Жеке куәлікті ҚР Ішкі істер министрлігі "Азаматтарға арналған үкімет" (ХҚКО) КЕАҚ филиалдары арқылы береді. Куәлікті ресімдеу үшін мемлекеттік баждың құны – 0,2 АЕК. Ресімдеу мерзімі – 15 жұмыс күні. Тездетіп алғаны үшін аймаққа байланысты қосымша ақы талап етіледі Астана, Алматы, Шымкент және Ақтөбе қалалары үшін: 1 жұмыс күніне дейін - 3 011,12 теңге; 3 жұмыс күніне дейін - 1 581,1 теңге. басқа облыс орталықтары үшін: 3 жұмыс күніне дейін - 3 011,12 теңге; 5 жұмыс күніне дейін - 1 581,1 теңге. облыстардың аудандары мен қалалары үшін: 7 жұмыс күніне дейін - 605,3 теңге.

 

Жеке куәлік жоғалған немесе ұрланған жағдайда Сіз «Азаматтарға арналған үкімет» МК» КЕАҚ кез келген филиалына (ХҚКО-ға) төмендегі құжаттарды ұсына отырып, жүгіне аласыз:

Жоғалған жағдайда:

1. Жеке куәлікті қайта дайындау туралы жазбаша өтініш, онда жоғалу мән-жайын көрсету қажет;
2. Мемлекеттік бажды төлеуден босатылғанын растайтын құжат (бар болса);
3. Анықтама алу үшін мемлекеттік бажды төлеу QR коды арқылы екінші деңгейдегі банктің мобильді қосымшалары немесе «Қазпочта» АҚ кассасы арқылы өтініш беру барысында жүзеге асырылады;
4. Қазақстан Республикасы азаматаның паспорты (бар болса).

Ұрланған жағдайда:

1. Жеке куәліктің ұрлануы туралы өтінішті қабылдаған қылмыстық қудалау органынан талон-хабарлама;
2. Мемлекеттік бажды төлеуден босатылғанын растайтын құжат (бар болса);
3. Анықтама алу үшін мемлекеттік бажды төлеу QR коды арқылы екінші деңгейдегі банктің мобильді қосымшалары немесе «Қазпочта» АҚ кассасы арқылы өтініш беру барысында жүзеге асырылады;
4. Қазақстан Республикасы азаматаның паспорты (бар болса).