Қазақстан Республикасынан тыс жерде тұрақты және уақытша тұратын Қазақстан Республикасының азаматтарын есептен шығару
Қазақстан Республикасының шет елдердегі мекемелері (бұдан әрі – шетелдегі мекеме) тиісті консулдық округтің аумағында Қазақстан Республикасынан тыс жерде тұрақты және уақытша тұратын Қазақстан Республикасы азаматтарының есебін жүргізеді.
Шетелде Қазақстан Республикасының азаматтарын есепке қоюдың мақсаты:
1) Қазақстан Республикасы азаматтарының құқықтары мен заңды мүдделерiн қорғау;
2) болу елiнiң заңнамасы, Қазақстан Республикасы мен болу мемлекетi қатысушысы болып табылатын халықаралық шарттар, сондай-ақ халықаралық ғұрыптар ұсынған барлық құқықтарды Қазақстан Республикасы азаматтарының пайдалануына жан-жақты көмек көрсету;
3) Қазақстан Республикасы азаматтарының Қазақстан Республикасының Конституциясы мен Қазақстан Республикасының басқа да заңнамалық актiлерiн сақтауларын және олардың өз мiндеттерiн орындауларын бақылау болып табылады.
Портал арқылы сіз қызметті ала аласыз:
ЭЦҚ көмегімен:
1. Порталда авторлану және "Қызметке онлайн тапсырыс беру" батырмасы бойынша өту.
2. ҚР визалық-көші-қон порталына (vmp.gov.kz/main/user/consul-service) өту.
3. Визалық-көші-қон порталында авторизациядан өту.
4. Жеке мәліметтерін көрсетумен өтінімді толтыру және оған ЭЦҚ қол қою (электрондық цифрлық қолтаңбамен).
Көрсетілетін қызметті берушіге ұсыну үшін қажетті құжаттар:
1. Еркін нысандағы өтініш.
2. Жеке басты куәландыратын құжат (тұпнұсқасын салыстырып тексеру үшін).
3. Есепке қою мөрі бар Қазақстан Республикасы азаматының паспортына қосымша бет (Қазақстан Республикасынан тыс жерде тұрақты тұратын Қазақстан Республикасының азаматтары үшін).
1. Шет елдердегі мекемелер мемлекеттік қызметті көрсеткен кезде - қағаз/электрондық түрде Қазақстан Республикасының азаматтарын есептен шығару туралы белгі немесе мемлекеттік қызметті көрсетуден бас тарту туралы дәлелді жауап.
2. "Электрондық үкімет" порталы арқылы мемлекеттік қызмет көрсету кезінде - Қазақстан Республикасының азаматтарын электрондық түрде есептен шығару туралы хабарлама не мемлекеттік қызмет көрсетуден бас тарту туралы дәлелді жауап.
3. Министрлік мемлекеттік қызмет көрсету кезінде - консулдық есептен шығарылғанын растайтын құжат немесе мемлекеттік қызмет көрсетуден бас тартады.
1) Көрсетілетін қызметті алушының мемлекеттік көрсетілетін қызметті алу үшін ұсынған құжаттарының және (немесе) олардағы деректердің (мәліметтердің) анық еместігінің белгілі болуы.
2) Көрсетілетін қызметті алушының және (немесе) мемлекеттік қызмет көрсету үшін қажетті ұсынылған деректердің және мәліметтердің осы Қағидалардың талаптарына сәйкес келмеуі.
3) Көрсетілетін қызметті алушының мемлекеттік қызмет көрсету үшін талап етілетін, "Дербес деректер және оларды қорғау туралы" Қазақстан Республикасы Заңының 8-бабына сәйкес берілетін қолжетімділігі шектеулі дербес деректерге қол жеткізуге келісімнің болмауы.
Егер сіз осы қызметті көрсететін мемлекеттік органның лауазымды тұлғаларының шешімімен, әрекеттерімен немесе әрекетсіздігімен келіспесеңіз, сіз Министрліктің басшысының мекенжайына тиісті шағыммен жүгіне аласыз. Тіркелген сәттен бастап 5 күн ішінде сіздің шағымыңызды қарастырып сізге жауап беру керек.
Шағымды бірнеше тәсілмен беруге болады:
1. Жазбаша нысанда пошта арқылы.
2. "Электрондық үкімет" веб-портал арқылы.
3. Қызмет көрсетушінің кеңсесі арқылы қолма-қол.
Егер сіздің шағымыңызға алынған жауап сізді қанағаттандырмаса, сіз мемлекеттік қызметтер көрсету сапасын бағалау және бақылау жөніндегі уәкілетті органға немесе Қазақстан Республикасының заңнамасында белгіленген тәртіппен сотқа жүгінуге құқығыңыз бар.
Тегін
Мемлекеттік қызметті беруші арқылы - 2 жұмыс күні
Портал арқылы – 1 жұмыс күні