"Дипломмен ауылға" жобасына қалай қатысуға болады

Әкімдік бюджет қаражатының уақтылы және дұрыс жұмсалуына тексеру жүргізуге құқылы.

Несие алғаннан кейін 22 айдан кешіктірмей тұрғын үй сатып алу немесе оны салуды бастау қажет.

Тұрғын үй салынған жағдайда құрылыс материалдарын сатып алу туралы чектерді сақтау керек.

Әлеуметтік қолдау шараларын алуға үміткер тұлға www.otbasybank.kz Баспана Маркет жылжымайтын мүлік порталында ЭЦҚ-кілтпен қол қою арқылы өтініш беру және Портал арқылы төмендегі құжаттарды ұсыну керек:

1. Көтерме жәрдемақыны алу кезінде:

• нысан бойынша өтініш;
• цифрлық құжаттар сервисінен алынған жеке басты куәландыратын электрондық құжат (сәйкестендіру үшін);
•  білімі туралы дипломның көшірмесі  немесе цифрлық құжаттар сервисінен электрондық құжат (сәйкестендіру үшін);
• алушының еңбек қызметін растайтын құжаттың көшірмесі.

2. Тұрғын үй сатып алуға бюджеттік кредитті алу кезінде:

•  нысан бойынша өтініш;
• цифрлық құжаттар сервисінен алынған жеке басты куәландыратын электрондық құжат (сәйкестендіру үшін);
•  жаңа жұмыс орны бойынша кадр қызметі растаған еңбек кітапшасының көшірмесі; білімі туралы дипломның көшірмесі  немесе цифрлық құжаттар сервисінен электрондық құжат (сәйкестендіру үшін);
• некеде тұрған көрсетілетін қызметті алушылар үшін цифрлық құжаттар сервисінен неке қию (ерлі-зайыптылық) туралы куәліктің электрондық құжаты (сәйкестендіру үшін);
• осы ауылдық елді мекенде маманның, оның жұбайының және балаларының жылжымайтын мүлкінің болмауы (болуы) туралы анықтама;
• сатып алынатын жылжымайтын мүлікті бағалау актісі;
• сатып алынатын тұрғын үй құны берілетін кредит мөлшерінен сақан кезде ортақ қаржыландыруға келісім

3. Тұрғын үйді салуға бюджеттік кредитті алған кезде:

• нысан бойынша өтініш;
• цифрлық құжаттар сервисінен алынған жеке басты куәландыратын электрондық құжат (сәйкестендіру үшін);
•  жаңа жұмыс орны бойынша кадр қызметі растаған еңбек кітапшасының көшірмесі;
•  білімі туралы дипломның көшірмесі;
• көші-қон қызметінен алдыңғы тіркелген жері туралы мәліметтер;
• некеде тұрған көрсетілетін қызметті алушылар үшін цифрлық құжаттар сервисінен неке қию (ерлі-зайыптылық) туралы куәліктің электрондық құжаты (сәйкестендіру үшін);
•  маманның жылжымайтын мүлкінің болмауы (болуы) туралы анықтама ауылдық елді мекенде оның жұбайы (зайыбы) мен балалары (тиісті мемлекеттік ақпараттық жүйелерден мәліметтер болмаған жағдайда);
• маманның атына тұрғын үй салуға берілген жер учаскесін пайдалану құқығына арналған акт;
• кепіл мүлкін бағалау актісі;
• кепіл мүлкін сақтандыру шарты;
• берілетін кредит мөлшерінен асатын тұрғын үй құрылысының бір бөлігін қоса қаржыландыруға жазбаша келісім.
• көрсетілетін қызметті алушының ЖАО ұсынған үлгілік жобалардың нұсқаларымен жазбаша келісімі.

Өтінімді онлайн-қызмет арқылы беруге болады және өтінімді толтыру  ЭЦҚ қол қою қажет.

Қызмет көрсету мерзімі

Мемлекеттік қызмет көрсету нәтижесі әлеуметтік қолдау шараларын ұсыну туралы келісім жасасу болып табылады.

Көтерме жәрдемақы төлеу-1 жұмыс күні ішінде жүргізіледі.

Тұрғын үй сатып алуға немесе салуға бюджеттік кредит кепіл шарты тіркелгеннен кейін 3 жұмыс күні ішінде беріледі.

Ауылдық жердегі елді мекенді таңдау және өз бетінше жұмыс табу қажет (ауылдық мектеп, аурухана, Мәдениет үйі, спорт кешендері және т. б.).

Жұмысты өз бетінше іздеу мүмкіндігі болмаған жағдайда, облыс әкімдіктеріне хабарласуға болады. Бұдан басқа, бос орындар туралы ақпаратты әкімдіктерінің сайттарынан алуға болады.

Жұмысқа орналасу кезінде міндетті түрде тұрғылықты жері бойынша тіркелу қажет.

Әлеуметтік қолдау шараларын көрсету мамандардың өтініш берген күні бойынша кезектілік тәртібімен және кадр тапшылығын шешу үшін алдағы кезеңге қажетті мамандықтар санаттарын айқындау үшін әкімдік қалыптастыратын сұранысқа ие мамандықтар тізбесіне сәйкес жүргізіледі.

Әлеуметтік қолдау алуға ниет білдірушілер үшін критерий дипломның болуы болып табылады. Бұл техникалық және кәсіптік, орта білімнен кейінгі, жоғары және жоғары оқу орнынан кейінгі білімге қатысты. Бұл санатқа жоғары оқу орындарының түлектері, магистратура/интернатураны бітірген тұлғалар, сондай-ақ мамандықтар бойынша колледждердің түлектері жатады.

Маман үшін негізгі талап келісім бойынша денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен ұйымдарында, ауылдық елді мекенде орналасқан ауыл, кент, ауылдық округ әкімінің аппаратында кемінде 3 жыл жұмыс істеу міндеттемесін қабылдау болып табылады.

Келісім шарттары орындалмаған жағдайда көтерме жәрдемақы, кредит алушы бюджет қаражатын толық көлемде қайтаруды қамтамасыз етуге міндетті.

Ауылдық жерлерге келген мамандарға жұмыспен қатар әлеуметтік қолдау ұсынылады.

Қолдау шеңберінде 100 АЕК мөлшерінде біржолғы көтерме жәрдемақы ұсынылады.

Сондай-ақ тұрғын үй сатып алу немесе салу үшін 2500 АЕК мөлшерінде бюджеттік кредит беріледі. Несие мерзімі-15 жылға дейін, сыйақы мөлшерлемесі жылдық 0,01% мөлшерінде белгіленеді.

Көмектің бір түрін алу мемлекеттен көмектің басқа түрін алу құқығын жоққа шығармайды.

Қолдауды Денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен мамандары (дәрігерлер, мұғалімдер, тәрбиешілер, ветеринарлар, кітапханашылар, агрономдар және т. б.), ауылдық елді мекендерде жұмыс істеуге және тұруға ниет білдірген, ауылдар, кенттер, ауылдық округтер әкімдері аппараттарының қалаларда және өзге де елді мекендерде тұратын мемлекеттік қызметшілері ала алады.

Мемлекет көмектесуге дайын мамандарға жасына, білім деңгейіне және мамандығы бойынша жұмыс тәжірибесіне қарамастан адамдар жатады.

Сондай-ақ, "Дипломмен ауылға" жобасы бойынша әлеуметтік қолдау шараларын алудың негізгі шарттарының бірі-құжаттарды тапсырған кезде алушы диплом алған маман болып, мамандығы бойынша жұмыс істеуі керек.