Кәмелетке толмағандар ата-анасының, заңды өкілдерінің ертіп жүруінсіз:
- сағат 22-ден таңғы 6-ға дейін ойын-сауық мекемелерінде болса, ата-анасы, заңды өкілдері 3 АЕК мөлшерінде айыппұл төлеуге тартылады;
- сағат 22-ден таңғы 6-ға дейін тұрғын үй жайынан тыс жүрсе, ата-анасы, заңды өкілдеріне алдымен ескерту жасалады.
Егер осындай факт жыл ішінде қайталанса, 7 АЕК мөлшерінде айыппұл көзделген.
Баланың тиісті емес уақытта сол жерде болғаны үшін ойын-сауық мекемесінің иелеріне де айыппұл салынады.
Айыппұл мөлшері құқық бұзушының мәртебесіне, сондай-ақ құқық бұзушы жыл ішінде бұрын осындай құқық бұзушылығы үшін жауапқа тартылған ба жоқ па соған байланысты болады. Айыппұл қызмет немесе қызметтің жекелеген түрлерін тоқтатумен бірге қолданылуы мүмкін.
Айыппұл мөлшерлері:
- жеке тұлғаларға - 10 АЕК, құқық бұзушылық қайталанған кезде– 20 АЕК;
- шағын кәсіпкерлік субъектілеріне немесе коммерциялық емес ұйымдарға – 15 АЕК , қайталанған кезде – 30 АЕК;
- орта кәсіпкерлік субъектілеріне – 30 АЕК, қайталанған кезде – 50 АЕК;
- ірі кәсіпкерлік субъектілеріне – 50 АЕК, қайталанған кезде – 100 АЕК.