрсете отырып тіркеуден өту (Орталықтан алынған хатта электрондық почтаны растау міндетті) (Ескертпе: егер түсуші бұрын Орталықтың осы сайтында тіркелген болса, онда өзінің «Жеке кабинеті» арқылы өтініш бере алады. Ол үшін «Кіру» батырмасын басып, логин мен парольді енгізу қажет).
3. Өтініш беру жүйесінде алынған логин мен пароль арқылы авторизациядан өту (логин мен пароль бар хатты ағымдағы жылдың соңына дейін өшіруге болмайды).
4. ЖСН көрсету, іздеу батырмасын басу (тегі, аты және әкесінің аты автоматты түрде көрсетіледі), байланыс телефон нөмірін көрсету (міндетті).
5. «Өтініш беру» бөліміне өтіп, «Жоғары оқу орнынан кейінгі білімді» таңдау.
6. «Магистратураға түсу үшін кешенді тестілеу» қажетті тестілеу түрін таңдау.
7. Тестілеу санатын таңдау (Магистратураға түсу үшін КТ/ Оқыту ағылшын тілінде жүргізілетін бейінді магистратураға КТ/ Шығармашылық дайындықты талап ететін білім беру бағдарламалары топтары бойынша магистратураға КТ/ Араб тілін білуді талап ететін білім беру бағдарламалары топтары бойынша магистратураға КТ).
8. Магистратураның дайындық бағытын таңдау (ғылыми-педагогикалық/ бейінді).
9. Mагистратураның білім саласын таңдау.
10. Білім беру бағдарламалары тобының коды мен атауын таңдау.
11. Тестілеуді тапсыру тілін таңдау.
12. Ашылмалы тізімнен шет тілін тапсыру тілін таңдау (егер таңдалған дайындық бағыты «ғылыми-педагогикалық» болса).
13. Тестілеу қаласын таңдау.
14. Мүгедектігі бар тұлғалар мүгедектігі туралы мәліметтерді (көру, есту, тірек-қимыл аппараты функциялары бұзылған) толтыру (ескертпе: «медициналық-әлеуметтік сараптама жүргізу қағидаларын бекіту туралы» Қазақстан Республикасы денсаулық сақтау және әлеуметтік даму министрінің 2015 жылғы 30 қаңтардағы № 44 бұйрығымен бекітілген, ерекше статусын растайтын құжаттарды тіркейді).
15. КТ өткізу қағидаларымен мұқият танысып, келісетінін растау.
16. Офертамен танысып, келісетінін растау.
17. Тестілеу үшін қалаған төлем әдісін таңдап, төлем жасау. Тестілеуге қатысу үшін төлемді келесі жолдармен жүзеге асыруға болады.

- онлайн режимінде банктік картамен төлеу арқылы (банктік картамен төлеуді таңдаған кезде бағдарлама автоматты түрде төлем сайтына бағытталады);

- онлайн төлем арқылы Kaspi.kz (төлемді таңдағанда Kaspi.kz тапсырыс нөмірін қалыптастыру және QR коды немесе Kaspi.kz қосымшасы арқылы төлеу қажет). Ескертпе: төлем өтінім қалыптастырылғаннан кейін 1 сағат (60 минут) ішінде жүргізілуі тиіс, төлем белгіленген уақытта болмаған жағдайда өтініш жойылады;

Төлем жасалғаннан кейін «Менің іс-әрекетім» бөлімінде, қажет болған жағдайда түсушіге берілген өтінішке (тестілеуді тапсыру қаласын, білім беру бағдарламалары тобын, тестілеуді тапсыру тілін ауыстыру) өзгерістер енгізу немесе өтініштерді қабылдау базасы жабылғанға дейін өтінішті жою мүмкіндігі беріледі.

Өтініш тіркелгеннен кейін тестілеуді өткізу орны мен уақыты туралы ақпарат түсушінің жеке кабинетінде «Менің іс-әрекетім» бөлімінде қолжетімді болады. Тестілеу туралы ақпаратпен танысуға түсушінің өзі жауапты болады.

Барлық кезеңдерді сәтті аяқтағаннан кейін «Өтініш сәтті қабылданды!» деген мәлімдеме шығады.

КТ-ға қатысу құны 14 693 теңгені құрайды.

Берілген өтінішті өзгерту алгоритмі

Берілген өтінішке өзгеріс енгізу қажет болған жағдайда (тестілеу тапсыру қаласын, білім беру бағдарламаларының тобын) өтініш қабылдау аяқталғанға дейін (8 шілдеге, 10 қарашаға дейін) түсушіге өзгеріс енгізуге мүмкіндік беріледі.

Өтініштерді қабылдау аяқталғаннан кейін таңдалған білім беру бағдарламаларының тобы өзгертілмейді.

Өтінішке өзгеріс енгізу үшін:

1. Жеке кабинеткекіру;
2. «Менің іс-әрекетім» бөліміне өту;
3. Өтініншті ашып, «Өтінішті өндеу» батырмасын басу;
4. Өзгерістер енгізу;
5. Түзетуден кейін «Сақтау» батырмасын басу қажет.