ҚР Қорғаныс министрлігінің Орталық мұрағатынан шығатын мұрағаттық анықтамаларды және мұрағаттық құжаттардың көшірмелерін апостильдеу үшін "Азаматтарға арналған үкімет" МК КЕАҚ филиалына (ХҚКО) келу керек:

• жеке куәлік;
• мемлекеттік баждың төленгені туралы түбіртек (0,5 АЕК).

ХҚКО-ға өтінім берілгеннен кейін апостиль қойылған құжатты сіз 15 жұмыс күні ішінде аласыз.

Қазақстан Республикасы Ішкі істер министрлігінің арнайы мемлекеттік мұрағатынан және оның аумақтық бөлімшелерінен келіп түсетін мұрағаттық анықтамаларға және мұрағаттық құжаттардың көшірмелеріне апостиль қою үшін мына мекенжайға хабарласу қажет:

• көрсетілетін қызметті берушінің кеңсесі;
• «Азаматтарға арналған үкімет» МК (ХҚО) КЕАҚ филиалына;
• немесе «электрондық үкіметтің» www.egov.kz веб-порталы арқылы электронды түрде жібереді.

Өзіңізбен бірге келесі құжаттар болуы керек:

• Қазақстан Республикасы Ішкі істер министрлігінің арнайы мемлекеттік мұрағатынан және оның аумақтық бөлімшелерінен апостиль қою үшін келген өтініш;
• ресми құжат;
• үшінші тұлға көрсетілетін қызметті алушының мүддесін білдірген кезде өкілеттікті растайтын құжат немесе нотариалды куәландырылған сенімхат;
• бюджетке мемлекеттік баждың төленгенін растайтын құжат (0,5 АЕК).

Өтінішті бергеннен кейін 8 жұмыс күні ішінде апостиль қойылған құжатты аласыз.