Медициналық-санитариялық алғашқы көмек көрсететін медициналық ұйымға бекіту

Онлайн

Жеке тұлғалар

Портал арқылы сіз қызметті бірнеше тәсілмен ала аласыз:

ЭЦҚ көмегімен:

1. Порталда авторизациядан өтіңіз немесе тіркеліңіз
2. "Онлайн сұратым" батырмасын басыңыз
3. Сұранымның ашық жолдарын толтыру
4. Өтінімге электрондық цифрлық қолтаңбамен (ЭЦҚ) көмегімен қол қойыңыз
5. Жеке кабинетте ("Қызметтерді алу тарихы" бөлімінде) көрсетілген уақыт ішінде келіп түсетін сіздің өтініміңізді өңдеу туралы хабарламамен танысыңыз.

Қызмет беруші

ҚР азаматтары

Көрсетілетін қызметті берушіге ұсыну үшін қажетті құжаттар:

1. Жеке басын куәландыратын құжат немесе цифрлық құжаттар сервисінен электрондық құжат (сәйкестендіру үшін);
2. Зейнеткер куәлігі – зейнеткерлер үшін;
3. Мүгедектігі бар адамдар үшін - зейнеткер куәлігі не медициналық–әлеуметтік сараптаманы куәландыру актісінен үзінді көшірме;
4. Сот шешімі не қорғаншылық пен қамқоршылықты растайтын өзге де құжат - бала кезінен мүгедек баланың заңды өкілдері, сондай-ақ қорғаншылар немесе қамқоршылар, патронат тәрбиешілер және оларды алмастыратын басқа да адамдар үшін ҚР заңнамасына сәйкес баланың құқықтары мен мүдделерін қорғауды, білім беруді, тәрбиелеуді, қорғауды жүзеге асыратын адамдар (заңды өкілдер);
5. Өңірлердің "Денсаулық сақтау басқармасы" мемлекеттік мекемелері бірінші басшысының бұйрығымен құрылған "Бекітілген халық тіркелімі" ақпараттық жүйесінде МСАК-қа халықты бекіту (бекітуден шығаруды) мәселелерін қарау жөніндегі комиссияның хаттамасы – сот үкімі бойынша бас бостандығынан айыру орындарында, колонияларда (өтеу орны бойынша) жазасын өтеп жатқан сотталғандар үшін;
6. Мерзімді қызметтегі әскери қызметшілерді жеке құрам тізіміне қабылдау туралы әскери бөлім командирінің (мекеме бастығының) бұйрығынан үзінді көшірме – мерзімді қызметтегі әскери қызметшілер үшін;
7. Медреседе білім алушылар үшін (18 жасқа дейінгі балалар) қадамдық қолжетімділік қағидатын сақтауды ескере отырып, әкімшілік-аумақтық бірлік жері бойынша заңды өкілдерінің ресми өтініші;
8. Жоғары оқу орны ректорының МСАК - қа ресми өтініші және оқу орны мен МСАК арасындағы комиссия хаттамасы-басқа қалалардан келген студенттер үшін (18 жасқа дейінгі балалар)
9. Шет мемлекетте туғанын растайтын құжат – шет мемлекетте туған балалар үшін;
10. Облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті атқарушы органдарының шешімі –сәбилер, жетімдер, қарттар үйлерінің және басқаларының қамқорындағылар үшін;
11. Сенімхат бойынша, оның ішінде шарт болған кезде ерікті және (немесе) жүктелген медициналық сақтандыру шарты бойынша бекітуді ресімдейтіндер.

Қазақстан Республикасының заңдарында белгіленген мемлекеттік қызмет көрсетуден бас тарту үшін негіздер

1) көрсетілетін қызметті алушының мемлекеттік көрсетілетін қызметті алу үшін ұсынған құжаттардың және (немесе) олардағы деректердің (мәліметтердің) анық еместігін анықтау;
2) көрсетілетін қызметті алушының және (немесе) мемлекеттік қызмет көрсету үшін қажетті ұсынылған материалдардың, объектілердің, деректердің және мәліметтердің осы Қағидалармен белгіленген талаптарға сәйкес келмеуі;
3) уәкілетті мемлекеттік органның мемлекеттік қызмет көрсету үшін қажетті келісімі туралы сұрау салуға берілген теріс жауап, сондай-ақ сараптаманың, зерттеудің не тексерудің теріс қорытындысы;
4) көрсетілетін қызметті алушыға қатысты оның қызметіне немесе мемлекеттік көрсетілетін қызметті алуды талап ететін жекелеген қызмет түрлеріне тыйым салу туралы соттың заңды күшіне енген шешімінің (үкімінің) болуы;
5) көрсетілетін қызметті алушыға қатысты соттың заңды күшіне енген үкімінің болуы, оның негізінде көрсетілетін қызметті алушының мемлекеттік көрсетілетін қызметті алумен байланысты арнаулы құқығынан айырылуы бойынша;
6) көрсетілетін қызметті алушының мемлекеттік қызмет көрсету үшін талап етілетін, "Дербес деректер және оларды қорғау туралы" Қазақстан Республикасы Заңының 8-бабына сәйкес берілетін қолжетімділігі шектеулі дербес деректерге қол жеткізуге келісімі болмауы бойынша мемлекеттік қызметтерді көрсетуден бас тартады.

Әкімшілік рәсімді қозғау үшін негіздер

• өтініш;
• әкімшілік органның, лауазымды адамның бастамасы.

Әкімшілік рәсімді қозғауға негіз болып табылады

Қағаз немесе электрондық нысанда берілген өтініште төмендегілер көрсетіледі:

• жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
• өтініш берілетін әкімшілік органның, лауазымды адамның атауы;
• өтініштің мәні;
• өтініштің берілген күні;
• өтініш иесінің немесе оның өкілінің қолы;
• Қазақстан Республикасының заңнамасында көзделген өзге де мәліметтер көрсетіледі.

Егер Қазақстан Республикасының заңдарына сәйкес әкімшілік рәсім ақылы негізде жүзеге асырылса, өтініш иесі төлемді растайтын құжатты ұсынуға тиіс.

 

 

Дереккөз: ҚР ӘРПК,
ҚР "Мемлекеттік көрсетілетін қызметтер туралы" Заңы