ҚР Президенті жанындағы Мемлекеттік басқару академиясына қалай түсу керек

Оқу мерзімі бір жыл өндірістен қол үзіп жүргізілетін «Мемлекеттік басқару – Master of Public Administration» магистратура білім беру бағдарламасына:

- мемлекеттік білім беру тапсырысы  бойынша құжаттарды тапсыру сәтінде саяси қызметшілер, «А» корпусының мемлекеттік қызметшілері және «Б» корпусының мемлекеттік қызметшілері («А» санатының тобы – А-1, А-2, А-3, «В» санатының тобы –  В-1, В-2, В-3, «С» санатының тобы – С-1, С-2, С-3), орталық мемлекеттік органдар мен олардың ведомстволарының өңіраралық және облыстық бөлімшелерінің, орталық мемлекеттік органдардың республикалық маңызы бар қалалардағы, астанадағы бөлімшелерінің қызметшілері (С-О-1, С-О-2, С-О-3), жергілікті бюджеттен қаржыландырылатын облыстық атқарушы органдардың, республикалық маңызы бар қалалардың, астананың атқарушы органдарының қызметшілері («D» санатының тобы – D-1, D-2, D-3, D-О-1, D-O-2), «Е» санатының тобы – Е-1, Е-2), орталық не облыстық деңгейдегі құқық қорғау немесе арнаулы мемлекеттік органдардың басшы лауазымдарын атқаратын немесе Қарулы Күштер әскери басқару органының немесе әскери оқу орындарының жедел-тактикалық деңгейінен төмен емес және мемлекеттік қызметте басшы лауазымында кемінде екі жыл еңбек өтілі немесе орта, ірі кәсіпкерлік субъектілерінде, квазимемлекеттік секторда, халықаралық, шетелдік, трансұлттық ұйымдарда немесе шетелдік мемлекеттік құрылымдарда басшы лауазымдарда кемінде үш жыл еңбек өтілі бар мемлекеттік қызметшілер болып табылатын тұлғалар қабылданады; 

- Қазақстан Республикасының заңнамасында тыйым салынбаған өзге де қаржыландыру көздері есебінен құжаттарды тапсыру сәтінде басшылық лауазымда  кемінде екі жыл еңбек өтілі бар тұлғалар қабылданады.

Оқу мерзімі бір жарым жыл өндірістен қол үзіп жүргізілетін «Халықаралық қатынастар – Master of International Relations» магистратура білім беру бағдарламасына:

- мемлекеттік білім беру тапсырысы бойынша құжаттарды тапсыру сәтінде Қазақстан Республикасының Сыртқы істер министрлігінде немесе халықаралық ынтымақтастық мәселелерімен айналысатын орталық мемлекеттік органдардың құрылымдық бөлімшелері мен олардың аумақтық бөлімшелерінде, жергілікті мемлекеттік органдарда кемінде екі жыл мемлекеттік қызмет өтілі бар осы Министрліктің не аталған құрылымдық бөлімшелердің мемлекеттік қызметшілері болып табылатын тұлғалар қабылданады;

- Қазақстан Республикасының заңнамасында тыйым салынбаған өзге де қаржыландыру көздері есебінен құжаттарды тапсыру сәтінде кемінде екі жыл жалпы еңбек өтілі бар тұлғалар қабылданады.

Оқу мерзімі бір жыл, өндірістен қол үзіп жүргізілетін «Адами ресурстарды басқару – Master of Human Resource Management» және «Өңірлік даму – Master of Regional Development» магистратура білім беру бағдарламаларына:

- мемлекеттік білім беру тапсырысы бойынша құжаттарды тапсыру сәтінде кемінде екі жыл мемлекеттік қызмет өтілі бар мемлекеттік қызметшілер болып табылатын тұлғалар қабылданады;

- Қазақстан Республикасының заңнамасында тыйым салынбаған өзге де қаржыландыру көздері есебінен құжаттарды тапсыру сәтінде кемінде екі жыл жалпы еңбек өтілі бар тұлғалар қабылданады.

Оқу мерзімі бір жарым жыл, өндірістен қол үзіп жүргізілетін «Мемлекеттік саясат – Master of Public Policy» және «Экономика – Master of Economics» магистратура білім беру бағдарламаларына:

- мемлекеттік білім беру тапсырысы бойынша құжаттарды тапсыру сәтінде кемінде екі жыл мемлекеттік қызмет өтілі бар мемлекеттік қызметшілер болып табылатын тұлғалар қабылданады;

- Қазақстан Республикасының заңнамасында тыйым салынбаған өзге де қаржыландыру көздері есебінен құжаттарды тапсыру сәтінде кемінде екі жыл жалпы еңбек өтілі бар тұлғалар қабылданады;

Оқу мерзімі бір жыл, мемлекеттік қызметші болып табылмайтын тұлғалар үшін модульдік оқыту қағидаты бойынша жүргізілетін «Executive MPA – Executive Master of Public Administration – Мемлекеттік басқару» магистратура білім беру бағдарламасына: 

- Қазақстан Республикасының заңнамасында тыйым салынбаған өзге де қаржыландыру көздері есебінен құжаттарды тапсыру сәтінде басшылық лауазымда кемінде екі жыл еңбек өтілі бар тұлғалар қабылданады.

Оқу мерзімі бір жыл, мемлекеттік қызметші болып табылмайтын тұлғалар үшін модульдік оқыту қағидаты бойынша жүргізілетін «Өңірлік даму – Master of Regional Development» магистратура білім беру бағдарламасына:

- Қазақстан Республикасының заңнамасында тыйым салынбаған өзге де қаржыландыру көздері есебінен құжаттарды тапсыру сәтінде кемінде екі жыл жалпы еңбек өтілі бар тұлғалар қабылданады;

Оқу мерзімі үш жыл, өндірістен қол үзіп жүргізілетін «Мемлекеттік басқару – Doctor of Public Administration», «Халықаралық қатынастар – Doctor of International Relations» және «Экономика – Doctor of Economics» докторантура білім беру бағдарламаларына:

- мемлекеттік білім беру тапсырысы бойынша құжаттарды тапсыру сәтінде кемінде бес жыл мемлекеттік қызмет өтілі бар тұлғалар қабылданады;

- Қазақстан Республикасының заңнамасында тыйым салынбаған өзге де қаржыландыру көздері есебінен құжаттарды тапсыру сәтінде кемінде бес жыл жалпы еңбек өтілі бар тұлғалар қабылданады.

Егер Сіз мемлекеттік қызметші болмасаңыз, бірақ мемлекеттік басқару саласында білім алғыңыз келсе, онда сізде магистратураға кемінде2 жыл жалпы еңбек өтілі, докторантураға кемінде 5 жыл еңбек өтілімен Академияда ақылы негізде оқуға мүмкіндігіңіз бар.

1. Жұмыс орны мен лауазымын сақтау, үздіксіз еңбек өтілі;
2. лауазымдық жалақы мөлшеріндегі стипендия;
3. құзыреттілікті бағалау нәтижелері негізінде оқытудың жеке траекториясы;
4. академиялық ұтқырлық шеңберінде шетелдік серіктес университеттерде оқу мүмкіндігі;
5. шетелдік серіктес жоғары оқу орындарында, халықаралық ұйымдарда, сондай-ақ Қазақстан Республикасының дипломатиялық өкілдіктері мен жетекші дипломатиялық мектептер базасында тағылымдамадан өту мүмкіндігі;;
6. серіктес жоғары оқу орындары (АҚШ, БАӘ, Финляндия) базасында 2 дипломдық білім алу мүмкіндігі;
7. үш тілде оқыту: қазақ, орыс, ағылшын, оның ішінде кейінгі сертификаттау мүмкіндігі бар күшейтілген тілдік дайындық: Professional English for International Relations, дипломатқа арналған француз тілі (MIR);
8. жекелеген пәндерді оқыту үшін шетелдік және қазақстандық жетекші сарапшыларды, мемлекеттік басқару және дипломатиялық қызмет практиктерін тарту.;
9. әлеуметтік және кәсіби нетворкингті дамыту, өзара оқыту (peer learning);
10. жас мемлекеттік қызметші үйінде бөлме алу.

Магистратура және докторантура бағдарламалары бойынша оқуға құжаттарды қабылдау Академияның ақпараттық жүйесі (admission.apa.kz) арқылы жүзеге асырылады.

Академияға түсу үшін қажетті құжаттар тізімі:

1.  мемлекеттік орган берген жолдаманың сканерленген нұсқасы. Ақылы негізде оқуға үміткер тұлғалар жүктемейді.
2.  жеке басын куәландыратын құжаттың сканерленген нұсқасы;
3.  қосымшасы бар жоғары білімі туралы құжаттың сканерленген нұсқасы (магистратураға түсу үшін) немесе қосымшасы бар жоғары оқу орнынан кейінгі білімі туралы құжаттың көшірмесі (докторантураға түсу үшін);
4.  шетелдік азаматтарды қоспағанда, мемлекеттік тілді меңгеру деңгейі
   В1-ден төмен емес екенін растайтын QAZAQ RESMI TEST (https://www.qrt.kz) немесе ҚАЗТЕСТ (http://kazakhtest.kz) сертификаты;
5.  докторантура бағдарламалары мен магистратураның «Халықаралық қатынастар – Master of International Relations» бағдарламасына үміткерлер үшін келесідей нәтижелермен ағылшын тілін меңгерудің жалпыеуропалық құзыреттеріне (стандарттарына) сәйкес шет тілін білу деңгейін растайтын халықаралық сертификаттардың бірі:
6.  Қазақстан Республикасының мемлекеттік қызметшілері үшін – жұмыс орны бойынша кадр қызметі растаған қызметтік тізім; басқа үміткерлер үшін – еңбек қызметін растайтын құжат;
7.  докторантура бағдарламаларына үміткерлер үшін – зерттеу жұмысы жоспарының жобасы (research proposal) (бұдан әрі – зерттеу жұмысы жоспарының жобасы);
8.  электрондық цифрлық қолтаңбамен қол қойылған электрондық өтініш.

• магистратураға - IELTS кемінде 4.0 балл, TOEFL IBT кемінде 32 балл немесе TOEFL ITP (LEVEL 1)  кемінде 343 балл, TOEIC кемінде 405 балл, Duolingo English Test кемінде 65 балл; 
• докторантураға - IELTS кемінде 5.5 балл, TOEFL IBT кемінде 46 балл, TOEFL IBT (LEVEL 1) кемінде 460 балл немесе TOEIC кемінде 550 балл, Duolingo English Test кемінде 95 балл.

Магистратураның білім беру бағдарламалары:

Оқу мерзімі 1 жыл өндірістен қол үзіп:

• "Мемлекеттік басқару-Master of Public Administration";
• "Адами ресурстарды басқару - Master of Human Resource Management";
• "Өңірлік даму - Master of Regional Development";

Оқу мерзімі 1,5 жыл өндірістен қол үзіп:

• "Мемлекеттік саясат – Master of Public Policy";
• "Экономика - Master of Economics";
• "Халықаралық қатынастар – Master of International Relations";

 Оқу мерзімі 1 жыл мемлекеттік қызметші болып табылмайтын тұлғалар үшін модульдік оқыту қағидаты бойынша:

• "Мемлекеттік басқару - Executive Master of Public Administration";
• "Өңірлік даму - Master of Regional Development"; 

Докторантураның білім беру бағдарламалары:

• "Мемлекеттік басқару - Doctor of Public Administration";
• "Халықаралық қатынастар – Doctor of International Relations";
• "Экономика - Doctor of Economics".